ଯୁବ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ଉଦୟ ଭାନୁଙ୍କୁ ମିଳିଲା ଜାମିନ

ଭାରତୀୟ ଯୁବ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ଉଦୟ ଭାନୁ ଚିବଙ୍କୁ ଏଆଇ ସମ୍ମିଳନୀ ପ୍ରତିବାଦ ମାମଲାରେ ପଟିଆଲା ହାଉସ କୋର୍ଟ ଜାମିନ ପ୍ରଦାନ କରିଛନ୍ତି । ଦିଲ୍ଲୀ କ୍ରାଇମବ୍ରାଞ୍ଚ ପକ୍ଷରୁ ଉଦୟଭାନୁଙ୍କ ପୋଲିସ ହାଜତ ରିମାଣ୍ଡକୁ ୭ ଦିନ ବୃଦ୍ଧି କରିବାକୁ ଅନୁରୋଧ କରାଯାଇଥିଲା । କିନ୍ତୁ ପର୍ଯ୍ୟାପ୍ତ କାରଣ ଦର୍ଶାଇ ନ ପାରିବାରୁ କୋର୍ଟ ଦିଲ୍ଲୀ ପୋଲିସର ଏହି ରିମାଣ୍ଡ ଆବେଦନକୁ ଖାରଜ କରିଦେଇଛନ୍ତି । କୋର୍ଟ ଉଦୟଭାନୁଙ୍କୁ ୫୦ ହଜାର ଟଙ୍କାର ବ୍ୟକ୍ତିଗତ ବଣ୍ଡରେ ଜାମିନ ପ୍ରଦାନ କରିଛନ୍ତି । ଜାମିନରେ ଚିବଙ୍କୁ ତାଙ୍କ ପାସପୋର୍ଟ ଏବଂ ଇଲେକ୍ଟ୍ରୋନିକ ଉପକରଣ କୋର୍ଟରେ ସମର୍ପଣ କରିବାକୁ ମଧ୍ୟ ସର୍ତ୍ତ ରଖାଯାଇଛି । ପ୍ରକାଶଯୋଗ୍ୟ, ଗତ ସପ୍ତାହରେ ଦିଲ୍ଲୀର ଭାରତ ମଣ୍ଡପମରେ ଏଆଇ ସମ୍ମିଳନୀ ଅନୁଷ୍ଠିତ ହୋଇଥିଲା । ଏହି ସମୟରେ କଂଗ୍ରେସ କର୍ମୀମାନେ ସାର୍ଟ ଖୋଲି ପ୍ରତିବାଦ କରିଥିଲେ । ପରେ ପୋଲିସ ଉଦୟଭାନୁଙ୍କ ସମେତ ୧୪ ଜଣଙ୍କୁ ଗିରଫ କରିଥିଲା ।