ବିଶ୍ୱ ବିଜେତା ଭାରତ: ନ୍ୟୁଜିଲ୍ୟାଣ୍ଡକୁ ହରାଇ ତୃତୀୟ ଥର ପାଇଁ ଟି-୨୦ ବିଶ୍ୱକପ୍ ଜିତିଲା ଟିମ୍ ଇଣ୍ଡିଆ

ନରେନ୍ଦ୍ର ମୋଦି ଷ୍ଟାଡିୟମରେ ଭାରତୀୟ କ୍ରିକେଟ୍ ଟିମ୍ ଏକ ନୂଆ ଇତିହାସ ରଚିଛି। ୨୦୨୬ ଟି-୨୦ ବିଶ୍ୱକପ୍ ଫାଇନାଲରେ ନ୍ୟୁଜିଲ୍ୟାଣ୍ଡକୁ ୯୬ ରନରେ ପରାସ୍ତ କରି ସୂର୍ଯ୍ୟକୁମାର ଯାଦବଙ୍କ ନେତୃତ୍ୱାଧୀନ ଭାରତୀୟ ଦଳ ବିଶ୍ୱ ବିଜେତା ହୋଇଛି। ଏଥିସହ ଭାରତ ପ୍ରଥମ ଦେଶ ଭାବେ ରେକର୍ଡ ତୃତୀୟ ଥର ପାଇଁ ଏହି ଟ୍ରଫି ନିଜ ନାମରେ କରିଛି। ପ୍ରଥମେ ବ୍ୟାଟିଂ କରି ଭାରତ ସଞ୍ଜୁ ସାମସନଙ୍କ ୮୯, ଈଶାନ କିଶନଙ୍କ ୫୪ ଏବଂ ଅଭିଷେକ ଶର୍ମାଙ୍କ ୫୨ ରନ ବଳରେ ୨୫୫ ରନର ବିଶାଳ ସ୍କୋର ଛିଡ଼ା କରିଥିଲା। ଜବାବରେ ନ୍ୟୁଜିଲ୍ୟାଣ୍ଡ ମାତ୍ର ୧୫୯ ରନରେ ଅଲଆଉଟ୍ ହୋଇଯାଇଥିଲା। ଭାରତୀୟ ବୋଲରଙ୍କ ମଧ୍ୟରେ ଯଶପ୍ରୀତ ବୁମ୍ରା ୧୫ ରନ ଦେଇ ୪ଟି ଏବଂ ଅକ୍ଷର ପଟେଲ ଗୁରୁତ୍ୱପୂର୍ଣ୍ଣ ୱିକେଟ ନେଇଥିଲେ। ନିଜ ଦେଶର ମାଟିରେ ବିଶ୍ୱକପ୍ ଜିତି ଭାରତୀୟ ଖେଳାଳିମାନେ ଦେଶବାସୀଙ୍କୁ ଆଗୁଆ ଇଦ୍ ଉପହାର ଦେଇଛନ୍ତି।