1.
ଏମସ୍ ଛାଡ଼ୁଛନ୍ତି ଡାକ୍ତର, ଦୁଇ ବର୍ଷରେ ଇସ୍ତଫା ଦେଲେଣି ୪୨୯
ଅଲ ଇଣ୍ଡିଆ ଇନଷ୍ଟିଚୁ୍ୟଟ ଅଫ ମେଡିକାଲ ସାଇନ୍ସେସ ବା ଏମସ କୁ ପସନ୍ଦ କରୁନାହାନ୍ତି ଡାକ୍ତର । ୨୦୨୨ ରୁ ୨୦୨୪ ମଧରେ ଦେଶର ବିଭିନ୍ନ ଏମସ ରୁ ୪୨୯ ଜଣ ଡାକ୍ତର ଇସ୍ତଫା ଦେଇଛନ୍ତି । ସଂସଦରେ ସରକାରଙ୍କ ପକ୍ଷରୁ ଏହି ତଥ୍ୟ ରଖାଯାଇଛି । ଦିଲ୍ଲୀ ଏମସ୍ ରୁ ୫୨ ଜଣ, ରିଷିକେଶ ଏମସ୍ ରୁ ୩୮ ଜଣ, ରାୟପୁର ଏମସ ରୁ ୩୫, ବିଳାସପୁର ଏମସ୍ ରୁ ୩୨ ଏବଂ ମଙ୍ଗଳଗିରି ଏମସ ରୁ ୩୦ ଜଣ ଡାକ୍ତର ଇସ୍ତଫା ଦେଇଛନ୍ତି । ଦେଶର ମୋଟ ୨୦ଟି ଏମସ୍ ରେ ପ୍ରତି ୩ଟି ପଦବିରୁ ଗୋଟିଏ ଖାଲି ପଡ଼ିଛି । ଦିଲ୍ଲୀ ଏମସ୍ ର ୧୩୦୬ ପଦରୁ ୪୬୨ ଫାଙ୍କା ପଡ଼ିଛି । ପ୍ରାଇଭେଟ ଡାକ୍ତରଖାନାରେ ଦରମା ପ୍ରାୟ ୧୦ ଗୁଣା ହୋଇଥିବାରୁ ଡାକ୍ତରମାନେ ଏମସ ଛାଡ଼ୁଥିବା କୁହାଯାଉଛି ।
…..
2.
ବିଧାୟକ ଆଞ୍ଚଳିକ ଉନ୍ନୟନ ପାଣ୍ଠି ନିଦେ୍ର୍ଦଶାବଳୀ ହେଲା ସରଳ, ପୋର୍ଟାଲ ଉନ୍ମୋଚିତ
ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ବିଧାୟକ ଏମଏଲଏ ଲ୍ୟାଡ ଓ ସିଏମ୍-ଏସଏ ସରଳୀକୃତ ଗାଇଡଲାଇନର ଉନ୍ମୋଚନ କରିଛନ୍ତି । ଏଥିସହ ସେ ଏମଏଲଏ ଲ୍ୟାଡ ପୋର୍ଟାଲର ମଧ୍ୟ ଶୁଭାରମ୍ଭ କରିଛନ୍ତି । ନୂତନ ନିଦେ୍ର୍ଦଶାବଳୀ ପ୍ରଶାସନିକ ପ୍ରକିୟାରେ ସରଳତା ଆଣିବ । ନୂତନ ଗାଇଡଲାଇନରେ ବିଭିନ୍ନ କ୍ଷେତ୍ରକୁ ଗୁରୁତ୍ୱ ଦିଆଯାଇଛି । ଅତ୍ୟାବଶ୍ୟକ ପ୍ରକଳ୍ପକୁ ଗ୍ରହଣ କରିବାର ବ୍ୟବସ୍ଥା ଥିବା ବେଳେ ଅନାବଶ୍ୟକ ପ୍ରକଳ୍ପ ଗୁଡ଼ିକୁ ବାଦ ଦିଆଯିବ । ପ୍ରକଳ୍ପ ସୁପାରିସ ଠାରୁ ଅନୁମୋଦନ ପର୍ଯ୍ୟନ୍ତ ଅବଧି ରହିଛି ୩୦ ଦିନ । ପୋର୍ଟାଲ ମାଧ୍ୟମରେ ପ୍ରକଳ୍ପର ବାସ୍ତବ ସ୍ଥିତି ଓ ଅଗ୍ରଗତି ସମ୍ପର୍କରେ ଜାଣିବା ସହଜ ହେବ । ବିଧାୟକ ଆଞ୍ଚଳିକ ଉନ୍ନୟନ ପାଣ୍ଠି ୧୯୯୭-୯୮ରୁ ଆରମ୍ଭ ହୋଇଥିଲା । ଏବେ ପ୍ରତି ଆର୍ଥିକ ବର୍ଷରେ ପ୍ରତି ବିଧାନସଭା କ୍ଷେତ୍ର ପାଇଁ ୫ କୋଟି ଟଙ୍କାର ବ୍ୟବୟ ବରାଦ ରହୁଛି ।
…..
3.
ବେଙ୍ଗାଲୁରୁର ଟ୍ରାଫିକ ଅବସ୍ଥା ଦୟନୀୟ, ମୋଦିଙ୍କୁ ଚିଠି ଦେଲେ ୫ ବର୍ଷର ବାଳିକା
ବେଙ୍ଗାଲୁରୁ ସହରର ଖରାପ ରାସ୍ତା ଓ ଟ୍ରାଫିକ ଭିଡ଼ ସହରବାସୀଙ୍କ ଜୀବନଯାତ୍ରାକୁ କଷ୍ଟକର କରିଛି । ଲୋକମାନେ ଦୈନିକ ନୟାନ୍ତ ହେଉଛନ୍ତି । ଜଣେ ୫ ବର୍ଷର ବାଳିକା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉଦେ୍ଦଶ୍ୟରେ ଏ ନେଇ ଲେଖିଥିବା ଚିଠି ଏବେ ଭାଇରଲ ହେବାରେ ଲାଗିଛି । ଅଭିରୂପ ଚାଟାର୍ଜୀ ନାମକ ବ୍ୟକ୍ତିଙ୍କ ଝିଅ ଆର୍ଯ୍ୟା । ଚିଠିରେ ସେ ଲେଖିଛି, ସହରରେ ଅତ୍ୟଧିକ ଟ୍ରାଫିକ ଭିଡ଼ ହେଉଛି । ଦୈନିକ ମୁଁ ସ୍କୁଲରେ ବିଳମ୍ବରେ ପହଞ୍ଚୁଛି । ରାସ୍ତା ଗୁଡ଼ିକର ଅବସ୍ଥା ମଧ୍ୟ ବହୁତ ଖରାପ । ଦୟାକରି ସାହାଯ୍ୟ କରନ୍ତୁ । ଆର୍ଯ୍ୟାଙ୍କ ପିତା ଚିଠିଟିକୁ ସୋସିଆଲ ମିଡିଆରେ ପୋଷ୍ଟ କରିବା ପରେ ତାହାକୁ ଅନେକ ଲୋକ ପସନ୍ଦ କରିଛନ୍ତି । ବେଙ୍ଗାଲୁରୁ ବାସୀ ନିଜେ ଭୋଗୁଥିବା ସମସ୍ୟା ସମ୍ପର୍କରେ ସୋସିଆଲ ମିଡିଆରେ ନିଜ ନିଜ ପ୍ରତିକ୍ରିୟାରେ ବର୍ଣ୍ଣନା କରୁଛନ୍ତି ।
…..
4.
ଭାରତକୁ ପାକ୍ ପ୍ରଧାନମନ୍ତ୍ରୀଙ୍କ ଧମକ; ବୁନେ୍ଦ ପାଣି ଛଡ଼ାଇ ନେଇପାରିବନି ଶତ୍ରୁ
ପାକିସ୍ତାନ ସେନା ମୁଖ୍ୟ, ପୂର୍ବତନ ମନ୍ତ୍ରୀଙ୍କ ପରେ ଏବେ ପ୍ରଧାନମନ୍ତ୍ରୀ ଶାହବାଜ ସରିଫ୍ ଭାରତକୁ ଖୋଲା ଧମକ ଦେଇଛନ୍ତି । ସିନ୍ଧୁ ଜଳ ଚୁକ୍ତିକୁ ସ୍ଥଗିତ ରଖିବାକୁ ନେଇ ସେ ବିଷ ଉଗାଳିଛନ୍ତି । ‘ଶତ୍ରୁରାଷ୍ଟ୍ର ତଥା ଭାରତ ବୁନେ୍ଦ ପାଣିବି ପାକିସ୍ତାନଠାରୁ ଛଡ଼ାଇ ନେଇପାରିବ ନାହିଁ । ଭାରତ ବାରମ୍ବାର ପାଣି ଅଟକାଇବାକୁ ଧମକ ଦେଉଛି । ଯଦି ଏଭଳି କରିବାକୁ ପ୍ରୟାସ କରେ ତେବେ ପାକିସ୍ତାନ ଏମିତି ଶିକ୍ଷା ଦେବ ଯେ ସାରା ଜୀବନଯାକ ମନେ ରହିବ । ପାଣି ଅଟକାଇବା ଦ୍ୱାରା ସିନ୍ଧୁ ଚୁକ୍ତି ଉଲ୍ଲଂଘନ ହେଉଛି । ଆଉ ଏହାର ଜୋରଦାର ଜବାବ ଦିଆଯିବ । ପାଣି ପାକିସ୍ତାନର ଜୀବନ ରେଖା । ଅନ୍ତର୍ଜାତୀୟ ଚୁକ୍ତି ଅନୁଯାୟୀ ଦେଶକୁ ମିଳୁଥିବା ଅଧିକାର ସହ କୌଣସି ସାଲିସ କରାଯିବ ନାହିଁ’ ବୋଲି ପାକିସ୍ତାନ ପ୍ରଧାନମନ୍ତ୍ରୀ ସରିଫ କରିଛନ୍ତି ।
…..
5.
ଦେଶରେ ୧.୫୩ କୋଟି ବୁଲା କୁକୁର; ବର୍ଷକେ ୭୦ ପ୍ରତିଶତଙ୍କୁ ଲାଗିବ ଟିକା
ଦିଲ୍ଲୀ-ଏନସିଆରରୁ କୁକୁରଙ୍କୁ ହଟାଇ ଆଶ୍ରୟସ୍ଥଳକୁ ପଠାଇବା ପାଇଁ ସୁପ୍ରିମ କୋର୍ଟ ନିଦେ୍ର୍ଦଶ ଦେଇଛନ୍ତି । ସର୍ବୋଚ୍ଚ ଅଦାଲତଙ୍କ ଏହି ରାୟକୁ ତୀବ୍ର ସମାଲୋଚନା କରାଯାଉଥିବାବେଳେ ନୂଆ ସୂଚନା ସାମ୍ନାକୁ ଆସିଛି । କୁକୁର ନିୟନ୍ତ୍ରଣ ପାଇଁ କେନ୍ଦ୍ର ସରକାର ମାଷ୍ଟର ଆକ୍ସନ ପ୍ଲାନ ପ୍ରସ୍ତୁତ କରିଛି । ସବୁ ରାଜ୍ୟଙ୍କୁ ମାର୍ଗଦର୍ଶିକା ଜାରି କରିଛନ୍ତି । ଏଥିରେ ଦେଶରେ ୧.୫୩ କୋଟି ବୁଲା କୁକୁର ଥିବା କୁହାଯାଇଛି । ବର୍ଷକ ମଧ୍ୟରେ ଏହି କୁକୁରଙ୍କ ମଧ୍ୟରୁ ୭୦ ପ୍ରତିଶତଙ୍କ ବନ୍ଧ୍ୟାକରଣ ପାଇଁ ଟାର୍ଗେଟ ରଖାଯାଇଛି । ଏହି କାର୍ଯ୍ୟରେ ଗ୍ରାମ ପଞ୍ଚାୟତଗୁଡ଼ିକୁ ସାମିଲ କରାଯିବ । ବୁଲା କୁକୁରଙ୍କ ବେକରେ ସବୁଜ ରଙ୍ଗର ଟ୍ୟାଗ ଲଗାଯିବ । ଏଥିରେ ଟିକାକରଣ ଓ ବନ୍ଧ୍ୟାକରଣର ସୂଚନା ରହିବ । ଏହାର ସୂଚନା ପଶୁ ପୋର୍ଟାଲରେ ରେକର୍ଡ କରାଯିବ ।
…..
6.
ରାଜସ୍ଥାନରେ ଭୟଙ୍କର ସଡ଼କ ଦୁର୍ଘଟଣା; ୭ ଶିଶୁଙ୍କ ସମେତ ୧୧ଜଣଙ୍କ ମୃତୁ୍ୟ
ରାଜସ୍ଥାନର ଦୌସା ଜିଲ୍ଲାରେ ବୁଧବାର ଭୋର ସମୟରେ ଭୟଙ୍କର ସଡ଼କ ଦୁର୍ଘଟଣା ଘଟିଛି । ମନୋହରପୁର ଜାତୀୟ ରାଜପଥରେ ରାସ୍ତାରେ ଠିଆ ଏକ ଟ୍ରେଲରକୁ ଯାତ୍ରୀବାହୀ ପିକଅପ୍ ଭ୍ୟାନ ପଛରୁ ଧକ୍କା ଦେଇଥିଲା । ପିକଅପ୍ ଭ୍ୟାନରେ ବସିଥିବା ୨୦ଜଣ ଯାତ୍ରୀଙ୍କ ମଧ୍ୟରୁ ୧୧ଜଣଙ୍କ ମୃତୁ୍ୟ ଘଟିଥିଲା । ଯେଉଁମାନଙ୍କ ମଧ୍ୟରେ ୭ଜଣ ଶିଶୁ ଓ ୪ଜଣ ମହିଳା ଅଛନ୍ତି । ୮ଜଣ ଆହତଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି । ଉତ୍ତର ପ୍ରଦେଶ ଏଟାହ ଅଞ୍ଚଳର ଏହି ଅଧିବାସୀମାନେ ରାଜସ୍ଥାନର ‘ଶ୍ରୀ ଖାତୁ ଶ୍ୟାମ ଜୀ’ ଓ ସାଲାସର ବାଲାଜୀ ମନ୍ଦିର ଦର୍ଶନ ସାରି ନିଜ ଗ୍ରାମକୁ ଫେରୁଥିବାବେଳେ ଏହି ଅଘଟଣ ଘଟିଥିଲା ।
….
7.
ଉରିରେ ଅନୁପ୍ରବେଶ ଉଦ୍ୟମ ପଣ୍ଡ; ଜଣେ ଯବାନ ସହିଦ
ଜାମ୍ମୁ କାଶ୍ମୀରର ଉରି ସେକ୍ଟରସ୍ଥିତ ନିୟନ୍ତ୍ରଣ ରେଖା ନିକଟରେ ଆତଙ୍କବାଦୀଙ୍କ ଅନୁପ୍ରବେଶ ଉଦ୍ୟମକୁ ଭାରତୀୟ ସେନା ପଣ୍ଡ କରିଦେଇଛି । ବିଳମ୍ବିତ ରାତିରେ ଉରି ସେକ୍ଟରର ଟିକ୍କା ପୋଷ୍ଟ ନିକଟରେ ପାକିସ୍ତାନ ସମର୍ଥନରେ କିଛି ଆତଙ୍କବାଦୀ ସୀମା ମଧ୍ୟକୁ ଅନୁପ୍ରବେଶ ଉଦ୍ୟମ କରୁଥିଲେ । ପାକିସ୍ତାନ ସେନା ପକ୍ଷରୁ ଗୁଳି ଚାଳନା କରାଯାଇ ସେମାନଙ୍କୁ ସୁରକ୍ଷା ଯୋଗାଇ ଦିଆଯାଇଥିଲା । କିନ୍ତୁ ଭାରତୀୟ ସେନା ପାଲଟା ଗୁଳି ଚଳାଇଥିଲା । ଗୁଳି ବିନିମୟରେ ସେନାର ଜଣେ ଯବାନ ସହିଦ ହୋଇଛନ୍ତି । ତାଙ୍କ ନାମ ଅନିଲ କୁମାର । ସେନା ପକ୍ଷରୁ ସ୍ଥାନୀୟ ଅଞ୍ଚଳକୁ ଘେରାବନ୍ଦୀ କରାଯାଇ ତଲାସୀ ଜୋରଦାର କରାଯାଇଛି ।
….
8.
କୁସ୍ତିଯୋଦ୍ଧା ସୁଶୀଲ କୁମାରଙ୍କ ଜାମିନ ବାତିଲ କଲେ ସୁପ୍ରିମ କୋର୍ଟ
ଜୁନିଅର ରେସଲର ସାଗର ଧନକର ହତ୍ୟା ମାମଲାର ମୁଖ୍ୟ ଅଭିଯୁକ୍ତ ତଥା ଦୁଇଥରର ଅଲିମ୍ପିକ ପଦକ ବିଜେତା ସୁଶୀଲ କୁମାରଙ୍କୁ ସୁପ୍ରିମ କୋର୍ଟରୁ ଝଟକା ଲାଗିଛି । ବୁଧବାର ସର୍ବୋଚ୍ଚ ଅଦାଲତ ତାଙ୍କ ଜାମିନ ବାତିଲ କରିଛନ୍ତି । ତାଙ୍କୁ ଏକ ସପ୍ତାହ ମଧ୍ୟରେ କୋର୍ଟରେ ଆତ୍ମସମର୍ପଣ କରିବାକୁ ଜଷ୍ଟିସ ସଞ୍ଜୟ କାରୋଲ ଓ ପ୍ରଶାନ୍ତ କୁମାର ମିଶ୍ରଙ୍କ ଖଣ୍ଡପୀଠ ନିଦେ୍ର୍ଦଶ ଦେଇଛନ୍ତି । ଗତ ମାର୍ଚ୍ଚ ମାସରେ ଦିଲ୍ଲୀ ହାଇକୋର୍ଟ ସୁଶୀଲଙ୍କୁ ନିୟମିତ ଜାମିନ ପ୍ରଦାନ କରିଥିଲେ । ସମ୍ପତ୍ତି ବିବାଦକୁ ନେଇ ୨୦୨୧ ମେ ୪ ତାରିଖରେ ଦିଲ୍ଲୀର ଛତ୍ରଶାଳା ଷ୍ଟାଡିୟମ ବାହାରେ ସୁଶୀଲଙ୍କ ଆକ୍ରମଣରେ ୨୩ ବର୍ଷୀୟ ସାଗରଙ୍କ ମୃତୁ୍ୟ ଘଟିଥିଲା । ସୁଶୀଲ ୨୦୦୮ ବେଜିଂ ଅଲିମ୍ପିକରେ କାଂସ୍ୟ ଓ ୨୦୧୨ ଲଣ୍ଡନ ଅଲିମ୍ପିକ୍ସରେ ରୌପ୍ୟ ପଦକ ଜିତିଥିଲେ ।
….
9.
ଆସନ୍ତା ମାସରେ ଆମେରିକା ଗସ୍ତରେ ଯାଇପାରନ୍ତି ପ୍ରଧାନମନ୍ତ୍ରୀ ମୋଦି
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦୁଇଟି ପର୍ଯ୍ୟାୟରେ ଭାରତ ଉପରେ ମୋଟ୍ ୫୦ ପ୍ରତିଶତ ଶୁଳ୍କ ଲଗାଇଛନ୍ତି । ଯେଉଁଥି ପାଇଁ ଆମେରିକା ଓ ଭାରତ ମଧ୍ୟରେ ସମ୍ପର୍କ ବିଗିଡ଼ିବାରେ ଲାଗିଛି । ଏପରି ଏକ ଘଡ଼ିସନ୍ଧି ମୁହୂର୍ତ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସେପ୍ଟେମ୍ବର ମାସ ଶେଷ ସପ୍ତାହରେ ଆମେରିକା ଗସ୍ତରେ ଯିବାର କାର୍ଯ୍ୟକ୍ରମ ରହିଛି । ମୋଦି ମିଳିତ ଜାତିସଂଘ ମହାସଭା ତଥା ୟୁଏନଜିର ବାର୍ଷିକ ବୈଠକରେ ସାମିଲ ହୋଇପାରନ୍ତି । ରିପୋର୍ଟ ଅନୁସାରେ ଆମେରିକା ରାଷ୍ଟ୍ରପତିଙ୍କ ସହ ସାକ୍ଷାତ କରି ବ୍ୟବସାୟ ଓ ଶୁଳ୍କ ସମ୍ବନ୍ଧୀୟ ବିବାଦର ସମାଧାନ ଏହି ଗସ୍ତର ମୁଖ୍ୟ ଉଦେ୍ଦଶ୍ୟ ରହିଛି । ଏହି ଅବସରରେ ଉଭୟ ନେତା ବାଣିଜ୍ୟ ଚୁକ୍ତିର ଘୋଷଣା ମଧ୍ୟ କରିପାରନ୍ତି । ମୋଦି ସେପ୍ଟେମ୍ବର ୨୬ରେ ୟୁଏନଜିଏ’କୁ ସମ୍ବୋଧନ କରିବେ । ଏହି ସମୟରେ ଟ୍ରମ୍ପ ଓ ଅନ୍ୟ ନେତାଙ୍କ ସହ ଦ୍ୱିପାକ୍ଷିକ ବୈଠକ କରିପାରନ୍ତି ।
…..
10.
ଟ୍ରମ୍ପଙ୍କୁ ଭେନେଜୁଏଲା ରାଷ୍ଟ୍ରପତିଙ୍କ ଚ୍ୟାଲେଞ୍ଜ; ଅପେକ୍ଷା କରିଛି ଗିରଫ କରି ଦେଖାଅ
ମନଇଚ୍ଛା ଧମକ ଓ ଶୁଳ୍କ ଲଗାଇ ସାରା ବିଶ୍ୱରେ ଆତଙ୍କର ବାତାବରଣ ସୃଷ୍ଟି କରିଥିବା ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ବଡ଼ ଆହ୍ୱାନ ମିଳିଛି । ଟ୍ରମ୍ପଙ୍କୁ ଚ୍ୟାଲେଞ୍ଜ ଦେଇଛନ୍ତି ଭେନେଜୁଏଲା ରାଷ୍ଟ୍ରପତି ନିକୋଲାସ ମାଦୁରୋ । କହିଛନ୍ତି, ‘ଯଦି ପାରିବ ମୋତେ ଗିରଫ କରି ଦେଖାଅ । ଏଥିପାଇଁ ମୁଁ ରାଷ୍ଟ୍ରପତି ଭବନ ମିରୋଫ୍ଲୋରେସରେ ଅପେକ୍ଷା କରି ରହିଛି । କାପୁରୁଷମାନେ ଏହି କାର୍ଯ୍ୟରେ ବିଳମ୍ବ କରନାହିଁ ।’ ଆମେରିକା ଗତ ଅଗଷ୍ଟ ୭ରେ ରାଷ୍ଟ୍ରପତି ମାଦୁରୋଙ୍କ ଉପରେ ପ୍ରାୟ ୪୨୦ କୋଟି ଟଙ୍କା ପୁରସ୍କାର ରଖିଥିଲା । ଏହା ବ୍ୟତୀତ ମାଦୁରୋଙ୍କ ସହ ଜଡ଼ିତ ୭୦୦ ନିୟୁତ ଡଲାରରୁ ଊଦ୍ଧ୍ୱର୍ ସମ୍ପତ୍ତି ମଧ୍ୟ ଜବତ କରିଥିଲା । ଏଥିରେ ୨ଟି ବ୍ୟକ୍ତିଗତ ଜେଟ ଥିଲା । ଟ୍ରମ୍ପ ପ୍ରଶାସନ ଅଭିଯୋଗ କରିଥିଲା ଯେ ମାଦୁରୋ ଜଣେ ଡ୍ରଗ୍ସ ଚୋରାଚାଲାଣକାରୀ ।
…..
11.
ଜନ୍ମାଷ୍ଟମୀରେ ମାଂସ ଦୋକାନ ବନ୍ଦକୁ ନେଇ ଜୋର୍ ଧରିଲା ରାଜନୀତି
ଅଗଷ୍ଟ ୧୫ ତଥା ଜନ୍ମାଷ୍ଟମୀରେ ମାଂସ ବିକ୍ରୟ ଓ କଂସେଇଖାନା ବନ୍ଦ ନିଷ୍ପତ୍ତିକୁ ନେଇ ମହାରାଷ୍ଟ୍ରରେ ରାଜନୈତିକ ବିବାଦ ଆରମ୍ଭ ହୋଇଛି । ମହାରାଷ୍ଟ୍ରର ମାଲେଗାଁଓ, କଲ୍ୟାଣ ଡୋମ୍ବିଭାଲୀ ଓ ନାଗପୁର ନଗର ନିଗମ ପକ୍ଷରୁ ଚିକେନ, ମଟନ ବିକ୍ରୟ ସହ କଂସେଇଖାନା ବନ୍ଦ ରଖିବାକୁ ନିଦେ୍ର୍ଦଶ କରାଯାଇଛି । ଯାହାକୁ ନେଇ ରାଜନୀତି ଜୋର ଧରିଛି । ଶିବସେନା-ୟୁବିଟି ନେତା ଆଦିତ୍ୟ ଠାକରେ କହିଛନ୍ତି, ‘କଲ୍ୟାଣ ଡୋମ୍ବିଭାଲି ନଗର ନିଗମର କମିଶନରଙ୍କୁ ନିଲମ୍ବନ କରାଯିବା ଉଚିତ । ଆମିଷ-ନିରାମିଷ ତାଙ୍କର କାମ ନୁହେଁ । ଆମେ ନବରାତ୍ରୀରେ ମଧ୍ୟ ଦେବୀଙ୍କୁ ଆମିଷ ଅର୍ପଣ କରୁଛୁ ।’ ଏନସିପି ନେତା ଜୀତେନ୍ଦ୍ର ଆହାଦ କହିଛନ୍ତି, ‘ଆମେ କ’ଣ ଖାଇବୁ, କ’ଣ ନ ଖାଇବୁ ତାହା ସେମାନେ ଆମକୁ ଶିଖାଇବେ । ପୂର୍ବରୁ ଗୋରା ସରକାର ବିରୋଧରେ ଲଢ଼ିଥିଲୁ । ଏବେ ସମୟ ଆସିଛି ଚୋରମାନଙ୍କ ସହ ଲଢ଼ିବାକୁ ।’ ଉପମୁଖ୍ୟମନ୍ତ୍ରୀ ଅଜିତ ପାୱାର ମଧ୍ୟ ଏହି ମାଂସ ପ୍ରତିବନ୍ଧକକୁ ନେଇ ନାରାଜି ଦେଖାଇଛନ୍ତି ।
…
12.
୩୪ ବର୍ଷ ପ୍ରତୀକ୍ଷାର ଅନ୍ତ; ପାକିସ୍ତାନ ବିପକ୍ଷରେ ସିରିଜ ଜିତିଲା ୱେଷ୍ଟଇଣ୍ଡିଜ
ଭ୍ରମଣକାରୀ ପାକିସ୍ତାନ ବିପକ୍ଷରେ ଏଠାରେ ଅନୁଷ୍ଠିତ ନିର୍ଣ୍ଣାୟକ ୩ୟ ଦିନିକିଆ ମ୍ୟାଚକୁ ୱେଷ୍ଟଇଣ୍ଡିଜ ୨୦୨ ରନର ବୃହତ୍ ବ୍ୟବଧାନରେ ଜିତିନେଇଛି । ଏହି ମ୍ୟାଚରେ ଟସ ହାରି ଘରୋଇ ୱେଷ୍ଟଇଣ୍ଡିଜ ପ୍ରଥମେ ବ୍ୟାଟିଂ ଆମନ୍ତ୍ରଣ ପାଇଥିଲା । ଅଧିନାୟକ ସାଇ ହୋପ୍ସ ଦମଦାର ଶତକ ବଳରେ ଦଳ ୫୦ ଓଭରରେ ୬ ୱିକେଟ ହରାଇ ୨୯୪ ରନ କରିଥିଲା । ହୋପ୍ସ ୯୪ ବଲରୁ ୧୨୦ ରନ କରି ଶେଷ ପର୍ଯ୍ୟନ୍ତ ଅପରାଜିତ ରହିଥିଲେ । ଜବାବରେ ପାକିସ୍ତାନ ଜେଡେନ ସେଲ୍ସଙ୍କ ଘାତକ ବୋଲିଂକୁ ସାମ୍ନା କରି ନ ପାରି ୨୯.୨ ଓଭରରେ ମାତ୍ର ୯୨ ରନରେ ଅଲଆଉଟ୍ ହୋଇଥିଲା । ସେଲ୍ସ ୧୮ ରନରେ ୬ଟି ୱିକେଟ୍ ନେଇ ୱେଷ୍ଟଇଣ୍ଡିଜକୁ ବୃହତ ବିଜୟ ଭେଟି ଦେଇଥିଲେ । ଏଥିସହ ଇଣ୍ଡିଜ ଦଳ ଦୀର୍ଘ ୩୪ ବର୍ଷର ବ୍ୟବଧାନ ପରେ ପାକିସ୍ତାନ ବିପକ୍ଷରେ ଦିନିକିଆ ସିରିଜ ଜିତିବାର ସୌଭାଗ୍ୟ ଲାଭ କରିଛି । ଶେଷଥର ଲାଗି ୧୯୯୧ରେ ପାକିସ୍ତାନ ବିପକ୍ଷରେ ୱେଷ୍ଟଇଣ୍ଡିଜ ଏହି ସଫଳତା ପାଇଥିଲା ।
……
13.
କ୍ୟାବିନେଟ ନିଷ୍ପତ୍ତି: ଚାଷୀଙ୍କ ପାଇଁ ଖରିଫ ଋତୁରେ ଖୋଲିବ ୩୮ ମଣ୍ଡି
ରାଜ୍ୟ ସରକାର ଚଳିତ ଖରିଫ ଋତୁରେ ବିିଭିନ୍ନ ଜିଲ୍ଲାରେ ୩୮ଟି ମଣ୍ଡି ଖୋଲିବେ । ରାଜ୍ୟ କ୍ୟାବିନେଟରେ ବୁଧବାର ଏହି ନିଷ୍ପତ୍ତି ହୋଇଛି । ଏବସୁ ମଣ୍ଡିରେ ଚାଷୀମାନଙ୍କ ପାଇଁ ବିଶ୍ରାମ, ପାନୀୟଜଳ, ଶୌଚାଳୟ, ପାର୍କିଂ ଆଦି ସୁବିଧା ରହିବ । ଏହି ପ୍ରକଳ୍ପରେ ମୋଟ ୩ଶହ କୋଟି ଟଙ୍କା ଖର୍ଚ୍ଚ ହେବ । ଆରଏମସି ୧୫୦ ଓ ରାଜ୍ୟ ସରକାର ୧୫୦ କୋଟି ଖର୍ଚ୍ଚ କରିବେ । ସେହିପରି ବିଜୁ ପଟ୍ଟନାୟକ ବିମାନବନ୍ଦରରେ ବିମାନ ରକ୍ଷଣାବେକ୍ଷଣ ପାଇଁ ରାଜ୍ୟ ସରକାର ୪୦ ପ୍ରତିଶତ ରହାତିରେ ଜମି ଭଡ଼ା ଦେବେ । ଏହି ରକ୍ଷଣାବେକ୍ଷଣ କାମ ପାଇଁ ରାଜ୍ୟ ସରକାର ଏମଏସ ଏୟାର ୱାର୍କସ ଇଣ୍ଡିଆ ପ୍ରାଇଭେଟ ଲିମିଟେଡକୁ ଚୟନ କରିଛନ୍ତି । ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗରେ ସ୍ୱତନ୍ତ୍ର ସଂଗ୍ରହାଳୟରେ ନିଯୁକ୍ତି ପାଇଁ କ୍ୟାଡର ଗଠନ କରାଯିବ । ରାଜ୍ୟରେ ଏବେ ୧୭ଟି ସଂଗ୍ରହାଳୟ ଥିବା ବେଳେ ଆଗାମୀ ଦିନରେ ଆହୁରି ୩୯ଟି ସଂଗହାଳୟ ପ୍ରତିଷ୍ଠା ହେବ ।
………
14.
କ୍ୟାବିନେଟ ନିଷ୍ପତ୍ତି: ସହରରେ ଲାଗିବ ଏଲଇଡି ଲାଇଟ, ହୀରାକୁଦରୁ ସମ୍ବଲପୁରକୁ ହେବ ଜଳଯୋଗାଣ
ସହରାଞ୍ଚଳ ଆଲୋକୀକରଣ ପାଇଁ ଏଲଇଡି ଲାଇଟ ଲଗାଇବାକୁ ରାଜ୍ୟ କ୍ୟାବିନେଟରେ ନିଷ୍ପତ୍ତି ହୋଇଛି । ଏଥିପାଇଁ ୩୫୦ କୋଟି ଟଙ୍କା ଖର୍ଚ୍ଚ ହେବ । ନୂଆ ଲାଇଟ ଲଗାଯିବା ସହ ପୁରୁଣା ଲାଇଟ ଗୁଡ଼ିକୁ ମରାମତି କରାଯିବ । ସମ୍ବଲପୁର ସହରବାସୀଙ୍କୁ ୨୪ ଘଣ୍ଟିଆ ଜଳଯୋଗାଣ ପାଇଁ ହୀରାକୁଦ ଡ୍ୟାମରୁ ପାଣି ଆଣିବାକୁ ନିଷ୍ପତ୍ତି ହୋଇଛି । ଏଥିପାଇଁ ୩୮୨ କୋଟି ଟଙ୍କା ଖର୍ଚ୍ଚ କରାଯିବାର ଯୋଜନା ରହିଛି । ରାଜ୍ୟରେ ଏବେ ୮ଟି ସରକାରୀ ନର୍ସିଂ କଲେଜ ପରିଚାଳିତ ହେଉଛି । ୨୧ଟି ଏଏନଏମ ସେଣ୍ଟର ରହିଛି । ସରକାର ଆହୁରି ୭ଟି ନର୍ସିଂ କଲେଜ ଖୋଲିବାକୁ କ୍ୟାବିନେଟରେ ନିଷ୍ପତ୍ତି ହୋଇଛି । ଓଡ଼ିଶା ନର୍ସିଂ ବ୍ୟବସ୍ଥାରେ ସଂସ୍କାର ଅଣାଯିବ ।
…..
୧୫.
ରେଳବାଇରେ ୨୭୨ ନର୍ସିଂ ସୁପରିଟେଣ୍ଡେଣ୍ଟ ପଦବୀ ପାଇଁ ବିଜ୍ଞପ୍ତି
ରେଳବାଇ ନିଯୁକ୍ତି ବୋର୍ଡ (ଆରଆରବି) ପକ୍ଷରୁ ୨୭୨ଟି ନର୍ସିଂ ସୁପରିଟେଣ୍ଡେଣ୍ଟ ପଦବୀ ପାଇଁ ବିଜ୍ଞପ୍ତି ପ୍ରକାଶ ପାଇଛି। ଏଥିପାଇଁ ଅନଲାଇନ୍ ଆବେଦନ ଶେଷ ତାରିଖ ସେପ୍ଟେମ୍ବର ୮, ୨୦୨୫ ରହିଛି। ବିଏସସି ନର୍ସିଂ କିମ୍ବା ଜିଇଂଏମ ଯୋଗ୍ୟତା ଥିବା ପ୍ରାର୍ଥୀମାନେ ଏହି ପଦବୀ ପାଇଁ ଆବେଦନ କରିପାରିବେ। ଆବେଦନକାରୀଙ୍କ ବୟସ ସୀମା ୨୦ରୁ ୪୦ ବର୍ଷ ମଧ୍ୟରେ ହୋଇଥିବା ଆବଶ୍ୟକ। ସାଧାରଣ ବର୍ଗ ପାଇଁ ଆବେଦନ ଫିସ୍ ୫୦୦ ଟଙ୍କା ଏବଂ ମହିଳା ଓ ସଂରକ୍ଷିତ ବର୍ଗଙ୍କ ପାଇଁ ୨୫୦ ଟଙ୍କା ରଖାଯାଇଛି। ଇଚ୍ଛୁକ ପ୍ରାର୍ଥୀମାନେ ଆରଆରବିର ଅଫିସିଆଲ୍ ୱେବସାଇଟ୍ ମାଧ୍ୟମରେ ଆବେଦନ କରିପାରିବେ।
…..
୧୬.
ବିଏସ୍ଏଫରେ ୧,୧୨୧ ହେଡ୍ କନଷ୍ଟେବଳ ପଦବୀ ପାଇଁ ବିଜ୍ଞପ୍ତି
ସୀମା ସୁରକ୍ଷା ବଳ (ବିଏସଏଫ) ପକ୍ଷରୁ ହେଡ୍ କନଷ୍ଟେବଳ (ରେଡିଓ ଅପରେଟର୍ ଓ ରେଡିଓ ମେକାନିକ୍) ପଦବୀରେ ନିଯୁକ୍ତି ପାଇଁ ବିଜ୍ଞପ୍ତି ପ୍ରକାଶ ପାଇଛି। ଏହି ନିଯୁକ୍ତି ମାଧ୍ୟମରେ ମୋଟ ୧,୧୨୧ଟି ପଦବୀ ପୂରଣ କରାଯିବ। ଏଥିପାଇଁ ଅନଲାଇନ୍ ଆବେଦନ ପ୍ରକ୍ରିୟା ଅଗଷ୍ଟ ୨୪, ୨୦୨୫ରୁ ଆରମ୍ଭ ହୋଇ ସେପ୍ଟେମ୍ବର ୨୩, ୨୦୨୫ ପର୍ଯ୍ୟନ୍ତ ଚାଲିବ। ଦ୍ୱାଦଶ ପାସ୍ କିମ୍ବା ଆଇଟିଆଇ ସହିତ ଦଶମ ପାସ୍ କରିଥିବା ପ୍ରାର୍ଥୀମାନେ ଆବେଦନ କରିପାରିବେ। ଆବେଦନକାରୀଙ୍କ ବୟସ ସାଧାରଣ ବର୍ଗ ପାଇଁ ୧୮ରୁ ୨୫ ବର୍ଷ ଏବଂ ସଂରକ୍ଷିତ ବର୍ଗଙ୍କ ପାଇଁ ନିୟମ ଅନୁସାରେ କୋହଳ କରାଯିବ। ସାଧାରଣ/ଓବିସି ବର୍ଗର ପୁରୁଷ ପ୍ରାର୍ଥୀଙ୍କ ପାଇଁ ଆବେଦନ ଫିସ୍ ୧୦୦ ଟଙ୍କା ଥିବାବେଳେ ମହିଳା ଓ ଅନ୍ୟ ସଂରକ୍ଷିତ ବର୍ଗଙ୍କ ପାଇଁ କୌଣସି ଫିସ୍ ଲାଗିବ ନାହିଁ। ଇଚ୍ଛୁକ ପ୍ରାର୍ଥୀମାନେ ବିଏସ୍ଏଫର ଅଫିସିଆଲ୍ ୱେବସାଇଟ୍ bsf.gov.in ମାଧ୍ୟମରେ ଆବେଦନ କରିପାରିବେ।
…….
୧୭.
ବ୍ୟାଙ୍କ ଅଫ୍ ମହାରାଷ୍ଟ୍ରରେ ୫୦୦ ଅଫିସର ପଦବୀ ପାଇଁ ନିଯୁକ୍ତି
ବ୍ୟାଙ୍କ ଅଫ୍ ମହାରାଷ୍ଟ୍ର ପକ୍ଷରୁ ୫୦୦ଟି ଜେନେରାଲିଷ୍ଟ ଅଫିସର (ସ୍କେଲ୍-୨ ଓ ୩) ପଦବୀ ପାଇଁ ବିଜ୍ଞପ୍ତି ପ୍ରକାଶ ପାଇଛି। ଏଥିପାଇଁ ଅନଲାଇନ୍ ଆବେଦନ ପ୍ରକ୍ରିୟା ଅଗଷ୍ଟ ୧୩, ୨୦୨୫ରୁ ଆରମ୍ଭ ହୋଇ ଅଗଷ୍ଟ ୩୦, ୨୦୨୫ରେ ଶେଷ ହେବ। କୌଣସି ବିଷୟରେ ସ୍ନାତକ ଡିଗ୍ରୀରେ ୬୦% ନମ୍ବର (ସଂରକ୍ଷିତ ବର୍ଗ ପାଇଁ ୫୫%) ରଖିଥିବା ପ୍ରାର୍ଥୀମାନେ ଆବେଦନ କରିପାରିବେ। ଆବେଦନକାରୀଙ୍କ ବୟସ ସୀମା ୨୨ରୁ ୩୫ ବର୍ଷ ମଧ୍ୟରେ ହୋଇଥିବା ଆବଶ୍ୟକ। ସାଧାରଣ/ଓବିସି/ଇଡବ୍ଲ୍ୟୁଏସ ବର୍ଗ ପାଇଁ ଆବେଦନ ଫିସ୍ ୧୧୮୦ ଟଙ୍କା ଏବଂ ଏସସି/ଏସଟି/ପିଡବ୍ଲ୍ୟୁଡି ବର୍ଗଙ୍କ ପାଇଁ ୧୧୮ ଟଙ୍କା ରଖାଯାଇଛି। ଚୟନ ପ୍ରକ୍ରିୟାରେ ଏକ ଅନଲାଇନ୍ ପରୀକ୍ଷା ଓ ସାକ୍ଷାତକାର ରହିଛି। ଇଚ୍ଛୁକ ପ୍ରାର୍ଥୀମାନେ ବ୍ୟାଙ୍କର ଅଫିସିଆଲ୍ ୱେବସାଇଟ୍ bankofmaharashtra.in ମାଧ୍ୟମରେ ଆବେଦନ କରିପାରିବେ।
….
18.
ବିଜେପି ଆଣିଲା ଅଭିଯୋଗ, ଭାରତୀୟ ହେବା ପୂର୍ବରୁ ସୋନିଆ ହୋଇଥିଲେ ଭୋଟର
ରାହୁଲ ଗାନ୍ଧୀଙ୍କ ‘ଭୋଟ ଚୋରି’ ଅଭିଯୋଗ ଦେଶବ୍ୟାପୀ ଚର୍ଚ୍ଚାର ବିଷୟ ହୋଇଛି । ଏପରି ସମୟରେ ବିଜେପି ଏକ ପାଲଟା ଅଭିଯୋଗ ଆଣିଛି । ଦଳର ଆଇଟି ସେଲ୍ ମୁଖ୍ୟ ଅମିତ ମାଲବୀୟ କହିଛନ୍ତି, ସୋନିଆ ଗାନ୍ଧୀ ଭାରତର ନାଗରିକ ହେବା ପୂର୍ବରୁ ଭୋଟର ତାଲିକାରେ ସାମିଲ ହୋଇଥିଲେ । ଏହା ସ୍ପଷ୍ଟ ଭାବେ ଆଇନ ଉଲ୍ଲଂଘନ । ୧୯୮୦ ମସିହାରେ ସେ ଭୋଟର ତାଲିକାରେ ସାମିଲ ହୋଇଥିଲେ । କିନ୍ତୁ ସେତେବେଳେ ସେ ଇଟାଲୀର ନାଗରିକ ଥିଲେ । ୧୯୮୨ରେ ବିରୋଧ ଯୋଗୁ ତାଙ୍କ ନାମ ତାଲିକାରୁ ହଟିଥିଲା । ପୁଣି ୧୯୮୩ ଜାନୁଆରୀ ୧ରେ ତାଙ୍କ ନାମ ଯୋଡ଼ାଯାଇଥିଲା । ଯଦିଓ ୧୯୮୩ ଏପ୍ରିଲ ୩୦ରେ ସେ ଭାରତର ନାଗରିକ ହୋଇଥିଲେ ।
…
19.
ବିବାଦରେ ବୁଲା କୁକୁର ପ୍ରସଙ୍ଗ, ନିଜ ରାୟର ପୁନର୍ବିଚାର କରିପାରନ୍ତି ସୁପ୍ରିମକୋର୍ଟ
ଦିଲ୍ଲୀ-ଏନସିଆରରେ ବୁଲା କୁକୁରଙ୍କୁ ସ୍ଥାୟୀ ଭାବେ ଆଶ୍ରୟ ଗୃହରେ ରଖିବାକୁ ଦିନେ ତଳେ ସୁପ୍ରିମକୋର୍ଟ ନିଦେ୍ର୍ଦଶ ଦେଇଥିଲେ । ଏହି ରାୟକୁ ଅନେକ ରାଜନେତାଙ୍କ ସହ ପ୍ରାଣୀପ୍ରେମୀ ମାନେ ମଧ୍ୟ ବିରୋଧ କରିଥିଲେ । ଅପରପକ୍ଷରେ ୨୦୨୪ରେ ସୁପ୍ରିମକୋର୍ଟଙ୍କ ଏକ ଖଣ୍ଡପୀଠ ଜୀବେ ଦୟାକୁ ଗୁରୁତ୍ୱ ଦେବାକୁ ରାୟ ଦେଇଥିଲେ । ବୁଲା କୁକୁରଙ୍କୁ ଆଖିବୁଜା ହତ୍ୟା କରାଯାଇପାରିବ ନାହିଁ ବୋଲି ନିଦେ୍ର୍ଦଶ ଦେଇଥିଲେ । ସୁପ୍ରିମକୋର୍ଟଙ୍କର ଦୁଇଟି ଖଣ୍ଡପୀଠଙ୍କ ରାୟ ପରସ୍ପରର ବିରୁଦ୍ଧାଚରଣ କରୁଛି ବୋଲି ବୁଧବାର ଜଣେ ଆଇନଜୀବୀ ପ୍ରଧାନ ବିଚାରପତିଙ୍କ ଦୃଷ୍ଟିକୁ ଆଣିଥିଲେ । ପ୍ରଧାନ ବିଚାରପତି ରାୟର ପୁନର୍ବିଚାର କରିବାକୁ ଆଶ୍ୱାସନା ଦେଇଛନ୍ତି । ଅପରପକ୍ଷରେ ପ୍ରାଣୀ ପ୍ରେମୀ ଓ ଆଇନଜୀବୀ ମାନେ ସୁପ୍ରିମକୋର୍ଟ ବାହାରେ ମୁହାଁମୁହିଁ ହୋଇଥିବାର ଏକ ଭିଡିଓ ଭାଇରଲ ହୋଇଛି ।
…
20.
ବଙ୍ଗୋପସାଗରରେ ସୃଷ୍ଟି ହେଲା ଲଘୁଚାପ, ତିନି ଦିନ ହେବ ପ୍ରବଳ ବର୍ଷା
ପଶ୍ଚିମ କେନ୍ଦ୍ର ଓ ସଂଲଗ୍ନ ଉତ୍ତର ପଶ୍ଚିମ ବଙ୍ଗୋପସାଗରରେ ଏକ ଲଘୁଚାପ ସୃଷ୍ଟି ହୋଇଛି । ପରବର୍ତ୍ତୀ ଚବିଶ ଘଣ୍ଟାରେ ଏହା ଅଧିକ ଘନୀଭୂତ ହୋଇ ସ୍ପଷ୍ଟ ଚିହ୍ନିତ ଲଘୁଚାପରେ ପରିଣତ ହେବ । ପରବର୍ତ୍ତୀ ୪୮ ଘଣ୍ଟା ମଧ୍ୟରେ ଏହା ଉତ୍ତର ଆନ୍ଧ୍ର ପ୍ରଦେଶ ଉପକୂଳ ଓ ଦକ୍ଷିଣ ଓଡ଼ିଶା ଦେଇ ଗତି କରିବାର ସମ୍ଭାବନା ରହିଛି । ଏହା ପ୍ରଭାବରେ ତିନି ଦିନ ରାଜ୍ୟର କେତେକ ଜିଲ୍ଲାରେ ପ୍ରବଳ ବର୍ଷା ହୋଇପାରେ । ମାଲକାନଗିରି ଓ କୋରାପୁଟ ଜିଲ୍ଲାରେ ଘଣ୍ଟା ପ୍ରତି ୩୦ ରୁ ୪୦ କିଲୋମିଟର ବେଗରେ ପବନ ବହିପାରେ । ଗଜପତି, ଗଂଜାମ, ରାୟଗଡ଼ା, କନ୍ଧମାଳ, ନୟାଗଡ଼, ନୂଆପଡ଼ା, ବଲାଙ୍ଗିର, କଳାହାଣ୍ଡି ଏବଂ ନବରଙ୍ଗପୁର ଜିଲ୍ଲାରେ ମଧ୍ୟ ପ୍ରବଳ ବର୍ଷା ହେବ । ୧୬ ତାରିଖ ପର୍ଯ୍ୟନ୍ତ ସମୁଦ୍ରକୁ ନ ଯିବାକୁ ମତ୍ସ୍ୟଜୀବୀମାନଙ୍କୁ ବାରଣ କରାଯାଇଛି ।
…
21.
ଦକ୍ଷିଣ ଚୀନ୍ ସାଗରରେ ଆମେରିକା-ଚୀନ୍ ଯୁଦ୍ଧ ଜାହାଜ ମୁହାଁମୁହିଁ
ମୁହାଁମୁହିଁ ହୋଇଛନ୍ତି ଆମେରିକା ଓ ଚୀନର ଯୁଦ୍ଧ ଜାହାଜ । ଆମେରିକାର ଯୁଦ୍ଧ ଜାହାଜ ଚୀନର ଜଳସୀମା ଅତିକ୍ରମ କରିଥିବା ଅଭିଯୋଗ କରିଛି ଚୀନ୍ । ଦକ୍ଷିଣ ଚୀନ୍ ସାଗରରେ ଫିଲିପାଇନ୍ସର ଲୁଜୋନ ଦ୍ୱୀପଠାରୁ ପ୍ରାୟ ୨୨୦ କିଲୋମିଟର ପଶ୍ଚିମରେ ରହିଛି ସ୍କାରବୋରା ଦ୍ୱୀପ । ଏଠାରେ ଚୀନ୍ ନିଜର ସେନା ମୁତୟନ କରିଛି । ତେବେ ଫିଲିପାଇନ୍ସ ଓ ତାଇୱାନ ମଧ୍ୟ ଏହି ଦ୍ୱୀପ ଉପରେ ଅଧିକାର ଦାବି କରି ଆସୁଛନ୍ତି । ବୁଧବାର ଆମେରିକାର ବିଧ୍ୱଂସକ ଜାହାଜ ୟୁଏସଏସ ହିଗିନ୍ସ ଏହା ଉପକୂଳରେ ପ୍ରବେଶ କରିଥିଲା । ଏହି ସୂଚନା ପାଇବା ମାତ୍ରେ ସତର୍କ ହୋଇଥିଲେ ଚୀନର ଯୁଦ୍ଧ ଜାହାଜ । ଆମେରିକାର ଜାହାଜକୁ ଘଉଡ଼ାଇବାକୁ ଗୁଳି ମାଡ଼ କରିବାକୁ ପଡ଼ିଥିଲା ବୋଲି ଚୀନ କହିଛି । ତେବେ କୌଣସି ଆନ୍ତର୍ଜାତିକ ଆଇନ ଉଲ୍ଲଂଘନ କରାଯାଇନଥିବା ଆମେରିକା ସ୍ପଷ୍ଟ କରିଛି ।
…
22.
ମନ୍ତ୍ରୀଙ୍କ ସୂଚନା, ଆତ୍ମହତ୍ୟା ପ୍ରବଣତା ରୋକିବାକୁ କଲେଜରେ ଚାଲିବ ‘ସେଫ୍ କ୍ୟାମ୍ପେନ୍’
ରାଜ୍ୟରେ ଉଚ୍ଚଶିକ୍ଷା ବିଭାଗ ଆରମ୍ଭ କରିବ ‘ସେଫ୍ କ୍ୟାମ୍ପେନ୍’ । ଉଚ୍ଚଶିକ୍ଷା ମନ୍ତ୍ରୀ ସୂରଜ ସୂର୍ଯ୍ୟବଂଶୀ ଏହି ସୂଚନା ଦେଇଛନ୍ତି । ଶକ୍ତିଶ୍ରୀ ଯୋଜନାରେ ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟ ସ୍ତରରେ ଏହା ଚାଲିବ । ଛାତ୍ରଛାତ୍ରୀଙ୍କ ମଧ୍ୟରେ ଆତ୍ମହତ୍ୟା ପ୍ରବଣତାକୁ ଦୂର କରିବା ଏବଂ ସେମାନଙ୍କ ମାନସିକ ସନ୍ତୁଳନ ଠିକ୍ ରଖିବା ଏହି ଅଭିଯାନର ଉଦେ୍ଦଶ୍ୟ । ପ୍ରତ୍ୟେକ ସମସ୍ୟାର ସମାଧାନ ପାଇଁ ଉଚିତ ଫୋରମ ଅଛି । ଏ ସମ୍ପର୍କରେ ସମସ୍ତଙ୍କୁ ଅବଗତ କରାଇବାକୁ ଅନୁକୂଳ ପରିବେଶ ସୃଷ୍ଟି କରିବାକୁ ମନ୍ତ୍ରୀ ଆହ୍ୱାନ ଦେଇଛନ୍ତି ।
…
23.
ଅମଲା ସଂଘକୁ ରାଜସ୍ୱ ମନ୍ତ୍ରୀଙ୍କ ଚେତାବନୀ, କାମ ନ କଲେ ଦରମା ବନ୍ଦ
ବିଭିନ୍ନ ଦାବିରେ ରାଜ୍ୟ ଅମଲା ସଂଘ ପକ୍ଷରୁ ଆନେ୍ଦାଳନ ଚାଲିଛି । ସେମାନେ ସମୂହ ଛୁଟିରେ ଯାଇଥିବାରୁ ରାଜ୍ୟବ୍ୟାପୀ ରାଜସ୍ୱ ବିଭାଗ କାର୍ଯ୍ୟରେ ଅଚଳାବସ୍ଥା ଦେଖାଦେଇଛି । ତେବେ ରାଜସ୍ୱ ମନ୍ତ୍ରୀ ସୁରେଶ ପୂଜାରୀ ଅମଲା ସଂଘକୁ କଡ଼ା ଚେତାବନୀ ଦେଇଛନ୍ତି । କହିଛନ୍ତି, ଉପସ୍ଥାପିତ କରାଯାଇଥିବା ଦାବି ଗୁଡ଼ିକୁ ତର୍ଜମା କରାଯାଉଛି । ସମୂହ ଛୁଟି ଗ୍ରହଣୀୟ ନୁହେଁ । କାହାରି ଛୁଟି ମଂଜୁର ନ କରିବାକୁ ଜିଲ୍ଲାପାଳମାନଙ୍କୁ ନିଦେ୍ର୍ଦଶ ଦିଆଯାଇଛି । ଅମଲା ମାନଙ୍କ ବିନା ରାଜସ୍ୱ ସେବା ଜାରି ରଖିବାକୁ ସରକାର ଉଦ୍ୟମ କରୁଛନ୍ତି । ଆନେ୍ଦାଳନରୁ ନ ଓହରିଲେ ସରକାର ପଦକ୍ଷେପ ନେବେ । କାମ କରୁନଥିଲେ ଦରମା ବନ୍ଦ ବୋଲି ମନ୍ତ୍ରୀ କହିଛନ୍ତି ।
…
24.
ନକଲି ରୁପା ବିକ୍ରିରେ ଲାଗିବ ରୋକ୍, ସେପ୍ଟେମ୍ବର ୧ ରୁ ଗହଣାରେ ହଲ୍ ମାର୍କିଂ
ସୁନା ପରେ ଏବେ ରୁପା ଉପରେ ହଲ୍ ମାର୍କିଂ ପାଇଁ ସରକାର ନିଷ୍ପତ୍ତି ନେଇଛନ୍ତି । ଆଗାମୀ ସେପ୍ଟେମ୍ବର ୧ ତାରିଖରୁ ଏହାକୁ ବ୍ୟବସାୟୀଙ୍କ ପାଇଁ ଇଚ୍ଛାମୂଳକ ଆଧାରରେ ଲାଗୁ କରାଯିବ । ପରେ ଏହାକୁ ବାଧ୍ୟତାମୂଳକ କରାଯିବ । ସୁନା ପରି ଏହା ୬ ଗ୍ରେଡ୍ ରୁପା ଗହଣାରେ ଲାଗୁ ହେବ । ଗହଣା ଉପରେ ୬ ଅଙ୍କ ବିଶିଷ୍ଟ ଏଚୟୁଆଇଡି ହଲ୍ ମାର୍କିଂ କାର୍ଯ୍ୟକାରୀ ହେବ । ହଲ୍ ମାର୍କିଂରୁ ଗହଣାର ଶୁଦ୍ଧତାର ଗ୍ୟାରେଣ୍ଟି ମିଳିଥାଏ । ୨୦୨୪ଏପ୍ରିଲ ୧ରୁ ସୁନା ଏବଂ ଗହଣା ଉପରେ ହଲ୍ ମାର୍କିଂକୁ ବାଧ୍ୟତାମୂଳକ କରାଯାଇଥିଲା । ସୁନାରେ ଉଭୟ ୨୨ ଓ ୧୮ କ୍ୟାରେଟ ଗହଣାରେ ଏହି ନିୟମ ଲାଗୁ ହୋଇଛି ।
…
25.
ସାଇବର ଠକଙ୍କୁ ଲଗାମ୍; ୟୁପିଆଇରେ ଟଙ୍କା ମାଗିବା ରିକ୍ୱେଷ୍ଟ ବନ୍ଦ ହେବ
ୟୁପିଆଇରେ ଆଉ ଟଙ୍କା ମାଗିବା ରିକ୍ୱେଷ୍ଟ ପଠାଇ ହେବନାହିଁ । ନ୍ୟାସନାଲ ପେମେଣ୍ଟେସ କର୍ପୋରେସନ ଅଫ୍ ଇଣ୍ଡିଆ-ଏନପିସିଆଇ ଆଗାମୀ ଅକ୍ଟୋବର ପହିଲାରୁ ଏହି ନିୟମ ଲାଗୁ କରିବାକୁ ଯାଉଛି । ଏହାଦ୍ୱାରା ଜଣେ ବ୍ୟକ୍ତି ଅନ୍ୟ ଜଣଙ୍କୁ ୟୁପିଆଇ ମାଧ୍ୟମରେ ଟଙ୍କା ପଠାଇବାକୁ ଅନୁରୋଧ କରିପାରିବେ ନାହିଁ । ସାଧାରଣତଃ ଜଣେ ୟୁଜର ଅନ୍ୟ ଜଣେ ୟୁଜରଙ୍କୁ ରିକ୍ୱେଷ୍ଟ ପଠାଇଥାନ୍ତି । ରିକ୍ୱେଷ୍ଟ ପାଇବା ପରେ ଟଙ୍କା ଦେଉଥିବା ବ୍ୟକ୍ତି ୟୁପିଆଇ ପିନ୍ ଜରିଆରେ ପେମେଣ୍ଟକୁ ମଂଜୁରୀ ଦେଇଥାନ୍ତି । ସାଇବର ଠକ ମାନେ ଏହି ପ୍ରକ୍ରିୟାରେ ସର୍ବାଧିକ ଠକେଇ କରୁଥିବାରୁ ଲଗାମ ଦେବାକୁ ଏହି ନିଷ୍ପତ୍ତି ହୋଇଛି ।
…
26.
ମନ୍ତ୍ରୀଙ୍କ ସୂଚନା, ୨୦୨୭ ପୂର୍ବରୁ ପଂଚାୟତ ଏବଂ ୨୦୨୯ ପୂର୍ବରୁ ବ୍ଲକ ପୁନର୍ଗଠନ
୨୦୨୭ ମସିହାରେ ରାଜ୍ୟରେ ପଞ୍ଚାୟତ ନିର୍ବାଚନ ହେବ । ଏହା ପୂର୍ବରୁ ପଂଚାୟତ ପୁନର୍ଗଠନ କରାଯିବ । ଏହି ସୂଚନା ଦେଇଛନ୍ତି ପଞ୍ଚାୟତିରାଜ ମନ୍ତ୍ରୀ ରବିନାରାୟଣ ନାୟକ । ନିକଟରେ ପଂଚାୟତଗୁଡ଼ିକୁ ସଶକ୍ତ କରିବାକୁ ରାଜ୍ୟପାଳ ସରକାରଙ୍କ ପରାମର୍ଶ ଦେଇଥିଲେ । ତେଣୁ ଧାର୍ଯ୍ୟ ସମୟରେ ଏହା ଶେଷ କରିବାକୁ ଅଧିକାରୀମାନଙ୍କୁ ପରାମର୍ଶ ଦିଆଯାଇଛି । ସେହିପରି ୨୦୨୯ ସାଧାରଣ ନିର୍ବାଚନ ପୂର୍ବରୁ ବ୍ଲକ ପୁନର୍ଗଠନ ପାଇଁ ନିଷ୍ପତ୍ତି ହୋଇଛି । ଏହାର ରୂପରେଖା ପ୍ରସ୍ତୁତ କରାଯାଇଥିବା ମନ୍ତ୍ରୀ କହିଛି ।
…
27.
ଝିଅଙ୍କ ସୁରକ୍ଷା ନେଇ ହାଇକୋର୍ଟଙ୍କ ଉଦବେଗ,ଜିଲ୍ଲାସ୍ତରରୁ ମତାମତ କଲେ ଆହ୍ୱାନ
ବିଭିନ୍ନ କ୍ଷେତ୍ରରେ ଝିଅମାନେ ନିର୍ଯାତିତ ହେଉଛନ୍ତି । ସ୍କୁଲ, କଲେଜ ଏବଂ ବିଭିନ୍ନ କ୍ଷେତ୍ରରେ ଏହା ଦେଖିବାକୁ ମିଳୁଛି । ସବୁଠି ନାବାଳିକାଙ୍କ ପ୍ରତି ବିପଦ ସୃଷ୍ଟି ହେଉଛି । ଏ ନେଇ ହାଇକୋର୍ଟ ଗଭୀର ଉଦବେଗ ପ୍ରକାଶ କରିଛନ୍ତି । ଏହାକୁ କିପରି ରୋକିହେବ ଜିଲ୍ଲା ସ୍ତରରୁ ମତାମତ ଲୋଡ଼ିଛନ୍ତି । ବିଭିନ୍ନ କ୍ଷେତ୍ରରୁ ବୁଦ୍ଧଜୀବୀଙ୍କ ମତାମତ ଆଧାରରେ ଏକ ରିପୋର୍ଟ ପ୍ରସ୍ତୁତ କରିବାକୁ ଜିଲ୍ଲା ଜଜ୍ ମାନଙ୍କୁ ହାଇକୋର୍ଟ କହିଛନ୍ତି । ହାଇକୋର୍ଟର ଜୁଭେନାଇଲ ଜଷ୍ଟିସ କମିଟି ପକ୍ଷରୁ ଜିଲ୍ଲା ଜଜମାନଙ୍କୁ ଏହି ଚିଠି ଦିଆଯାଇଛି ।
…..
28.
ଗ୍ରାହକଙ୍କୁ ଆଶ୍ୱସ୍ତି: ଆଇସିଆଇସିଆଇ ବ୍ୟାଙ୍କ ବଦଳାଇଲା ମିନିମମ୍ ବାଲାନ୍ସ ନିୟମ
ତୀବ୍ର ବିରୋଧ ପରେ ଆଇସିଆଇସିଆଇI ବ୍ୟାଙ୍କ ନିଜର ନୂଆ ମିନିମମ୍ ବାଲାନ୍ସ ନିୟମକୁ ପ୍ରତ୍ୟାହାର କରିନେଇଛି। ପୂର୍ବରୁ ବ୍ୟାଙ୍କ ସହରାଞ୍ଚଳ ପାଇଁ ଏହି ସୀମାକୁ ୫୦,୦୦୦ ଟଙ୍କା ପର୍ଯ୍ୟନ୍ତ ବୃଦ୍ଧି କରିଥିଲା, ଯାହାକୁ ନେଇ ଗ୍ରାହକଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା। ବ୍ୟାଙ୍କ ଏବେ ଏହି ନିୟମରେ ପରିବର୍ତ୍ତନ କରିଛି। ନୂଆ ନିୟମ ଅନୁଯାୟୀ, ଏଣିକି ସହରାଞ୍ଚଳ ଖାତା ପାଇଁ ୧୫,୦୦୦ ଟଙ୍କା, ଅର୍ଦ୍ଧ-ସହରୀ ଅଞ୍ଚଳ ପାଇଁ ୭,୫୦୦ ଟଙ୍କା ଏବଂ ଗ୍ରାମାଞ୍ଚଳ ପାଇଁ ୨,୫୦୦ ଟଙ୍କା ମିନିମମ୍ ବାଲାନ୍ସ ରଖିବାକୁ ପଡ଼ିବ। ବ୍ୟାଙ୍କ ସ୍ପଷ୍ଟ କରିଛି ଯେ ଏହି ନିୟମ ବେତନଭୋଗୀ (ସାଲାରୀ ଆକାଉଣ୍ଟ), ବରିଷ୍ଠ ନାଗରିକ, ପେନସନଧାରୀ ଏବଂ ଜୁଲାଇ ୩୧, ୨୦୨୫ ପୂର୍ବରୁ ଖୋଲାଯାଇଥିବା ପୁରୁଣା ଆକାଉଣ୍ଟଗୁଡିକ ପାଇଁ ଲାଗୁ ହେବ ନାହିଁ।
….
29.
ମାଡ୍ରାସ ହାଇକୋର୍ଟ ବିଲଡିଂରୁ ଡେଇଁଲେ ନାବାଳିକା, ବାପା-ମାଙ୍କ ପାଖରେ ରହିବାକୁ ଚାହୁଁ ନଥିଲେ
ମା’ ରହୁଛନ୍ତି ଆଣ୍ଡାମାନ-ନିକୋବର ଦ୍ୱୀପରେ । ବାପା ଚେନ୍ନାଇରେ । ପରେ ମା’ କଲେ ଦ୍ୱିତୀୟ ବିବାହ । ବାପା ଝିଅକୁ କଷ୍ଟୋଡିକୁ ନେବାକୁ ହାଇକୋର୍ଟରେ କଲେ ଆବେଦନ । ଝିଅ ନିଖୋଜ ଥିବା ଦର୍ଶାଇଥିଲେ । କୋର୍ଟଙ୍କୁ ନିଦେ୍ର୍ଦଶରେ ପୁଲିସ ନାବାଳିକା ଝିଅକୁ ଖୋଜି ହାଜର କରାଇଥିଲା । ମାମଲାରୁ ଶୁଣାଣି କରି କୋର୍ଟ ନାବାଳିକାକୁ ଏକ କେୟାର ହୋମକୁ ପଠାଇବାକୁ ନିଦେ୍ର୍ଦଶ ଦେଇଥିଲେ । କିନ୍ତୁ ବାପା କି ମା’ଙ୍କ ପାଖରେ ରହିବାକୁ ଚାହୁଁ ନଥିବା ନାବାଳିକା ଆଈ ମା’ଙ୍କ ପାଖରେ ରହିବାକୁ ବିଚାରପତିଙ୍କୁ ଅନୁରୋଧ କରିଥିଲେ । ବିଚାରପତି ଏହା ନ ଶୁଣିବାକୁ ନାବାଳିକା କିଛି ସମୟ ପରେ କୋର୍ଟ ଛାତରୁ ଡେଇର୍ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ । ଏବେ ସେ ଗୁରୁତର ଅବସ୍ଥାରେ ମେଡିକାଲରେ ଅଛନ୍ତି ।
…
30.
ଆଇସିସି ଦିନିକିଆ ବ୍ୟାଟିଂ ମାନ୍ୟତାରେ ଗିଲ୍ ନମ୍ବର ୱାନରେ
ଆଇସିସି ପକ୍ଷରୁ ପ୍ରକାଶ ପାଇଥିବା ଦିନିକିଆ ମାନ୍ୟତା ତାଲିକାର ବ୍ୟାଟିଂ ବର୍ଗରେ ଶୁଭମନ ଗିଲ୍ ପ୍ରଥମ ସ୍ଥାନରେ ରହିଛନ୍ତି । ଦ୍ୱିତୀୟ ସ୍ଥାନରେ ଅଛନ୍ତି ରୋହିତ ଶର୍ମା । ଶ୍ରେଷ୍ଠ ୧୦ ଜଣଙ୍କ ମଧ୍ୟରେ ବିରାଟ କୋହଲି ଓ ଶ୍ରେୟସ ଆୟାର ମଧ୍ୟ ରହିଛନ୍ତି । ବୋଲର ତାଲିକାରେ ଭାରତର କୁଲଦୀପ ଯାଦବ ଦ୍ୱିତୀୟ ଏବଂ ରବୀନ୍ଦ୍ର ଜାଡେଜା ନବମ ସ୍ଥାନରେ ଅଛନ୍ତି । ପ୍ରଥମ ସ୍ଥାନରେ ଶ୍ରୀଲଙ୍କାର ମହୀଶ ତୀକ୍ଷଣଶ ଅଛନ୍ତି । ଟି-ଟ୍ୱେଣ୍ଟି ବ୍ୟାଟିଂ ତାଲିକାରେ ଭାରତର ଅଭିଷେକ ବର୍ମା ଓ ତିଳକ ବର୍ମା ପ୍ରଥମ ୨ଟି ସ୍ଥାନରେ ଅଛନ୍ତି । ସୂର୍ଯ୍ୟକୁମାର ଯାଦବ ଷଷ୍ଠ ସ୍ଥାନରେ ଅଛନ୍ତି ।
…
31.
ଅଗଷ୍ଟ ୨୨ ପର୍ଯ୍ୟନ୍ତ ହେବ ଚାଷୀ ପଂଜିକରଣ, ଛୁଟି ଦିନରେ ବି ଚାଲିବ
ଖରିଫ ଧାନ କ୍ରୟ ପାଇଁ ଏ ପର୍ଯ୍ୟନ୍ତ ୧୧.୫୦ ଲକ୍ଷ ଚାଷୀ ପଂଜିକରଣ କରିସାରିଛନ୍ତି । ପଂଜିକରଣ ଅବଧି ଅଗଷ୍ଟ ୨୦ ତାରିଖ ବୋଲି ପୂର୍ବରୁ ଘୋଷଣା କରାଯାଇଥିଲା । ଏବେ ଏହାକୁ ଅଗଷ୍ଟ ୨୨ ତାରିଖ ପର୍ଯ୍ୟନ୍ତ ବଢ଼ାଇ ଦିଆଯାଇଥିବା କହିଛନ୍ତି ରାଜ୍ୟ ସରକାର । ଆସନ୍ତା ନଭେମ୍ବର ୧ ତାରିଖରୁ ଧାନ କ୍ରୟ ପାଇଁ ସ୍ଥିର କରାଯାଇଛି । ଏହା ମାର୍ଚ୍ଚ ୩୧ତାରିଖ ପର୍ଯ୍ୟନ୍ତ ଚାଲିବ ।
About the Author
