୧.
ପ୍ରାକୃତିକ ବିପର୍ଯ୍ୟୟରେ ଜମି ହରାଇଥିଲେ, ସରକାର ଜମି ଦେବେ
ବିଭିନ୍ନ ସମୟରେ ରାଜ୍ୟର ଅନେକ ଅଞ୍ଚଳରେ ପ୍ରାକୃତିକ ବିପର୍ଯ୍ୟୟରେ ଲୋକମାନେ ଜମି ହରାଉଛନ୍ତି । ଏ କ୍ଷେତ୍ରରେ ଲୋକମାନଙ୍କୁ ଜମି ଦେବାକୁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି । ଏହା କହିଛନ୍ତି ରାଜସ୍ୱ ମନ୍ତ୍ରୀ ସୁରେଶ ପୂଜାରୀ । ସେ କହିଛପନ୍ତି, ୧୯୮୨ ମସିହାରୁ ରାଜ୍ୟର ଏଭଳି ସମସ୍ୟା ନଜରକୁ ଆସିଛି । କେତେକ ସ୍ଥାନରେ ନଦୀ ଗତିପଥ ବଦଳାଇଥିବାରୁ ଲୋକମାନେ ଜମି ହରାଇଛନ୍ତି । ଏ ସମ୍ପର୍କରେ ଜିଲ୍ଲାପାଳମାନଙ୍କୁ ରିପୋର୍ଟ ମଗାଯାଇଛି । ରିପୋର୍ଟ ମିଳିବା ପରେ ସରକାର ନିଷ୍ପତ୍ତି ନେବେ । କେତେକ ଜିଲ୍ଲାରେ ବନେ୍ଦାବସ୍ତ ସମ୍ପର୍କିତ ପଡ଼ି ରହିଥିବା ମାମଲା ଗୁଡ଼ିକୁ ଅକ୍ଟୋବର ମାସ ମଧ୍ୟରେ ସମାଧାନ କରିବାକୁ ନିଦେ୍ର୍ଦଶ ଦିଆଯାଇଥିବା ମନ୍ତ୍ରୀ କହିଛନ୍ତି ଏଥିପାଇଁ ରାଜସ୍ୱ କୋର୍ଟ ସଂଖା୍ୟା ବଢ଼ାଇବାକୁ ଯୋଜନା ରହିଛି
…
୨.
ଇସ୍ରାଏଲ ଆକ୍ରମଣରେ ଅଲ୍ ଜଜିରାର ୫ ସାମ୍ବାଦିକ ମୃତୁ୍ୟ
ଇସ୍ରାଏଲ ସେନା ସାମ୍ବାଦିକଙ୍କ ଜୀବନ ନେବାକୁ ପଛାଇନାହିଁ । ରବିବାର ରାତିରେ ଗାଜାର ଅଲ-ଶିଫା ହସ୍ପିଟାଲ ନିକଟରେ ଥିବା ସାମ୍ବାଦିକଙ୍କ ଆଶ୍ରୟସ୍ଥଳ ଉପରେ ଇସ୍ରାଏଲ ଡିଫେନ୍ସ ଫୋର୍ସ ତଥା ଆଇଡିଏଫ୍ ଜୋରଦାର ଆକ୍ରମଣ କରିଛି । ଏଥିରେ ୫ ସାମ୍ବାଦିକଙ୍କ ସମେତ ୭ଜଣଙ୍କ ମୃତୁ୍ୟ ହୋଇଛି । ମୃତ ସାମ୍ବାଦିକଙ୍କ ମଧ୍ୟରେ ଅନସ ଅଲ୍-ଶରିଫ, ମହମ୍ମଦ କରିକେହ, କ୍ୟାମେରାମ୍ୟାନ ଇବ୍ରାହିମ ଜହିଦ, ମୋଆମିନ ଅଲିୱା ଓ ମହମ୍ମଦ ନୌଫଲ ଅଛନ୍ତି । ରିପୋର୍ଟର ଅନସ ଅଲ୍ଙ୍କୁ ଟାର୍ଗେଟ କରି ଆକ୍ରମଣ କରାଯାଇଥିଲା ବୋଲି ଇସ୍ରାଏଲ ସେନା ସ୍ୱୀକାର କରିଛି । ଆଇଡିଏଫ ଅନସଙ୍କୁ ଆତଙ୍କବାଦୀ ଦର୍ଶାଇଛି । ସେ ଆତଙ୍କବାଦୀ ସଂଗଠନ ହମାସର ଆତଙ୍କୀ ସେଲ୍ ମୁଖ୍ୟ ଭାବେ ପୂର୍ବରୁ କାମ କରୁଥିଲେ । ଇସ୍ରାଏଲ ନାଗରିକ ଓ ସୈନିକଙ୍କ ଉପରେ ରକେଟ ଆକ୍ରମଣ କରିଥିଲେ ବୋଲି ଇସ୍ରାଏଲ ପକ୍ଷରୁ କୁହାଯାଇଛି ।
…
୩.
ସୁପ୍ରିମକୋର୍ଟଙ୍କ ନିଦେ୍ର୍ଦଶ, ୮ ସପ୍ତାହ ମଧ୍ୟରେ ଦିଲ୍ଲୀରୁ ସବୁ ବୁଲା କୁକୁରଙ୍କୁ ଧର
ଦିଲ୍ଲୀ-ଏନସିଆରରେ ବୁଲା କୁକୁରଙ୍କ ଉତ୍ପାତରେ ଜନସାଧାରଣ ଆତଙ୍କିତ ଅବସ୍ଥାରେ ରହିଛନ୍ତି । କୁକୁର କାମୁଡ଼ା ବୃଦ୍ଧି ପାଉଥିବାବେଳେ ରେବିଜରେ ଅନେକ ନିରୀହ ଲୋକଙ୍କ ଜୀବନ ଯାଉଛି । ଏହାକୁ ଦୃଷ୍ଟିରେ ରଖି ସୁପ୍ରିମ କୋର୍ଟ ସୋମବାର ବଡ଼ ନିଦେ୍ର୍ଦଶ ଦେଇଛନ୍ତି । ୮ ସପ୍ତାହ ମଧ୍ୟରେ ଦିଲ୍ଲୀ-ଏନସିଆରରୁ ସମସ୍ତ ବୁଲା କୁକୁରଙ୍କୁ ଧରି ବନ୍ଧ୍ୟକରଣ କରି ଆଶ୍ରୟସ୍ଥଳରେ ଛାଡ଼ିବାକୁ ସର୍ବୋଚ୍ଚ ଅଦାଲତ କହିଛନ୍ତି । କୌଣସି ସଂଗଠନ କିମ୍ବା ବ୍ୟକ୍ତି ଏହି କାର୍ଯ୍ୟରେ ହସ୍ତକ୍ଷେପ କଲେ, ତାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କୋର୍ଟ ପୌର ସଂସ୍ଥାକୁ ନିଦେ୍ର୍ଦଶ ଦେଇଛନ୍ତି । ସବୁ ଅଞ୍ଚଳକୁ ବୁଲା କୁକୁର ମୁକ୍ତ କରିବା ପାଇଁ ଜଷ୍ଟିସ ଜେବି ପାର୍ଦିୱାଲା ଓ ଆର୍ ମହାଦେବନଙ୍କ ଖଣ୍ଡପୀଠ ତାଙ୍କ ରାୟରେ କହିଛନ୍ତି ।
..
୪.
ସେନାର ଆଇନ ଶାଖାରେ ପୁରୁଷଙ୍କୁ ସଂରକ୍ଷଣ ମିଳିପାରିବ ନାହିଁ, କହିଲେ ସୁପ୍ରିମ କୋର୍ଟ
ଭାରତୀୟ ସେନାର ଜଜ୍ ଆଡଭୋକେଟ୍ ଜେନେରାଲ ତଥା ଜେଏଜି ଶାଖାରେ ନିଯୁକ୍ତି ପାଇଁ ଥିବା ସଂରକ୍ଷଣ ବ୍ୟବସ୍ଥାକୁ ସୁପି୍ରମ କୋର୍ଟ ଉଚ୍ଛେଦ କରିଦେଇଛନ୍ତି । ୨ ଅନୁପାତ ୧ରେ ଥିବା ପୁରୁଷ ଏବଂ ମହିଳାଙ୍କ ନିଯୁକ୍ତି ନୀତି ମୌଳିକ ଅଧିକାର କ୍ଷୁଣ୍ଣ କରୁଛି । ଜଷ୍ଟିସ ମନମୋହନ ଓ ଦୀପଙ୍କର ଦତ୍ତାଙ୍କ ଖଣ୍ଡପୀଠ ସୋମବାର ରାୟ ଦେଇଛନ୍ତି । ଏହି ଶାଖାର କୌଣସି ପଦବୀକୁ ପୁରୁଷଙ୍କ ପାଇଁ ସଂରକ୍ଷିତ କିମ୍ବା ମହିଳାଙ୍କ ପାଇଁ ବାରଣ କରାଯାଇପାରିବ ନାହିଁ । ପୁରୁଷଙ୍କ ପାଇଁ ୬ଟି ଓ ମହିଳାଙ୍କ ଲାଗି ୩ଟି ପଦବୀରେ ନିଯୁକ୍ତିକୁ ଅନୁମତି ଦିଆଯିବ ନାହିଁ । ସର୍ବୋଚ୍ଚ ଅଦାଲତ ଏଭଳି ନୀତିକୁ ମନମୁଖୀ ବୋଲି ତାଙ୍କ ରାୟରେ କହିଛନ୍ତି । ତେଣୁ ଏଥିରୁ ମହିଳାଙ୍କୁ ଦୂରେଇ ରଖିବା ଦ୍ୱାରା ସମାନତା ଅଧିକାରର ଉଲ୍ଲଂଘନ ହେଉଛି ।
..
୫.
ଆଶାରାମ ବାପୁଙ୍କ ଅନ୍ତରୀଣ ଜାମିନ ଅଗଷ୍ଟ ୨୯ ପର୍ଯ୍ୟନ୍ତ ବଢ଼ିଲା
ଦୁଷ୍କର୍ମ ମାମଲାରେ ଆଜୀବନ ଜେଲ ଦଣ୍ଡ ଭୋଗ କରୁଥିବା ଆଶାରାମ ବାପୁଙ୍କୁ ପୁଣି ଆଶ୍ୱସ୍ତି ମିଳିଛି । ତାଙ୍କ ଅନ୍ତରୀଣ ଜାମିନକୁ ରାଜସ୍ଥାନ ହାଇକୋର୍ଟ ଅଗଷ୍ଟ ୨୯ ତାରିଖ ପର୍ଯ୍ୟନ୍ତ ବଢ଼ାଇ ଦେଇଛନ୍ତି । କିଛିଦିନ ତଳେ ଆଶାରାମଙ୍କ ଓକିଲ ତାଙ୍କର ସ୍ୱାସ୍ଥ୍ୟ ରିପୋର୍ଟ କୋର୍ଟରେ ଉପସ୍ଥାପନ କରିଥିଲେ । ଏହା ପୂର୍ବରୁ ଗୁଜରାଟ ହାଇକୋର୍ଟ ଏହି ଆଧାରରେ ଆଶାରାମଙ୍କ ଜାମିନଙ୍କୁ ଆସନ୍ତା ୨୯ ପର୍ଯ୍ୟନ୍ତ ବଢ଼ାଇ ଦେଇଥିଲେ । ତାଙ୍କର ଚିକିତ୍ସା କରୁଥିବା ଡାକ୍ତର ସ୍ୱାସ୍ଥ୍ୟ ଅବସ୍ଥାକୁ ଚିନ୍ତାଜନକ କହିଥିଲେ । ଏବେ ଇନେ୍ଦାରର ଜୁପିଟର ହସ୍ପିଟାଲ ଆଇସିୟୁରେ ଆଶାରାମଙ୍କ ଚିକିତ୍ସା ଜାରି ରହିଛି । ତାଙ୍କ ସ୍ୱାସ୍ଥ୍ୟାବସ୍ଥା ଯାଞ୍ଚ କରିବା ପାଇଁ ରାଜସ୍ଥାନ ହାଇକୋର୍ଟ ଏକ କମିଟି ଗଠନ କରିବାକୁ କହିଛନ୍ତି ।
..
୬.
ସମ୍ରାଟ ଚୌଧୁରୀ ଓ ତେଜସ୍ୱୀଙ୍କ ସମେତ ୬ ନେତାଙ୍କ ସୁରକ୍ଷା ବଢ଼ିଲା
ବିହାର ବିଧାନସଭା ନିର୍ବାଚନ ପୂର୍ବରୁ ରାଜନୀତି ସରଗରମ ହୋଇଉଠିଛି । ଏହା ମଧ୍ୟରେ ବିହାର ଉପମୁଖ୍ୟମନ୍ତ୍ରୀ ସମ୍ରାଟ ଚୌଧୁରୀ, ବିରୋଧୀ ଦଳ ନେତା ତେଜସ୍ୱୀ ଯାଦବ, ସାଂସଦ ପପୁ ଯାଦବଙ୍କ ସମେତ ୬ଜଣ ନେତାଙ୍କ ସୁରକ୍ଷା ବୃଦ୍ଧି କରାଯାଇଛି । ସମ୍ରାଟଙ୍କ ସୁରକ୍ଷାକୁ ବଢ଼ାଇ ‘ଜେଡ୍+’ ସହିତ ଆଡଭାନ୍ସ ସିକୁ୍ୟରିଟି ଲାଇଜନ ତଥା ଏଏସଏଲ୍ ଦିଆଯାଇଛି । ଏଥିରେ କେନ୍ଦ୍ରୀୟ ସୁରକ୍ଷା ବାହିନୀ ସହିତ ସ୍ଥାନୀୟ ଏଜେନ୍ସି ସାମିଲ ହେବାର ନିୟମ ରହିଛି । ସେହିପରି ତେଜସ୍ୱୀଙ୍କୁ ‘ଜେଡ୍’ ଏବଂ ପପୁଙ୍କୁ ‘ୱାଇ+’ ସୁରକ୍ଷା ପ୍ରଦାନ କରାଯାଇଛି । ଏହାବ୍ୟତୀତ ଜେଡିୟୁ ଏମଏଲସି ନୀରଜ କୁମାର, ବିଜେପି ବିଧାୟକ ଜ୍ଞାନେନ୍ଦ୍ର ସିଂ ଜ୍ଞାନୁ ଏବଂ ପ୍ରଦୀପ କୁମାର ସିଂ’ଙ୍କ ସୁରକ୍ଷା ମଧ୍ୟ ବୃଦ୍ଧି ପାଇଛି ।
..
୭.
ଦିଲ୍ଲୀରେ ସାଂସଦଙ୍କ ପାଇଁ ନିର୍ମିତ ୧୮୪ ଫ୍ଲାଟ ଉଦଘାଟନ କଲେ ମୋଦୀ
ରାଜଧାନୀ ଦିଲ୍ଲୀର ବାବା ଖଡ଼କ ସିଂହ ମାର୍ଗରେ ସାଂସଦଙ୍କ ପାଇଁ ନିର୍ମିତ ୧୮୪ ନୂଆ ଫ୍ଲାଟକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ଉଦଘାଟନ କରିଛନ୍ତି । ଏହି ସବୁ ଫ୍ଲାଟ ଟାଇପ-୭’ର ବହୁତଳ ଆପାର୍ଟମେଣ୍ଟ । ଏଠାରେ ପିଏମ୍ ମୋଦୀ ସିନ୍ଦୁର ଗଛ ମଧ୍ୟ ଲଗାଇଛନ୍ତି । ଉଦଘାଟନ ଅବସରରେ ମୋଦି କହିଛନ୍ତି, ଏହି ୪ ଟାୱାରର ବହୁତ ସୁନ୍ଦର ନାମ ରଖାଯାଇଛି । କୃଷ୍ଣା, ଗୋଦାବରୀ, କୋଶୀ ଏବଂ ହୁଗୁଳି ନାମ ଭାରତର ୪ ମହାନ ନଦୀକୁ ପ୍ରତିନିଧିତ୍ୱ କରୁଛନ୍ତି । ଏହା ଲକ୍ଷ ଲକ୍ଷ ଲୋକଙ୍କୁ ମଧ୍ୟ ଜୀବନ ଦେଉଛି । ସାଂସଦଙ୍କ ପାଇଁ ବାସଭବନ କମ୍ ରହିଥିବାରୁ ଏସବୁ ନିର୍ମାଣ କରାଯାଇଛି । ବହୁତ କମ ଜମି ଥିବାରୁ ବହୁତଳ ପ୍ରାସାଦ ନିର୍ମିତ ହୋଇଥିବା ପ୍ରଧାନମନ୍ତ୍ରୀ କହିଛନ୍ତି । ଏହି ନୂଆ ଫ୍ଲାଟଗୁଡ଼ିକରେ ସମ୍ପୂର୍ଣ୍ଣ ଅତ୍ୟାଧୁନିକ ସୁବିଧା ରହିଛି ।
..
୮.
ଆମିଷ କ୍ଷୀର ପାଇଁ ଭାରତ ଉପରେ ଶୁଳ୍କ ଲଗାଉଛି ଆମେରିକା
ଭାରତ ଉପରେ ଆମେରିକା ମଧ୍ୟରେ ଗତ ୪ ମାସ ହେଲା ବାଣିଜ୍ୟ ଚୁକ୍ତିକୁ ନେଇ ଆଲୋଚନା ଜାରି ଚାଲିଥିଲା । କିନ୍ତୁ ଶେଷରେ ଏହି ଆଲୋଚନା ବିଫଳ ହୋଇଥିଲା । ଯେଉଁଥି ପାଇଁ ଭାରତ ଉପରେ ଆମେରିକା ସର୍ବାଧିକ ତଥା ୫୦ ପ୍ରତିଶତ ଶୁଳ୍କ ଲଗାଇଛି । ଭାରତର କୃଷି ଏବଂ ଡାଏରୀ କ୍ଷେତ୍ରକୁ ଆମେରିକା ପ୍ରବେଶ କରିବାକୁ ଚାହୁଁଥିଲା । ମାତ୍ର ଭାରତ ସରକାର ଏଥିରେ ରାଜି ହୋଇ ନ ଥିଲେ । ସେଥିପାଇଁ ଟ୍ରମ୍ପ କ୍ଷୁବ୍ଧ ହୋଇ ଏହି ଶୁଳ୍କ ଲଗାଇଛନ୍ତି । ଆମେରିକା ଗାଇଙ୍କୁ ମାଂସ ଖୁଆଇ କ୍ଷୀର ଆଦି ଉତ୍ପାଦ ତିଆରି କରୁଛି । ତେଣୁ ଭାରତ ଏହାକୁ ଆଣିବାକୁ ମନା କରିଦେଇଥିଲା । ବିଶ୍ୱରେ ଭାରତ ସର୍ବାଧିକ କ୍ଷୀର ଉତ୍ପାଦନ କରୁଛି । ଯଦି ଆମେରିକା ଏହି କ୍ଷେତ୍ରରେ ପ୍ରବେଶ କରିବ ତେବେ ସ୍ଥାନୀୟ କୃଷକ ବିପୁଳ କ୍ଷତି ସହିବେ ଏବଂ ଧାର୍ମିକ ଭାବନାକୁ ମଧ୍ୟ ଆଘାତ ଲାଗିବ ।
..
9.
ରେଳବାଇରେ ୪୩୪ ପାରାମେଡିକାଲ୍ ପଦବୀ ପାଇଁ ନିଯୁକ୍ତି ସୁଯୋଗ
ରେଳବାଇ ନିଯୁକ୍ତି ବୋର୍ଡ (ଆରଆରବି) ପକ୍ଷରୁ ପାରାମେଡିକାଲ୍ ଷ୍ଟାଫ୍ ପାଇଁ ୪୩୪ଟି ପଦବୀରେ ନିଯୁକ୍ତି ବିଜ୍ଞପ୍ତି ପ୍ରକାଶ ପାଇଛି। ଏଥିପାଇଁ ଅନଲାଇନ୍ ଆବେଦନ ପ୍ରକ୍ରିୟା ସେପ୍ଟେମ୍ବର ୮ ତାରିଖ ପର୍ଯ୍ୟନ୍ତ ଚାଲିବ। ଏହି ନିଯୁକ୍ତିରେ ନର୍ସିଂ ସୁପରିଣ୍ଟେଣ୍ଡେଣ୍ଟ୍ (୨୭୨), ଫାର୍ମାସିଷ୍ଟ (୧୦୫) ଏବଂ ହେଲ୍ଥ ଇନ୍ସପେକ୍ଟର (୩୩) ଭଳି ଗୁରୁତ୍ୱପୂର୍ଣ୍ଣ ପଦବୀ ରହିଛି। ବି.ଏସସି, ଡିପ୍ଲୋମା, ଜିଏନଏମ, ଡି.ଫାର୍ମା ଏବଂ ଡିଏମଏଲଟି ଯୋଗ୍ୟତା ଥିବା ପ୍ରାର୍ଥୀମାନେ ଆବେଦନ କରିପାରିବେ। ଆବେଦନକାରୀଙ୍କ ବୟସ ସୀମା ୧୮ରୁ ୪୦ ବର୍ଷ ମଧ୍ୟରେ ହେବା ଆବଶ୍ୟକ। ସାଧାରଣ ବର୍ଗଙ୍କ ପାଇଁ ଆବେଦନ ଫି’ ୫୦୦ ଟଙ୍କା ଏବଂ ସଂରକ୍ଷିତ ବର୍ଗଙ୍କ ପାଇଁ ୨୫୦ ଟଙ୍କା ରଖାଯାଇଛି। ଇଚ୍ଛୁକ ପ୍ରାର୍ଥୀମାନେ ଅଧିକ ସୂଚନା ପାଇଁ ଆରଆରବିର ଅଫିସିଆଲ୍ ୱେବସାଇଟ୍ rrbcdg.gov.in କୁ ଯାଇ ଆବେଦନ କରିପାରିବେ।
……
10.
ଇଣ୍ଡିଆନ୍ ଓଭରସିଜ୍ ବ୍ୟାଙ୍କରେ ୭୫୦ ଆପ୍ରେଣ୍ଟିସ୍ ପଦବୀ ପାଇଁ ଆବେଦନ ଆହ୍ବାନ
ଇଣ୍ଡିଆନ୍ ଓଭରସିଜ୍ ବ୍ୟାଙ୍କ ପକ୍ଷରୁ ୭୫୦ଟି ଆପ୍ରେଣ୍ଟିସ୍ ପଦବୀ ପାଇଁ ଏକ ନିଯୁକ୍ତି ବିଜ୍ଞପ୍ତି ପ୍ରକାଶ ପାଇଛି। ଯେକୌଣସି ବିଷୟରେ ସ୍ନାତକ (ଗ୍ରାଜୁଏଟ୍) ପାସ୍ କରିଥିବା ଯୋଗ୍ୟ ପ୍ରାର୍ଥୀମାନେ ଏହି ପଦବୀ ପାଇଁ ଆବେଦନ କରିପାରିବେ। ଏହାର ଅନଲାଇନ୍ ଆବେଦନ ପ୍ରକ୍ରିୟା ଅଗଷ୍ଟ ୨୦ ତାରିଖ ପର୍ଯ୍ୟନ୍ତ ଚାଲିବ। ଆବେଦନକାରୀଙ୍କ ବୟସ ୨୦ରୁ ୨୮ ବର୍ଷ ମଧ୍ୟରେ ହେବା ଆବଶ୍ୟକ। ମନୋନୀତ ପ୍ରାର୍ଥୀଙ୍କୁ କାର୍ଯ୍ୟସ୍ଥଳୀ ଅନୁଯାୟୀ ମାସିକ ୧୦,୦୦୦ରୁ ୧୫,୦୦୦ ଟଙ୍କା ପର୍ଯ୍ୟନ୍ତ ଷ୍ଟାଇପେଣ୍ଡ୍ ମିଳିବ। ଏଥିପାଇଁ ଅନଲାଇନ୍ ପରୀକ୍ଷା ଅଗଷ୍ଟ ୨୪ ତାରିଖରେ ହେବାର ସମ୍ଭାବନା ରହିଛି। ଇଚ୍ଛୁକ ପ୍ରାର୍ଥୀମାନେ ଅଧିକ ବିବରଣୀ ପାଇଁ ବ୍ୟାଙ୍କର ଅଫିସିଆଲ୍ ୱେବସାଇଟ୍ iob.in କୁ ଯାଇ ଆବେଦନ କରିପାରିବେ।
….
11.
ଭୋଟର ଯାଞ୍ଚ ବିରୋଧରେ ବିରୋଧୀଙ୍କ ବିକ୍ଷୋଭ; ରାହୁଲ, ପ୍ରିୟଙ୍କାଙ୍କୁ ଅଟକ ରଖିଲା ପୁଲିସ
ଭୋଟର ଯାଞ୍ଚ ଏବଂ ନିର୍ବାଚନରେ ଭୋଟ ଚୋରି ଅଭିଯୋଗକୁ ନେଇ ବିରୋଧୀ ଇଣ୍ଡିଆ ମେଣ୍ଟ ରଣହୁଙ୍କାର ଦେଇଛି । ମେଣ୍ଟର ୩୦୦ ସାଂସଦ ସୋମବାର ସଂସଦ ଭବନରୁ ନିର୍ବାଚନ କମିଶନ ଅଫିସଙ୍କ ପର୍ଯ୍ୟନ୍ତ ପଦଯାତ୍ରା କରିଥିଲେ । ପଦଯାତ୍ରାରେ ଲୋକସଭା ବିରୋଧୀ ଦଳର ନେତା ରାହୁଲ ଗାନ୍ଧୀ, ଭଉଣୀ ତଥା ସାଂସଦ ପି୍ରୟଙ୍କା ଗାନ୍ଧୀ ଭଦ୍ରା, ଏସ୍ପି ମୁଖ୍ୟ ଅଖିଳେଶ ଯାଦବଙ୍କ ସମେତ ଅନେକ ବିରୋଧୀ ସଦସ୍ୟ ସାମିଲ ଥିଲେ । ଏହି ମାର୍ଗରେ ବିରୋଧୀ ନେତା ପୋଲିସ ସହ ମୁହାଁମୁହିଁ ହୋଇଥିଲେ । ଟିଏମସି ସାଂସଦ ମିତାଲି ବାଗ ଚେତାଶୂନ୍ୟ ହୋଇ ପଡ଼ିଯାଇଥିଲେ । ପରେ ରାହୁଲ ଓ ଅନ୍ୟ ସାଂସଦ ତାଙ୍କୁ ସହାୟତା କରିଥିଲେ । ଇସିଙ୍କ ଅଫିସ ଆଗରେ ପୁଲିସ ବ୍ୟାରିକେଡ ଲଗାଇ ପଦଯାତ୍ରାକୁ ଅଟକାଇ ଦେଇଥିଲା । ଏହି ସମୟରେ ସାଂସଦ ଅଖିଳେଶ ବ୍ୟାରିକେଡ ଲଂଘି ଇସି ଅଫିସ ମଧ୍ୟକୁ ପ୍ରବେଶ କରିବାକୁ ପ୍ରୟାସ କରିଥିଲେ । ପୁଲିସ ରାହୁଲ, ପ୍ରିୟଙ୍କାଙ୍କ ସମେତ କିଛି ନେତାଙ୍କୁ ଅଟକ ରଖି ୨ ଘଣ୍ଟା ପରେ ଛାଡ଼ି ଦେଇଥିଲା ।
…
12.
ସେନସେକ୍ସ ୭୪୬ ପଏଣ୍ଟ ବୃଦ୍ଧି
ଚଳିତ ସପ୍ତାହର ପ୍ରଥମ ଦିନରେ ସୋମବାର ଶେୟାର ବଜାରରେ ଦ୍ରୁତ ବୃଦ୍ଧି ଦେଖାଯାଇଛି । ସେନସେକ୍ସ ୭୪୬ ପଏଣ୍ଟ ବଢ଼ି ୮୦,୬୦୪ ସ୍ତରରେ ବନ୍ଦ ହୋଇଛି । ସେହିପରି ନିଫ୍ଟିରେ ୨୨୨ ପଏଣ୍ଟ ବୃଦ୍ଧି ଦେଖାଦେଇଛି । ୨୪,୫୮୫ ସ୍ତରରେ ବଜାର ବନ୍ଦ ହୋଇଛି । ଆଜି ସେନସେକ୍ସର ୩୦ଟି ଶେୟାର ମଧ୍ୟରୁ ୨୬ରେ ବୃଦ୍ଧି ଏବଂ ୪ଟି ଶେୟାର ହ୍ରାସ ପାଇଥିଲା । ଟାଟା ମୋଟର୍ସ, ଟ୍ରେଣ୍ଡ, ଜମାଟୋ ଏବଂ ଏସବିଆଇ ଶେୟାର ୩.୨ ପ୍ରତିଶତ ବୃଦ୍ଧି ଘଟିଥିଲା । ଆଇସିଆଇସିଆଇ ବ୍ୟାଙ୍କ, ଏୟାରଟେଲ ଏବଂ ବେଲ୍ର ଶେୟାର ସାମାନ୍ୟ ହ୍ରାସ ପାଇଥିଲା । ସେହିପରି ନିଫ୍ଟିର ୫୦ଟି ଶେୟାର ମଧ୍ୟରୁ ୪୪ଟି ବୃଦ୍ଧି ଏବଂ ୬ଟି ହ୍ରାସ ଦେଖାଦେଇଥିଲା ।
..
13.
ରାଜସ୍ଥାନ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟକୁ ବୋମା ମାଡ଼ ଧମକ
ରାଜସ୍ଥାନ ମୁଖ୍ୟମନ୍ତ୍ରୀ ଭଜନଲାଲ ଶର୍ମାଙ୍କ ବାସଭବନକୁ ବୋମା ମାଡ଼ କରିବାକୁ ଧମକ ଦିଆଯାଇଛି । ଧମକ ମିଳିବା ପରେ ପୁଲିସ ତତ୍ପର ହୋଇଉଠିଛି । ସୁରକ୍ଷା ଏଜେନ୍ସିଗୁଡ଼ିକ ହାଇଆଲର୍ଟରେ ରହିଛନ୍ତି । ବୋମା ନିଷ୍କ୍ରିୟକାରୀ ଦଳ ଘଟଣାସ୍ଥଳରେ ପହଞ୍ଚôଯାଇଛି । ମୁଖ୍ୟମନ୍ତ୍ରୀଙ୍କ ଆବାସ ପରିସରରେ ତଲାସୀ ଅଭିଯାନ ଜାରି ରହିଛି । ସୁରକ୍ଷା କାରଣରୁ ସମ୍ପୂର୍ଣ୍ଣ ଅଞ୍ଚଳରେ ବ୍ୟାରିକେଡ ଲଗାଇ ଦିଆଯାଇଛି । ସେହିଭଳି ଏହା ମଧ୍ୟକୁ ପ୍ରବେଶ ନିଷିଦ୍ଧ କରାଯାଇଛି । ପୋଲିସ, ଏଟିଏସ୍ ଓ ସାଇବର ଟିମ୍ ଏହି ଧମକ ମାମଲାର ଯାଞ୍ଚ କରି ଧମକ ଦେଇଥିବା ଅଭିଯୁକ୍ତକୁ ଗିରଫ କରାଯାଇଛି । ସେ ଜଣେ ମାନସିକ ରୋଗୀ ବୋଲି କୁହାଯାଉଛି ।
….
14.
ଜୁଲାଇରେ ମ୍ୟୁଚୁଆଲ୍ ଫଣ୍ଡରେ ରେକର୍ଡ ପୁଞ୍ଜି ନିବେଶ
ଚଳିତ ବର୍ଷ ଜୁଲାଇ ମାସରେ ମ୍ୟୁଚୁଆଲ୍ ଫଣ୍ଡର ଇକ୍ୱିଟିରେ ରେକର୍ଡ ୪୨,୭୦୨ କୋଟି ଟଙ୍କାର ପୁଞ୍ଜି ନିବେଶ ହୋଇଛି। ଏହା ଜୁନ୍ ମାସ ତୁଳନାରେ ପ୍ରାୟ ଦୁଇଗୁଣ। ନୂଆ ଫଣ୍ଡ୍ ଅଫର୍ (ଏନଏଫଓ) ମାଧ୍ୟମରେ ସର୍ବାଧିକ ପୁଞ୍ଜି ଆସିଥିବାରୁ ଏହି ବୃଦ୍ଧି ଦେଖାଯାଇଛି। ଏହା ସହିତ, ସିଷ୍ଟମେଟିକ୍ ଇନଭେଷ୍ଟମେଣ୍ଟ ପ୍ଲାନ୍ (ଏସଆଇପି) ଜରିଆରେ ନିବେଶ ମଧ୍ୟ ୨୮,୪୬୪ କୋଟି ଟଙ୍କାରେ ପହଞ୍ଚି ଏକ ନୂଆ ରେକର୍ଡ ସୃଷ୍ଟି କରିଛି। ଆସୋସିଏସନ୍ ଅଫ୍ ମ୍ୟୁଚୁଆଲ୍ ଫଣ୍ଡସ୍ ଇନ୍ ଇଣ୍ଡିଆ (ଏଏମଏଫଆଇ) ତଥ୍ୟ ଅନୁଯାୟୀ, ମ୍ୟୁଚୁଆଲ୍ ଫଣ୍ଡ ଇଣ୍ଡଷ୍ଟ୍ରିର ମୋଟ ପରିଚାଳନା ସମ୍ପତ୍ତି ମଧ୍ୟ ୭୫.୩୫ ଲକ୍ଷ କୋଟି ଟଙ୍କାର ସର୍ବକାଳୀନ ସ୍ତରରେ ପହଞ୍ଚିଛି। ବିଶେଷକରି ସ୍ମଲ-କ୍ୟାପ୍, ସେକ୍ଟରାଲ୍ ଓ ଫ୍ଲେକ୍ସିକ୍ୟାପ୍ ଫଣ୍ଡରେ ନିବେଶକମାନେ ଅଧିକ ଆଗ୍ରହ ଦେଖାଇଛନ୍ତି।
….
15.
ଦିଲ୍ଲୀ ଆସୁଥିବା ବିମାନ ଚେନ୍ନାଇରେ କଲା ଲ୍ୟାଣ୍ଡିଂ, ଥିଲେ ୫ ସାଂସଦ
ଏୟାର ଇଣ୍ଡିଆର ଏକ ବିମାନ ତିରୁଅନନ୍ତପୁରମରୁ ଦିଲ୍ଲୀ ଆସୁଥିଲା । ରବିବାର ରାତି ସମୟରେ ଏହା ଚେନ୍ନାଇରେ ଜରୁରୀ ଲ୍ୟାଣ୍ଡିଂ କରିବାକୁ ବାଧ୍ୟ ହୋଇଛି । ବିମାନରେ କଂଗ୍ରେସ ସାଂସଦ କେ.ସି.ବେଣୁଗୋପାଳଙ୍କ ସମେତ ପ୍ରାୟ ୫ ଜଣ ସାଂସଦ ଥିଲେ । ମଝିଆ ଆକାଶରେ ବିମାନଟିରେ ଯାନ୍ତ୍ରିକ ତ୍ରୁଟି ଦେଖାଦେଇଥିଲା । ତେଣୁ ତାହା ଅବତରଣ କରିବାକୁ ବାଧ୍ୟ ହୋଇଥିଲା । ତେବେ ଅବତରଣ ବେଳେ ରନ ୱେରେ ଅନ୍ୟ ଏକ ବିମାନ ଛିଡ଼ା ହୋଇଥିଲା । ତେଣୁ ବିମାନଟି ବାଧ୍ୟହୋଇ ଉପରକୁ ଉଠି ପୁଣି ଥରେ ରନୱେ କୁ ଆସିଥିଲା । ପାଇଲଟଙ୍କ ବୁଦ୍ଧି ଯୋଗୁ ବିମାନଟି ରକ୍ଷା ପାଇ ଯାଇଥିଲା ବୋଲି କହିଛନ୍ତି ସାଂସଦ ବେଣୁଗୋପାଳ ।
…
16.
ମୋଦିଙ୍କ ସହ କଥା ହେଲେ ୟୁକ୍ରେନ ରାଷ୍ଟ୍ରପତି, ରୁଷରୁ ତେଲ କ୍ରୟ କମାଇବାକୁ ଅନୁରୋଧ
ୟୁକ୍ରୋନ ରାଷ୍ଟ୍ରପତି ଭୋଲୋଡିମିର ଜେଲେନସ୍କି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଫୋନ ଯୋଗେ ଆଲୋଚନା କରିଛନ୍ତି । ଜେଲେନସ୍କି ନିଜେ ସୋସିଆଲ ମିଡିଆରେ ଏହି ସୂଚନା ଦେଇଛନ୍ତି । ରୁଷର ଆକ୍ରମଣ ସମ୍ପର୍କରେ ଜେଲେନସ୍କି ବିସ୍ତୃତ ବିବରଣୀ ପ୍ରଦାନ କରିଥିଲେ । ରୁଷ ସାଧାରଣ ଲୋକଙ୍କୁ ଟାର୍ଗେଟ କରୁଥିବା ସେ କହିଥିଲେ । କୌଣସି ପରିସ୍ଥିତିରେ ୟୁକ୍ରେନକୁ ଭାଗ ଭାଗ କରିବାକୁ ରୁଷର ଷଡ଼ଯନ୍ତ୍ର ସଫଳ ହେବାକୁ ଦିଆଯିବ ନାହିଁ ବୋଲି ସେ କହିଥିଲେ । ୟୁକ୍ରେନରେ ଶାନ୍ତିି ପ୍ରତିଷ୍ଠା ପାଇଁ ଭାରତ ସର୍ବଦା ଉଦ୍ୟମ କରିଆସୁଛି ବୋଲି ମୋଦି କହିଥିଲେ । ତେବେ ରୁଷରୁ ତେଲ କ୍ରୟ ହ୍ରାସ କରିବାକୁ ମୋଦିଙ୍କୁ ଅନୁରୋଧ କରିଥିଲେ ଜେଲେନସ୍କି ।
…
17.
ସଂସଦରେ ବିରୋଧୀଙ୍କ ହଟ୍ଟଗୋଳ ମଧ୍ୟରେ ୮ ବିଲ୍ ଗୃହୀତ
ବିହାରର ଭୋଟର ତାଲିକା ସଂଶୋଧନ ପ୍ରସଙ୍ଗରେ ସଂସଦରେ ବିରୋଧୀ ସଦସ୍ୟଙ୍କ ହଟ୍ଟଗୋଳ ଜାରି ରହିଛି । ଏହାମଧ୍ୟରେ ସୋମବାର ୮ଟି ବିଲ୍ ଗୃହୀତ ହୋଇଯାଇଛି । ଲୋକସଭାରେ ୪ଟି ଓ ରାଜ୍ୟସଭାରେ ୪ଟି ବିଲ୍ ଗୃହୀତ ହୋଇଛି । ନିର୍ବାଚନ କମିଶନ ବିହାର ଏସଆଇଆର ସମ୍ପର୍କରେ ଆଲୋଚନା ପାଇଁ ୩୦ ଜଣ ସାଂସଦଙ୍କୁ ଡାକିନ୍ତି । ମାତ୍ର ୧୫୦ ଜଣ ସାଂସଦ ଯିବାକୁ ଚାହୁଁଥିବାରୁ ଆଲୋଚନା ସମ୍ଭବ ହୋଇପାରୁ ନଥିବା କହିଛନ୍ତି ସଂସଦୀୟ ମନ୍ତ୍ରୀ କିରେନ ରିଜିଜୁ । ଗତ ଜୁଲାଇ ୨୧ ତାରିଖରୁ ଆରମ୍ଭ ହୋଇଥିବା ମୌସୁମୀ ଅଧିବେଶନ ଅଗଷ୍ଟ ୨୧ ତାରିଖ ପର୍ଯ୍ୟନ୍ତ ଚାଲିବା କଥା । କିନ୍ତୁ ବିଗତ ୧୬ ଦିନରେ ମାତ୍ର ୨ ଦିନ ଗୃହ କାର୍ଯ୍ୟ ଠିକ୍ ଭାବେ ହୋଇଛି । ତେଣୁ ଯେକୌଣସି ସମୟରେ ଅଧିବେଶନ ମୁଲତବୀ ରହିପାରେ ବୋଲି ଅନୁମାନ କରାଯାଉଛି ।
…
18.
ଆତ୍ମହତ୍ୟା ଶବ୍ଦ ଶୁଣି କ୍ଷୁବ୍ଧ ହେଲେ ମୁଖ୍ୟମନ୍ତ୍ରୀ, ଅଭିଯୋଗକାରୀଙ୍କୁ ବୁଝାଇଲେ
ସୋମବାର ଭୁବନେଶ୍ୱରରେ ଚାଲିଥିଲା ଅଭିଯୋଗ ଶୁଣାଣି ଶିବିର । ଖୋଦ୍ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଅଭିଯୋଗ ଶୁଣାଣି କରୁଥିଲେ । ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓଙ୍କ ସମେତ ଅନେକ ଅଧିକାରୀ ଉପସ୍ଥିତ ଥିଲେ । ଅଚାନକ ଜଗବନ୍ଧୁ ପଣ୍ଡା ନାମକ ବ୍ୟକ୍ତି କହିଥିଲେ, ମୋ ଅଭିଯୋଗର ସମାଧାନ ହେଉନି, ମୁଁ ଆତ୍ମହତ୍ୟା କରିଦେବି । ଏହା ଶୁଣି ମୁଖ୍ୟମନ୍ତ୍ରୀ କ୍ଷୁବ୍ଧ ହୋଇପଡ଼ିଥିଲେ । ତତକ୍ଷଣାତ କହିଥିଲେ, ତମେ ଯଦି ଜୀବନ ନେବ, ମୁଁ କାହିଁକି ଅଛି? ସରକାର ସମସ୍ୟାର ସମାଧାନ ପାଇଁ ଚେଷ୍ଟା କରିବେ । ଏଭଳି ଭାବେ ନିଜ ଜୀବନ ନେବା କଥା କହିବା ଭୁଲ ବୋଲି ମୁଖ୍ୟମନ୍ତ୍ରୀ ବୁଝାଇଥିଲେ ।
…
19.
ମୁଖ୍ୟମନ୍ତ୍ରୀଙ୍କ ଅଭିଯୋଗ ଶୁଣାଣି, ବର୍ଷକରେ ସମାଧାନ ହେଲା ୮୮ ପ୍ରତିଶତ ଅଭିଯୋଗ
ମୁଖ୍ୟମନ୍ତ୍ରୀଙ୍କ ଅଭିଯୋଗ ଶୁଣାଣି ଗତ ବର୍ଷ ଜୁଲାଇ ମାସରେ ଆରମ୍ଭ ହୋଇଥିଲା । ସୋମବାର ଅନୁଷ୍ଠିତ ହୋଇଥିବା ୧୪ତମ ଅଭିଯୋଗ ଶୁଣାଣି । ମୁଖ୍ୟମନ୍ତ୍ରୀ ଅଭିଯୋଗ ପ୍ରକୋଷ୍ଠରେ ଜଣ ଜଣ କରି ୪୦ ଜଣଙ୍କ ଅଭିଯୋଗ ଶୁଣିଥିଲେ । ଅଭିଯୋଗପତ୍ର ଗ୍ରହଣ କରି ତୁରନ୍ତ ସମାଧାନ କରିବାକୁ ସଚିବମାନଙ୍କୁ ନିଦେ୍ର୍ଦଶ ଦେଇଥିଲେ । ଗତ ୧୩ଟି ଅଭିଯୋଗ ଶୁଣାଣିରେ ମିଳିଥିବା ୧୨ ହଜାର ୨୫୨ଟି ଅଭିଯୋଗରୁ ୧୦ ହଜାର ୮୦୭ଟି ଅଭିଯୋଗର ସମାଧାନ କରାଯାଇଛି । ଯାହାକି ୮୮ ପ୍ରତିଶତ । ତେଣୁ ରାଜ୍ୟ ସରକାରଙ୍କ ପ୍ରତି ଲୋକଙ୍କ ଆସ୍ଥା ବଢ଼ିଥିବା ସେ କହିଛନ୍ତି ।
…
20.
ପାକ୍ ସେନାମୁଖ୍ୟ ମୁନିରଙ୍କୁ ଭାରତର ଜବାବ, ନିଜକୁ ସୁରକ୍ଷା ଦେବା ଜାଣୁ
ପାକିସ୍ତାନର ସେନା ମୁଖ୍ୟ ଆସିମ ମୁନୀରଙ୍କୁ ଜବାବ ଦେଇଛି ଭାରତର ବିଦେଶ ମନ୍ତ୍ରାଳୟ । ପରମାଣୁ ଧମକ ଦେବା ପାକିସ୍ତାନର ପୁରୁଣା ଅଭ୍ୟାସ । ଭାରତ କେବେ ବି ଏଭଳି ଧମକ ସମ୍ମୁଖରେ ନଇଁଯିବ ନାହିଁ । ଭାରତ ନିଜକୁ କିପରି ସୁରକ୍ଷା ଦେବ ତାହା ଭଲ ଭାବେ ଜାଣେ । ମୁନିର ଏବେ ଆମେରିକା ଗସ୍ତରେ ଅଛନ୍ତି । ସେଠାରେ ସେ ଏକ କାର୍ଯ୍ୟକ୍ରମରେ କହିଥିଲେ, ଭାରତ ସିନ୍ଧୁ ନଦୀରେ ଡ୍ୟାମ କଲେ, ତାହାକୁ ମିସାଇଲରେ ନଷ୍ଟ କରି ଦିଆଯିବ । ସିନ୍ଧୁ ନଦୀ ଭାରତର ପାରିବାରିକ ସମ୍ପତ୍ତି ନୁହେଁ । ପାକିସ୍ତାନ ଏକ ପରମାଣୁ ଶକ୍ତି । ପାକିସ୍ତାନ ବୁଡ଼ିଲେ, ସମସ୍ତଙ୍କୁ ନେଇ ବୁଡ଼ିବ । ତେବେ, ଆମେରିକା ଭଳି ଏକ ବନ୍ଧୁ ରାଷ୍ଟ୍ରରୁ ମୁନିର ଏଭଳି ଧମକ ଦେବା ଦୁଃଖର କଥା ବୋଲି ଭାରତ କହିଛି ।
…
21.
ଆସନ୍ତାକାଲି ସୃଷ୍ଟି ହୋଇପାରେ ଲଘୁଚାପ, ୧୭ ତାରିଖ ପର୍ଯ୍ୟନ୍ତ ବର୍ଷା ସମ୍ଭାବନା
ଉତ୍ତର-ପଶ୍ଚିମ ତଥା ଏହାସଂଲଗ୍ନ କେନ୍ଦ୍ରୀୟ ବଙ୍ଗୋପସାଗରରେ ଆସନ୍ତାକାଲି ଏକ ଲଘୁଚାପ କ୍ଷେତ୍ର ସୃଷ୍ଟି ହୋଇପାରେ । ଏହା ପ୍ରଭାବରେ ଆସନ୍ତା ୧୭ ତାରିଖ ପର୍ଯ୍ୟନ୍ତ ରାଜ୍ୟରେ ପ୍ରବଳ ବର୍ଷା ହୋଇପାରେ । ଭାରତୀୟ ପାଣିପାଗ ବିଭାଗ ଏଭଳି ପୂର୍ବାନୁମାନ କରିଛି । ଆସନ୍ତା ୨୪ ଘଣ୍ଟା ପାଇଁ ରାଜ୍ୟର ୨୩ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ଏ ସବୁ ଜିଲ୍ଲାରେ ବିଜୁଳି ଘଡ଼ଘଡ଼ି ସହ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି । ୧୩ ତାରିଖ ପରେ ପବନର ବେଗ ବଢ଼ିପାରେ । ତେଣୁ ମତ୍ସ୍ୟଜୀବୀମାନଙ୍କୁ ସମୁଦ୍ରକୁ ନ ଯିବାକୁ ପରାମର୍ଶ ଦିଆଯାଇଛି ।
…
22.
ସାମୟିକ ଭାବେ ଦିଲ୍ଲୀ-ୱାଶିଂଟନ ସେବା ବନ୍ଦ ରଖିବ ଏୟାର ଇଣ୍ଡିଆ
ବିଭିନ୍ନ ସମସ୍ୟାର ସମ୍ମୁଖୀନ ହେଉଥିବା ଏୟାର ଇଣ୍ଡିଆ ଏବେ କିଛି ଉଡ଼ାଣ ହ୍ରାସ କରିବାକୁ ନିଷ୍ପତ୍ତି ନେଇଛି । ଆସନ୍ତା ୧ ସେପ୍ଟେମ୍ବର ୨୦୨୫ରୁ ୨୦୨୬ ମସିହା ଶେଷ ପର୍ଯ୍ୟନ୍ତ ଦିଲ୍ଲୀ-ୱାଶିଂଟନ ସେବା ବନ୍ଦ ରହିବ । ଏହି ସମୟରେ ୨୬ଟି ବୋଇଂ ୭୮୭-୮ ବିମାନର ଅପଗ୍ରେଡ କରିବାକୁ ନିଷ୍ପତ୍ତି ନେଇଛି ଏୟାରଲାଇନ୍ସ । ଏବେ ପାକିସ୍ତାନର ଆକାଶପଥ ବନ୍ଦ ଥିବାରୁ ଦୂରଗାମୀ ବିମାନ ପାଇଁ ମଧ୍ୟ ସମସ୍ୟା ହେଉଥିବା କମ୍ପାନି କହିଛି । ଏହି ସମୟ ପାଇଁ ଯେଉଁ ଯାତ୍ରୀମାନେ ବୁକିଂ କରିଛନ୍ତି, ସେମାନଙ୍କୁ ଅର୍ଥ ଫେରସ୍ତ କରାଯିବ କିମ୍ବା ଅନ୍ୟ ବିମାନରେ ବୁକିଂର ସୁବିଧା ଦିଆଯିବ ବୋଲି କମ୍ପାନି କହିଛି ।
…
23.
ଦଳ ବିରୋଧରେ ବିବୃତି ଦେଇ ଇସ୍ତଫା ଦେଲେ କର୍ଣ୍ଣାଟକ ସମବାୟ ମନ୍ତ୍ରୀ
କର୍ଣ୍ଣାଟକର ସମବାୟ ମନ୍ତ୍ରୀ କେ.ଏନ.ରାଜନ୍ନା ସୋମବାର ରାଜ୍ୟ କ୍ୟାବିନେଟରୁ ଇସ୍ତଫା ଦେଇଛନ୍ତି । କଂଗ୍ରେସ ହାଇକମାଣ୍ଡଙ୍କ ନିଦେ୍ର୍ଦଶରେ ସେ ଇସ୍ତଫା ଦେବାକୁ ବାଧ୍ୟ ହୋଇଛନ୍ତି । ଗୋଟ ଚୋରି ପ୍ରସଙ୍ଗକୁ ନେଇ କଂଗ୍ରେସ ସମେତ ସମସ୍ତ ବିରୋଧୀ ଦଳ ନିର୍ବାଚନ କମିଶନଙ୍କୁ ଘେରିଛନ୍ତି । ଏଭଳି ସମୟରେ ରବିବାର ରାଜନ୍ନା କହିଥିଲେ, ଏହା କଂଗ୍ରେସର ଅପାରଗତା । ଯେତେବେଳେ ଭୋଟର ତାଲିକାରେ ଗଡ଼ବଡ଼ କରାଯାଉଥିଲା, ସେତେବେଳେ ରାଜ୍ୟରେ କଂଗ୍ରେସ କ୍ଷମତାରେ ଥିଲା । ଏହାସତ୍ତ୍ୱେ ଦଳ ଏସବୁକୁ ଆଖି ବୁଜି ଦେଇଥିଲା । ଏବେ ଅଭିଯୋଗ କଲେ ଲାଭ କଣ’ ବୋଲି ସେ କହିଥିଲେ । ଫଳରେ ହାଇକମାଣ୍ଡ ତାଙ୍କ ଉପରେ କ୍ଷୁବ୍ଧ ହୋଇଥିଲେ ।
.
24
ଟ୍ରମ୍ପଙ୍କ ଘୋଷଣା, ଆଲାସ୍କାରେ ନୁହେଁ,ରୁଷରେ ପୁଟିନଙ୍କୁ ଭେଟିବେ
ଆଲାସ୍କାରେ ରାଷ୍ଟ୍ରପତି ଟ୍ରମ୍ପ ଏବଂ ରାଷ୍ଟ୍ରପତି ପୁଟିନଙ୍କ ମଧ୍ୟରେ ଆଲୋଚନା ହେବ । ଏହା ହିଁ ଦିନେ ତଳେ ଘୋଷଣା ହୋଇଥିଲା । ଆସନ୍ତା ୧୫ ତାରିଖରେ ଏହି ବୈଠକ ପାଇର୍ ଧାର୍ଯ୍ୟ ହୋଇଛି । କିନ୍ତୁ ଟ୍ରମ୍ପ ଅଚାନକ କହିଛନ୍ତି, ସେ ଆଲାସ୍କାରେ ନୁହେଁ, ବରଂ ରୁଷରେ ପୁଟିନଙ୍କୁ ଭେଟିବେ । ଏହା ତାଙ୍କ ପାଇଁ ଲଜ୍ଜାକର ହୋଇଥିଲେ ମଧ୍ୟ ସେ ରୁଷ ଗସ୍ତରେ ଯିବାକୁ ରାଜି ହୋଇଛନ୍ତି । ସେ ସିଧାସଳଖ ପୁଟିନଙ୍କୁ ଭେଟିବେ । ଉଭୟ ଦେଶର ନୋ ସିଧାସଳଖ କ୍ୱଚିତ ଭେଟିଥାନ୍ତି । କିନ୍ତୁ ସେ ରୁଷ ଯିବାକୁ ରାଜି ବୋଲି ଟ୍ରମ୍ପ କହିଛନ୍ତି । ୟୁକ୍ରେନ ଯୁଦ୍ଧ ବନ୍ଦ ପାଇଁ ଟ୍ରମ୍ପଙ୍କ ଏହି ଆଲୋଚନା ପ୍ରସ୍ତାବ ରହିଛି ।
…
25.
ୱଶିଂଟନ ଡିସିର ସୁରକ୍ଷା ଦାୟିତ୍ୱ ନେଲେ ଟ୍ରମ୍ପ, ମୁତୟନ ହେଲେ ନ୍ୟାସନାଲ ଗାର୍ଡ
ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ ଗୋଟିଏ ପରେ ଗୋଟିଏ ଆଶ୍ଚର୍ଯ୍ୟଜନକ ନିଷ୍ପତ୍ତି ନେଉଛନ୍ତି । ଅଚାନକ ସେ ରାଜଧାନୀ ୱାଶିଂଟନ ଡିସିର ପୁଲିସ ବ୍ୟବସ୍ଥାକୁ ଫେଡେରାଲ ନିୟନ୍ତ୍ରଣକୁ ନେଇ ଯାଇଛନ୍ତି । ସହରରେ ନ୍ୟାସନାଲ ଗାର୍ଡ ମୁତୟନ କରାଯାଇଛି । ଅପରାଧ ନିୟନ୍ତ୍ରଣ ପାଇଁ ଏହା ଜରୁରି ଥିଲା ବୋଲି ସେ କହିଛନ୍ତି । ସେ ଚେତାବନୀ ଦେଇଛନ୍ତି, ସହରରେ ଆଉ ଗୃହଶୂନ୍ୟ ଲୋକମାନେ ବୁଲି ପାରିବେ ନାହିଁ । ଅପରପକ୍ଷରେ ଏହା ଟ୍ରମ୍ପଙ୍କ ଏକପାଖିଆ ନିଷ୍ପତ୍ତି ବୋଲି ନ୍ୟାୟ ବିଭାଗ କହିଛି । ସହରରେ ଅପରାଧ ବଢ଼ିବା ଆରୋପ ମିଥ୍ୟା ।
…
26.
ଭାରତରେ ଟ୍ରେଣ୍ଡ କରୁଛି, ବୟକଟ ଆମେରିକା ଉତ୍ପାଦ
ଟ୍ରମ୍ପଙ୍କ ୫୦ ପ୍ରତିଶତ ତାରିଫ ଏବେ ଭାରତ-ଆମେରିକା ବାଣିଜ୍ୟ ସମ୍ପର୍କକୁ ଖରାପ କରିଛି । ଟ୍ରମ୍ପଙ୍କ ଏଭଳି ନିଷ୍ପତ୍ତି ପ୍ରତିବାଦରେ ଭାରତରେ ଅର୍ଥନୈତିକ ଜାତୀୟତାବାଦ ଅଭିଯାନ ଜୋର୍ ଧରିଛି । ଆମାଜନ, ମ୍ୟାକଡ଼ୋନାଲସ, ଆପଲ, କୋକୋକୋଲା ଭଳି ଆମେରିକୀୟ କମ୍ପାନିର ଉତ୍ପାଦକୁ ବର୍ଜନ କରିବାକୁ ଆହ୍ୱାନ ଦିଆଯାଇଛି । ସୋସିଆଲ ମିଡିଆରେ ଅଭିଯାନ ବଢ଼ି ଚାଲିଛି । ବିଭିନ୍ନ ରାଜନୈତିକ ଦଳ ଏବଂ ଶିଳ୍ପ ସଂଘ ମଧ୍ୟ ଆମେରିକାର ନୀତିକୁ ତୀବ୍ର ବିରୋଧ କରିଛନ୍ତି । ଟ୍ରମ୍ପଙ୍କ ନୀତିକୁ ବିଶେଷ କରି ଆମେରିକାର ଇସ୍ପାତ, ବୟନ, ଇଲେକ୍ଟ୍ରୋନିକ୍ସ ସାମଗ୍ରୀ ବେଶୀ ପ୍ରଭାବିତ ହେବ ।
27.
ଉତ୍ତର ପ୍ରଦେଶର ଫତେହପୁରରେ ମନ୍ଦିର-ମସଜିଦ ବିବାଦ, ବଢ଼ିଲା ଚିନ୍ତା
ଉତ୍ତର ପ୍ରଦେଶର ସମ୍ଭଲ ପରେ ଫତେହପୁରରେ ଦେଖାଦେଇଛି ମନ୍ଦିର-ମସଜିଦ ବିବାଦ । ଇଦଗାହରେ ତିଆରି ହୋଇଥିବା ସମାଧିରେ ସୋମବାର ଧସେଇ ପଶିଥିଲେ ଅନେକ ହିନ୍ଦୁ ସଙ୍ଗଠନର ସଦସ୍ୟ । ପୁଲିସର ବ୍ୟାରିକେଡକୁ ସେମାନେ ଭାଙ୍ଗି ଦେଇଥିଲେ । ସେଠାରେ ହନୁମାନ ଚାଳିଶା ପାଠ କରିବା ସହ ସମାଧି ଛାତରେ ଗେରୁଆ ପତାକା ଉଡ଼ାଇଥିଲେ । ଏହି ଖବର ପାଇ ମୁସଲିମ ସମ୍ପ୍ରଦାୟର ହଜାର ହଜାର ଲୋକ ପହଞ୍ଚିଥିଲେ । ଦୁଇ ଗୋଷ୍ଠୀ ମଧ୍ୟରେ ଦେଖାଦେଇଥିଲା ଉତ୍ତେଜନା ଏବଂ ଚାଲିଥିଲା ଢେଲାପଥର ମାଡ଼ । ପୁଲିସ ପହଞ୍ଚି ପରିସ୍ଥିତି ନିୟନ୍ତ୍ରଣ କରିଥିଲା । ତେବେ ଆଗକୁ ଏହି ଘଟଣା ବଡ଼ ରୂପ ନେବାର ଆଶଙ୍କା ଦେଖାଦେଲାଣି ।
…
28.
ଟ୍ରମ୍ପ ଟାରିଫ ପରେ ବୟନ କ୍ଷେତ୍ରରେ ୪ ଲକ୍ଷ କର୍ମଚାରୀ ଛଟେଇ ଆଶଙ୍କା
ଭାରତୀୟ ସାମଗ୍ରୀ ଉପରେ ଟ୍ରମ୍ପଙ୍କ ୫୦% ଟାରିଫର ବେଶୀ ପ୍ରଭାବ ପଡ଼ିବ ବୟନ କ୍ଷେତ୍ରରେ । ଦେଶର ବଡ଼ ବଡ଼ ରପ୍ତାନିକାରୀଙ୍କ ସହିତ ଏମଏସଏମଇ କ୍ଷେତ୍ରର ଅନେକ ସଂସ୍ଥା ମଧ୍ୟ କ୍ଷତିଗ୍ରସ୍ତ ହେବେ । ବୟନ ଶିଳ୍ପ କ୍ଷେତ୍ରରେ ୪ ଲକ୍ଷ କର୍ମଚାରୀଙ୍କ ଛଟେଇ ଆଶଙ୍କା କରିଛନ୍ତି ବିଶେଷଜ୍ଞମାନେ । ସେହିପରି ଜୁଏଲାରୀ କ୍ଷେତ୍ରରେ ମଧ୍ୟ ଏହାର ବଡ଼ ପ୍ରଭାବ ପଡ଼ିବ । ବୟନ କ୍ଷେତ୍ରରେ ଭିଏତନାମ ଓ ବାଂଲାଦେଶ ସହ ଭାରତ ପ୍ରତିଦ୍ୱନ୍ଦ୍ୱିତା କରିବା ସମ୍ଭବ ହେବନାହିଁ । ପୋଷାକ ରପ୍ତାନିରେ ୨ରୁ ୩ ବିଲିଅନ ଡଲାର କ୍ଷତି ହୋଇପାରେ । ସରକାର ଶିଳ୍ପ ଗୁଡ଼ିକୁ ସହାୟତା ନ କଲେ ବଜାର ସ୍ଥିତି ଖରାପ ହୋଇଯାଇପାରେ ବୋଲି ଚେତାବନୀ ଦିଆଯାଇଛି ।
….
29
ଦିଲ୍ଲୀରେ ଖୋଲିଲା ଟେସଲାର ପ୍ରଥମ ଶୋ’ରୁମ୍
ପ୍ରସିଦ୍ଧ ଇଲେକ୍ଟ୍ରିକ୍ କାର୍ କମ୍ପାନୀ ଟେସଲା ଦିଲ୍ଲୀରେ ନିଜର ପ୍ରଥମ ଶୋ’ରୁମ୍ ଖୋଲିଛି। ଏରୋସିଟି ସ୍ଥିତ ୱାର୍ଲ୍ଡମାର୍କ ୩ ଠାରେ ଖୋଲାଯାଇଥିବା ଏହି ଶୋ’ରୁମ୍, ମୁମ୍ବାଇ ପରେ ଭାରତରେ କମ୍ପାନୀର ଦ୍ୱିତୀୟ ଆଉଟଲେଟ୍। ଏଠାରେ ଗ୍ରାହକମାନେ କମ୍ପାନୀର ଲୋକପ୍ରିୟ ‘ମଡେଲ୍ Y’ ଇଲେକ୍ଟ୍ରିକ୍ SUVକୁ ଦେଖିପାରିବେ। ଭାରତରେ ଏହି ଗାଡ଼ିର ପ୍ରାରମ୍ଭିକ ମୂଲ୍ୟ ୫୯.୮୯ ଲକ୍ଷ ଟଙ୍କା (ଏକ୍ସ-ଶୋ’ରୁମ୍) ରହିଛି। ବିଦେଶରୁ ସିଧାସଳଖ ଆମଦାନୀ ହେଉଥିବାରୁ ଅଧିକ ଶୁଳ୍କ କାରଣରୁ ଏହାର ଦାମ୍ ବେଶ୍ ଅଧିକ। ଏହି ଶୋ’ରୁମ୍ ଏକ ‘ଏକ୍ସପେରିଏନ୍ସ ସେଣ୍ଟର’ ଭାବେ କାମ କରିବ। ଗାଡ଼ିର ବୁକିଂ ଆରମ୍ଭ ହୋଇଥିବା ବେଳେ ୨୦୨୫ର ତୃତୀୟ ତ୍ରୈମାସିକରୁ ଡେଲିଭରି ଆରମ୍ଭ ହେବ। ଏହାର ବେସ୍ ମଡେଲ୍ ଥରେ ଫୁଲ୍ ଚାର୍ଜରେ ପ୍ରାୟ ୫୦୦ କିଲୋମିଟର ପର୍ଯ୍ୟନ୍ତ ଯାଇପାରିବ।
…..
30.
ଲୋକସଭାରେ ଗୃହୀତ ହେଲା ଆୟକର ବିଲ୍, ରିଟର୍ଣ୍ଣ ଦାଖଲ ବିଳମ୍ବରେ ବି ମିଳିପାରେ ରିଫଣ୍ଡ
ହଟ୍ଟଗୋଳ ମଧ୍ୟରେ ସୋମବାର ଲୋକସଭାରେ ଗୃହୀତ ହୋଇଯାଇଛି । ଏହି ବିଲ୍ ର ସଂଶୋଧିତ ରୂପକୁ ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଗଥ କରିଥିଲେ । ସାଂସଦ ବୈଜୟନ୍ତ ପଣ୍ଡାଙ୍କ ଅଧ୍ୟକ୍ଷତାରେ ଗଠିତ ସିଲେକ୍ଟ କମିଟିର ଅଧିକାଂଶ ସୁପାରିସକୁ ବିଲରେ ଗ୍ରହଣ କରାଯାଇଛି । ଟିକସଦାତାଙ୍କୁ ରିଫଣ୍ଡରେ ରିହାତି ଦେବାକୁ କମିଟି ସୁପାରିସ କରିଥିଲା । ଆଇଟିଆର ଦାଖଲ ବିଳମ୍ବ ହେବା କ୍ଷେତ୍ରରେ ଟିକସଦାତାଙ୍କୁ ରିଫଣ୍ଡ କ୍ଲେମର ସୁବିଧା ଦେବାକୁ କମିଟି କହିଥିଲା । ନୂଆ ବିଲ ରେ ଭାଷାକୁ ଅଧିକ ସହଜ ଓ ସ୍ପଷ୍ଟ କରାଯାଇଛି । ସିବିଡିଟିକୁ ଅଧିକ କ୍ଷମତା ଦିଆଯାଇଛି ।
About the Author
