କର୍ଣ୍ଣାଟକରେ ୧୬ ବର୍ଷରୁ କମ୍ ପିଲାଙ୍କ ଲାଗି ହେଲା ସୋସିଆଲ ମିଡିଆ ବ୍ୟାନ

କର୍ଣ୍ଣାଟକ ସରକାର ରାଜ୍ୟରେ ୧୬ ବର୍ଷରୁ କମ ପିଲାମାନଙ୍କ ପାଇଁ ସୋସିଆଲ ମିଡିଆ ବ୍ୟବହାର ଉପରେ ପ୍ରତିବନ୍ଧକ ଲଗାଇଛନ୍ତି । ଶୁକ୍ରବାର ରାଜ୍ୟ ବଜେଟ ଉପସ୍ଥାପନ କରୁଥିବାବେଳେ ମୁଖ୍ୟମନ୍ତ୍ରୀ ସିଦ୍ଦରମେୟା ଏହା ଘୋଷଣା କରିଛନ୍ତି । ମୁଖ୍ୟମନ୍ତ୍ରୀ କହିଛନ୍ତି ଯେ ପିଲାମାନଙ୍କ ଉପରେ ମୋବାଇଲ ଫୋନ୍ ବ୍ୟବହାରର ପ୍ରତିକୂଳ ପ୍ରଭାବକୁ ରୋକିବା ପାଇଁ ତାଙ୍କ ସରକାର ଏଭଳି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛି । ଉଲ୍ଲେଖଯୋଗ୍ୟ, ଗତମାସରେ ବେଙ୍ଗାଲୁରୁରେ ଅନୁଷ୍ଠିତ କୁଳପତି ସମ୍ମିଳନୀରେ ସିଦ୍ଦରମେୟା ଏହି ପ୍ରସଙ୍ଗରେ ଆଲୋଚନା କରି କୁଳପତିଙ୍କ ମତାମତ ଲୋଡ଼ିଥିଲେ । ଆଲୋଚନା ସମୟରେ ସୋସିଆଲ ମିଡିଆର ମୋବାଇଲ ନିଶା, ଅନଲାଇନ ଗେମିଂ, ପିଲାମାନଙ୍କ ଶିକ୍ଷା, ଶାରୀରିକ ସୁସ୍ଥତା ଉପରେ ମୁଖ୍ୟମନ୍ତ୍ରୀ ଚିନ୍ତା ପ୍ରକଟ କରିଥିଲେ । ପୂର୍ବରୁ ଅଷ୍ଟ୍ରେଲିଆରେ ମଧ୍ୟ ସମାନ ନିୟମ ପୂର୍ବରୁ ଲଗାଯାଇଛି ।