୧.
ଆଜି ନୁହେଁ ସେପ୍ଟେମ୍ବର ୨୧ରେ ଅଛି ସୂର୍ଯ୍ୟପରାଗ, ୨୦୨୭ରେ ସମ୍ପୂର୍ଣ୍ଣ ପରାଗ
ଆଜି ସମ୍ପୂର୍ଣ୍ଣ ସୂର୍ଯ୍ୟପରାଗ ସଂଘଟିତ ହେବ ବୋଲି ସୋସିଆଲ ମିଡିଆରେ ହେଉଛି ପ୍ରଚାର । କୁହାଯାଉଛି ୬ ମିନିଟ ପାଇଁ ସୂର୍ଯ୍ୟ ଉଭେଇ ଯିବେ । କିନ୍ତୁ ଏହା ଗୁଜବ ବୋଲି କହିଛି ମହାକାଶ ଗବେଷଣା ସଂସ୍ଥା ନାସା । ଆଗାମୀ ସେପ୍ଟେମ୍ବର ୨୧ ତାରିଖରେ ସୂର୍ଯ୍ୟପରାଗ ହେବ । କିନ୍ତୁ ଏହା ସମ୍ପୂର୍ଣ୍ଣ ସୂର୍ଯ୍ୟପରାଗ ନୁହେଁ । ୨୦୨୭ ମସିହା ଅଗଷ୍ଟ ୨ ତାରିଖରେ ହେବ ସମ୍ପୂର୍ଣ୍ଣ ସୂର୍ଯ୍ୟପରାଗ । ୬ ମିନିଟ ୨୨ ସେକେଣ୍ଡ ପାଇଁ ସୂର୍ଯ୍ୟ ସମ୍ପୂର୍ଣ୍ଣ ଭାବେ ଉଭେଇ ଯିବ । ଏହା ହେବ ଶତାବ୍ଦୀର ସବୁଠାରୁ ଦୀର୍ଘ ସୂର୍ଯ୍ୟପରାଗ । ୧୯୯୧ ମସିହା ପରେ ପ୍ରଥମ ଥର ଏତେ ଦୀର୍ଘକାଳୀନ ସୂର୍ଯ୍ୟପରାଗ ହେବ । ଏହା ୧୧ଟି ଦେଶକୁ ଦୃଶ୍ୟମାନ ହେବ ।
….
୨.
ଅଗଷ୍ଟ ୧୬ରୁ ସେପ୍ଟେମ୍ବର ୧୪ ପର୍ଯ୍ୟନ୍ତ ସାଧାରଣଙ୍କ ପାଇଁ ଅମୃତ ଉଦ୍ୟାନ ଖୋଲା
ଦିଲ୍ଲୀର ଅମୃତ ଉଦ୍ୟାନ ସାଧାରଣ ଲୋକଙ୍କ ପାଇଁ ଆସନ୍ତା ୧୬ ତାରିଖରୁ ସେପ୍ଟେମ୍ବର ୧୪ ତାରିଖ ପର୍ଯ୍ୟନ୍ତ ଖୋଲା ରହିବ । ଉଦ୍ୟାନ ପ୍ରତ୍ୟେକ ଦିନ ପୂର୍ବାହ୍ନ ୧୦ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଖୋଲା ରହିବ । ସନ୍ଧ୍ୟା ୫ଟା ୧୫ ମିନିଟ ପରେ ପ୍ରବେଶ ମନା । ଅଗଷ୍ଟ ୨୯ ଜାତୀୟ କ୍ରୀଡ଼ା ଦିବସ ଏବଂ ସେପ୍ଟେମ୍ବର ୫ ତାରିଖ ଗୁରୁ ଦିବସରେ କ୍ରୀଡ଼ାବିତ ଓ ଶିକ୍ଷକମାନଙ୍କୁ ସ୍ୱତନ୍ତ୍ର ଭାବେ ପ୍ରବେଶ ଅନୁମତି ରହିଛି । ପ୍ରତ୍ୟେକ ସୋମବାର ରକ୍ଷଣାବେକ୍ଷଣ ପାଇଁ ଉଦ୍ୟାନ ବନ୍ଦ ରହିବ ।
……..
୩.
ଅଡ଼ୁଆରେ ରବର୍ଟ ଭଦ୍ରା, ଆସନ୍ତା ୨୮ରେ ହାଜର ହେବାକୁ କୋର୍ଟ ନୋଟିସ
ମନି ଲଣ୍ଡରିଂ ମାମଲାରେ ଅଡ଼ୁଆରେ ପଡ଼ିଛନ୍ତି ବ୍ୟବସାୟୀ ରବର୍ଟ ଭଦ୍ରା । କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧୀଙ୍କ ସ୍ୱାମୀ ରବର୍ଟ ଭଦ୍ରା । ଆସନ୍ତା ୨୮ ତାରିଖରେ ହାଜର ହେବାକୁ ଦିଲ୍ଲୀର ଏକ କୋର୍ଟ ତାଙ୍କୁ ନୋଟିସ କରିଛି । ମାମଲାର ଅନ୍ୟ ଅଭିଯୁକ୍ତମାନଙ୍କୁ ମଧ୍ୟ ନୋଟିସ କରିବାକୁ କୋର୍ଟ କହିଛନ୍ତି । ନିକଟରେ ପ୍ରବର୍ତ୍ତନ ନିଦେ୍ର୍ଦଶାଳୟ ବା ଇଡି ଏହି ମାମଲାରେ ଚାର୍ଜସିଟ ଦାଖଲ କରିଛି । ଚାର୍ଜସିଟରେ ୩ ଜଣ ବ୍ୟକ୍ତି ଏବଂ ୮ଟି କମ୍ପାନିର ନାମ ଉଲ୍ଲେଖ ଅଛି । ଭଦ୍ରାଙ୍କ ନାମରେ ଅନେକ ଗୁଡ଼ିଏ ମନି ଲଣ୍ଡରିଂ ମାମଲା ରହିଛି ।
………..
୪.
ଟ୍ରମ୍ପ କ୍ଷମତାକୁ ଆସିବା ପରେ ଦୈନିକ ଆମେରିକାରୁ ୮ ଭାରତୀୟ ନିର୍ବାସିତ ହେଉଛନ୍ତି
ଡୋନାଲଡ ଟ୍ରମ୍ପ ଆମେରିକାରେ ଦ୍ୱିତୀୟ ଥର କ୍ଷମତାକୁ ଆସିବା ପରେ ଭାରତୀୟଙ୍କ ନିର୍ବାସନ ଅଚାନକ ବୃଦ୍ଧି ପାଇଛି । ୨୦୨୦ ଜାନୁଆରୀରୁ ୨୦୨୪ ଡିସେମ୍ବର ମଧ୍ୟରେ ଦୈନିକ ହାରାହାରି ୩ ଜଣ ଭାରତୀୟ ନିର୍ବାସିତ ହେଉଥିଲେ । କିନ୍ତୁ ଚଳିତ ବର୍ଷ ଦୈନିକ ହାରାହାରି ୮ଜଣ ନିର୍ବାସିତ ହେଉଛନ୍ତି । ବିଦେଶ ବିଭାଗର ତଥ୍ୟ କହୁଛି, ୨୦୨୦ ଜାନୁଆରୀରୁ ୨୦୨୫ ଜୁଲାଇ ମଧ୍ୟରେ ୭ ହଜାର ୨୪୪ ଜଣ ଭାରତୀୟ ନିର୍ବାସିତ ହୋଇଛନ୍ତି । ଏମାନଙ୍କ ମଧ୍ୟରୁ ୧୭୦୩ ଜଣ ଟ୍ରମ୍ପ କ୍ଷମତାକୁ ଫେରିବା ପରେ ନିର୍ବାସିତ ହୋଇଛନ୍ତି । ଯେତେ ଭାରତୀୟ ନିର୍ବାସିତ ହୋଇଛନ୍ତି, ସେମାନଙ୍କ ମଧ୍ୟାୁ ୯୦% ୫ଟି ରାଜ୍ୟର ବାସିନ୍ଦା । ପଞ୍ଜାବର ୬୨୦, ହରିଆନାର ୬୦୪, ଗୁଜରାଟର ୨୪୫, ଉତ୍ତର ପ୍ରଦେଶର ୩୮ ଏବଂ ଗୋଆର ୨୬ ଜଣ ବାସିନ୍ଦା ରହିଛନ୍ତି ।
….
୫.
ପିଏମ୍ କିଷାନ ଯୋଜନା,ରାଜ୍ୟର ୩୫ ଲକ୍ଷ ଚାଷୀଙ୍କୁ ମିଳିଲା ୬୯୭ କୋଟି
ରାଜ୍ୟର ଚାଷୀଙ୍କୁ ମିଳିଲା ପିଏମ୍ କିଷାନ ସହାୟତା । ରାଜ୍ୟର ପ୍ରାୟ ୩୫ ଲକ୍ଷ ଚାଷୀ ପାଇଲେ ୬୯୭ କୋଟି ଟଙ୍କା । କୃଷି ଓ କୃଷକ ସଶକ୍ତିକରଣ ବିଭାଗ ପକ୍ଷରୁ ଶନିବାର ଆୟୋଜିତ ହୋଇଥିଲା ରାଜ୍ୟସ୍ତରୀୟ ପିଏମ୍ କିଷାନ ନିଧି କାର୍ଯ୍ୟକ୍ରମ । ଏଥିରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଚାଷୀମାନଙ୍କୁ ଏହି ଯୋଜନାର ୨୦ତମ କିସ୍ତି ପ୍ରଦାନ କରିଥିଲେ । ବାରାଣସୀରେ ଅନୁଷ୍ଠିତ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ୯.୭ କୋଟି ଚାଷୀଙ୍କୁ ୨୦ ହଜାର ୫୦୦ କୋଟି ଟଙ୍କା ପ୍ରଦାନ କରିଛନ୍ତି । ପ୍ରତ୍ୟେକ ଚାଷୀଙ୍କ ଆକାଉଣ୍ଟକୁ ୨ ହଜାର ଟଙ୍କା ଲେଖାଏ ଯାଇଛି । ଏହି କିସ୍ତି ଏପ୍ରିଲରୁ ଜୁଲାଇ ଅବଧି ପାଇଁ ଥିଲା । ଦେଶରେ ଏହି ଯୋଜନା ୨୦୧୯ରୁ ଆରମ୍ଭ ହୋଇଥିଲା । ପ୍ରତ୍ୟେକ ହିତାଧିକାରୀଙ୍କୁ ୪ ମାସ ବ୍ୟବଧାନରେ ବର୍ଷକୁ ୬ ହଜାର ଟଙ୍କା ପ୍ରଦାନ କରାଯାଇଆସୁଛି । ବର୍ତ୍ତମାନ ସୁଦ୍ଧା ମୋଟ୍ ୩.୬୯ ଲକ୍ଷ କୋଟି ଟଙ୍କା ଚାଷୀଙ୍କୁ ଦିଆଯାଇଛି ।
…….
୬.
ପୁଣି ବଢ଼ିଲା ରୁଷ-ଆମେରିକା ଉତ୍ତେଜନା, ଆଣବିକ ଯୁଦ୍ଧ ଭୟ
କିଛି ବର୍ଷ ପରେ ପୁଣି ଥରେ ରୁଷ-ଆମେରିକା ଉତ୍ତେଜନା ଶୀର୍ଷରେ ପହଞ୍ଚିଛି । ରୁଷ୍ ଉପକୂଳରେ ଦୁଇଟି ପରମାଣୁ ଶକ୍ତି ସମ୍ପନ୍ନ ବୁଡ଼ାହାଜାନ ମୁତୟନ ପାଇଁ ଡୋନାଲଡ ଟ୍ରମ୍ପ ନିଦେ୍ର୍ଦଶ ଦେଇଛନ୍ତି । ରୁଷର ପୂର୍ବତନ ପ୍ରଧାନମନ୍ତ୍ରୀ ଦିମିତ୍ରୀ ମେଦଭେଦେବଙ୍କ ଏକ ବିବୃତି ଯୋଗୁ ଏହି ଉତ୍ତେଜନା ସୃଷ୍ଟି ହୋଇଛି । ଟ୍ରମ୍ପ ଏହାକୁ ଚରମବାଣୀ ବୋଲି ଆଖ୍ୟା ଦେଇଛନ୍ତି । ୬୩ ବର୍ଷ ପୂର୍ବେ ଦୁଇ ଦେଶ ମଧ୍ୟରେ ଏଭଳି ଉତ୍ତେଜନା ଦେଖାଦେଇଥିଲା । ସେ ସମୟରେ କୁ୍ୟବା ଓ ଆମେରିକା ମଧ୍ୟରେ ତିକ୍ତତା ସୃଷ୍ଟି ହୋଇଥିଲା । ରୁଷ୍ କୁ୍ୟବାକୁ ସମର୍ଥନ କରି ସେଠାରେ ପରମାଣୁ ଅସ୍ତ୍ର ମୁତୟନ ପାଇଁ ଘୋଷଣା କରିଥିଲା । ପ୍ରାୟ ୯ ଦିନ ଧରି ସମଗ୍ର ବିଶ୍ୱ ପରମାଣୁ ଯୁଦ୍ଧ ଆଶଙ୍କାରେ ରହିଥିଲା ।
….
୭.
ପୂର୍ବତନ ଝାଡ଼ଖଣ୍ଡ ମୁଖ୍ୟମନ୍ତ୍ରୀ ଶିବୁ ସୋରେନଙ୍କ ସ୍ୱାସ୍ଥ୍ୟ ଅବସ୍ଥା ସଙ୍ଗଟାପନ୍ନ
ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ତଥା ଝାଡ଼ଖଣ୍ଡ ମୁକ୍ତିମୋର୍ଚ୍ଚା ନେତା ଶିବୁ ସୋରେନଙ୍କ ସ୍ୱାସ୍ଥ୍ୟ ଅବସ୍ଥା ସଙ୍କଟାପନ୍ନ ରହିଛି । ବିଗତ ପ୍ରାୟ ଏକ ମାସ ଧରି ସେ ଦିଲ୍ଲୀର ଶ୍ରୀ ଗଙ୍ଗାରାମ ହସପିଟାଲରେ ଚିକିତ୍ସିତ ହେଉଛନ୍ତି । କିଡନୀ ଜନିତ ରୋଗ ପାଇଁ ତାଙ୍କର ଚିକିତ୍ସା ଚାଲିଥିଲା । ଏବେ ତାଙ୍କୁ ଭେଣ୍ଟିଲେଟରରେ ରଖାଯାଇଥିବା ଡାକ୍ତରଖାନା ପକ୍ଷରୁ କୁହାଯାଇଛି । ୮୧ ବର୍ଷୀୟ ଶିବୁ ସୋରେନ ଝାଡ଼ଖଣ୍ଡ ମୁକ୍ତି ମୋର୍ଚ୍ଚା ଦଳ ଗଠନ କରିଥିଲେ । ସେ ୩୮ ବର୍ଷ ଧରି ଏହାର ମୁଖ୍ୟ ଥିଲେ ।
…
୮.
ଜମ୍ମୁରେ ସେନାର ପୁଣି ଏନକାଉଣ୍ଟର; ଜଣେ ଆତଙ୍କୀ ନିହତ
ଭାରତୀୟ ସେନା ପକ୍ଷରୁ ଜମ୍ମୁ କାଶ୍ମୀରରେ ଗୋଟିଏ ସପ୍ତାହ ମଧ୍ୟରେ ହୋଇଛି ୩ୟ ଏନ୍କାଉଣ୍ଟର । ଶୁକ୍ରବାର ରାତିରୁ କୁଲଗାମ ଜିଲ୍ଲା ଅନ୍ତର୍ଗତ ଅଖାଲ ଜଙ୍ଗଲରେ ଜାରି ରହିଥିବା ଏନ୍କାଉଣ୍ଟରେ ଜଣେ ଆତଙ୍କବାଦୀ ନିହତ ହୋଇଛି । ଏବେ ମଧ୍ୟ ୨ଜଣ ସେନାର ଘେରାବନ୍ଦୀ ମଧ୍ୟରେ ଫଶି ରହିଛନ୍ତି । ଏହାର ନାମ ‘ଅପରେସନ ଅଖାଲ’ ରଖାଯାଇଛି । ଭାରତୀୟ ସେନାର ଚିନାର କର୍ପସ ପକ୍ଷରୁ ଏହି ସୂଚନା ଦିଆଯାଇଛି । ଆତଙ୍କବାଦୀଙ୍କ ଉପସ୍ଥିତି ନେଇ ଭାରତୀୟ ସେନା ଗୁଇନ୍ଦା ସୂଚନା ପାଇଥିଲା । ଏହାପରେ ସର୍ଚ୍ଚ ଅପରେସନ ଆରମ୍ଭ ହୋଇଥିଲା । ପୂର୍ବରୁ ଗତ ଜୁଲାଇ ୨୮ରେ ହୋଇଥିବା ‘ଅପରେସନ ମହାଦେବ’ରେ ୩ କୁଖ୍ୟାତ ଆତଙ୍କୀ ନିପାତ ହୋଇଥିଲେ । ଯେଉଁଥିରେ ପହଲଗାମ ଆକ୍ରମଣର ମାଷ୍ଟରମାଇଣ୍ଡ ସୁଲେମାନ ଓରଫ୍ ମୁସା ଥିଲା । ଜୁଲାଇ ୩୦ରେ ‘ଅପରେସନ ଶିବଶକ୍ତି’ରେ ଆଉ ୨ ଆତଙ୍କୀଙ୍କ ମୃତୁ୍ୟ ହୋଇଥିଲା ।
…
୯.
ଟ୍ରମ୍ପଙ୍କ ଦାବିକୁ ଖଣ୍ଡନ; ରୁଷିଆଠୁ ତେଲ କିଣିବା ଜାରି ରଖିବ ଭାରତ
ଭାରତ ଉପରେ ୨୫ ପ୍ରତିଶତ ଶୁଳ୍କ ଲଗାଇବା ପରେ ଆମେରିକା ଓ ଭାରତ ମଧ୍ୟରେ ସମ୍ପର୍କ ଦିନକୁ ଦିନ ତିକ୍ତ ହେବାରେ ଲାଗିଛି । ଏହି ଶୁଳ୍କ ପ୍ରହାର ପରେ ଗଣମାଧ୍ୟମରେ ଚର୍ଚ୍ଚା ହେଉଥିଲା, ଭାରତୀୟ ତୈଳ କମ୍ପାନୀଗୁଡ଼ିକ ରୁଷିଆଠାରୁ ତେଲ କିଣିବା ବନ୍ଦ କରିଦେବେ । ଏଭଳି ରିପୋର୍ଟକୁ ନେଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ଖୁସି ବ୍ୟକ୍ତ କରିଥିଲେ । ଟ୍ରମ୍ପ କହିଥିଲେ, ‘ମୁଁ ଶୁଣୁଛି ରୁଷିଆଠାରୁ ଭାରତ ଆଉ ତେଲ କିଣିବ ନାହିଁ । ଏହି ଖବରର ସତ୍ୟାସତ୍ୟ କେତେ ରହିଛି ଜାଣିନାହିଁ । କିନ୍ତୁ ଭାରତର ଏହା ଏକ ଭଲ ପଦକ୍ଷେପ ।’ ତେବେ ଟ୍ରମ୍ପଙ୍କ ଏହି ଦାବିକୁ ଭାରତ ପକ୍ଷରୁ ଖଣ୍ଡନ କରାଯାଇଛ । ପୂର୍ବ ଭଳି ରୁଷିଆ ନିକଟରୁ ତେଲ କିଣିବା ଜାରି ରହିବ ବୋଲି ସରକାରଙ୍କ ସୂତ୍ରରୁ ଜଣାପଡ଼ିଛି । ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ ପୂର୍ବଭଳି ଭାରତୀୟ ତୈଳ କମ୍ପାନୀଗୁଡ଼ିକ ରୁଷ ଯୋଗାଣକାରୀଙ୍କ ନିକଟରୁ ତେଲ କିଣିବା ଜାରି ରଖିବେ । ’
…
୧୦.
ସନ୍ଥ ପ୍ରେମାନନ୍ଦଙ୍କୁ ମିଳିଲା ହତ୍ୟା ଧମକ
ବୃନ୍ଦାବନର ପ୍ରସିଦ୍ଧ ସନ୍ଥ ପ୍ରେମାନନ୍ଦ ମହାରାଜଙ୍କୁ ମିଳିଛି ହତ୍ୟା ଧମକ । ଜଣେ ଯୁବକ ସାମାଜିକ ଗଣମାଧ୍ୟମ ଫେସବୁକ୍ ଜରିଆରେ ହତ୍ୟା ଧମକ ଦେଇଛନ୍ତି । ନିକଟରେ ସନ୍ଥ ପ୍ରେମାନନ୍ଦ ଦେଇଥିବା ଏକ ବୟାନ ବେଶ୍ ଭାଇରାଲ ହୋଇଥିଲା । ଯେଉଁଥିରେ ସେ ଯୁବକମାନଙ୍କୁ ମର୍ଯ୍ୟାଦାବନ୍ତ ଓ ନୈତିକ ଜୀବନଯାପନ କରିବାକୁ ପରାମର୍ଶ ଦେଇଥିଲେ । ଏଥିସହ ସମାଜରେ ବଢ଼ିଚାଲିଥିବା ପ୍ରେମିକ-ପ୍ରେମିକା ସଂସ୍କୃତି ଉପରେ ମଧ୍ୟ ପ୍ରଶ୍ନ ଉଠାଇଥିଲେ । ଏହା ସମାଜ ପାଇଁ କ୍ଷତିକାରକ ବୋଲି ପ୍ରେମାନନ୍ଦ କହିଥିଲେ । ତାଙ୍କର ଏହି ବୟାନକୁ ନେଇ ବିବାଦ ଦେଖାଦେବା ସହ ମିଶ୍ରିତ ପ୍ରତିକ୍ରିୟା ପ୍ରକାଶ ପାଇଥିଲା । ପ୍ରେମାନନ୍ଦ ମହାରାଜଙ୍କୁ ଧମକ ମିଳିବ ପରେ ହିନ୍ଦୁ ସଂଗଠନଗୁଡ଼ିକ ମଧ୍ୟରେ ପ୍ରବଳ ଉତ୍ତେଜନା ପ୍ରକାଶ ପାଇଛି ।
….
୧୧.
ଭୋଟର ତାଲିକାରୁ ତେଜସ୍ୱୀଙ୍କ ନାମ କଟିଯିବା ଅଭିଯୋଗ; ଖଣ୍ଡନ କଲେ ଇସି
ବର୍ଷ ଶେଷ ଭାଗରେ ହେବ ବିହାର ବିଧାନସଭା ନିର୍ବାଚନ । ଏଥିପୂର୍ବରୁ ନିର୍ବାଚନ କମିଶନରଙ୍କ ପକ୍ଷରୁ ଡ୍ରାଫ୍ଟ ଭୋଟର ତାଲିକା ପ୍ରକାଶ ପାଇଛି । ତେବେ ବିହାର ବିଧାନସଭାର ବିରୋଧୀ ଦଳର ନେତା ତେଜସ୍ୱୀ ଯାଦବ ଦାବି କରିଥିଲେ, ତାଙ୍କ ନାମ ପ୍ରକାଶିିତ ତାଲିକାରେ ନାହିଁ । ଡ୍ରାଫ୍ଟ ଭୋଟର ତାଲିକାରେ ତାଙ୍କ ନାମ ନାହିଁ । ସେ ଆଗାମୀ ବିଧାନସଭା ନିର୍ବାଚନ କିଭଳି ଲଢ଼ିବେ । ତେବେ ତେଜସ୍ୱୀଙ୍କ ଏହି ଦାବିକୁ ମୁଖ୍ୟ ନିର୍ବାଚନ କମିଶନ ଖଣ୍ଡନ କରିଛନ୍ତି । ନିର୍ବାଚନ କମିଶନଙ୍କ ପକ୍ଷରୁ କୁହାଯାଇଛି ଯେ, ‘ଡ୍ରାଫ୍ଟ ତାଲିକାରେ ତାଙ୍କ ନାମ ୪୧୬ତମ ସ୍ଥାନରେ ରେକର୍ଡ କରାଯାଇଛି । ତେଣୁ ଭୋଟର ତାଲିକାରେ ନାମ ନ ଥିବା ଦାବି ସମ୍ପୂର୍ଣ୍ଣ ମିଥ୍ୟା ଓ ତଥ୍ୟଗତ ଭାବେ ଭୁଲ ।’ ବିହାରର ଚୂଡ଼ାନ୍ତ ଭୋଟର ତାଲିକା ସେପ୍ଟେମ୍ବର ୧ ରେ ପ୍ରକାଶିତ ହେବ ।
….
୧୨.
ଲକ୍ଷେ ଟପିଲା ସୁନା ଦର; ବଢ଼ିଲା ୧୫୩୦ ଟଙ୍କା
ସୁନା ପ୍ରିୟ ଭାରତୀୟଙ୍କ ଲାଗି ଚିନ୍ତା ବଢ଼ାଇଛି ଦାମ । ପୁଣିଥରେ ବଢ଼ିଛି ସୁନାର ଦାମ୍ । ଦର ବଢ଼ି ଏବେ ଲକ୍ଷେ ଟଙ୍କା ଟପିଛି । ସଦ୍ୟ ରିପୋର୍ଟ ମୁତାବକ, ଶନିବାର ୨୪ କ୍ୟାରେଟ ସୁନାର ଦାମ୍ ୧୦ ଗ୍ରାମ ପ୍ରତି ଏକ ଲକ୍ଷ ୧୩୫୦ ଟଙ୍କା ରହିଛି । ଯାହା ଶୁକ୍ରବାର ୯୯ ହଜାର ୮୨୦ ଟଙ୍କା ରହିଥିଲା । ଅର୍ଥାତ୍ ଦରରେ ୧୫୩୦ ଟଙ୍କା ବୃଦ୍ଧି ଘଟିଛି । ୨୨ କ୍ୟାରେଟ୍ ସୁନାର ଦାମରେ ମଧ୍ୟ ୧୪୦୦ ଟଙ୍କା ବଢ଼ିଛି । ଶୁକ୍ରବାର ୧୦ ଗ୍ରାମକୁ ୨୨ କ୍ୟାରେଟ ସୁନାର ଦାମ ୯୧ ହଜାର ୫୦୦ ଟଙ୍କା ଥିଲା । ଶନିବାର ଏଥିରେ ବୃଦ୍ଧି ଘଟି ୯୨ ହଜାର ୯୦୦ ଟଙ୍କାରେ ପହଞ୍ଚôଛି । ଏହାବାଦ୍ ୧୮ କ୍ୟାରେଟ ସୁନାର ଦାମ ୧୧୪୦ ଟଙ୍କା ବଢ଼ି ୭୪ ହଜାର ୮୭୦ ଟଙ୍କା ହୋଇଛି ।
…
୧୩.
ଗିରଫ ପରେ ମୁକୁଳିଲେ ପୂର୍ବତନ ବିଶ୍ୱଚାମ୍ପିଅନ ଶା’କାରୀ
ବିଶ୍ୱର ଜଣାଶୁଣା ମହିଳା ଧାବିକା ତଥା ପୂର୍ବତନ ବିଶ୍ୱ ଚାମ୍ପିଅନ ଶା’କାରୀ ରିଚାର୍ଡସନ ଗିରଫ ହୋଇଛନ୍ତି । ଘରୋଇ ହିଂସା ମାମଲାରେ ସେଟଲେ ବିମାନବନ୍ଦରରୁ ତାଙ୍କୁ ଗିରଫ କରାଯାଇଛି । ନିକଟରେ ୨୫ ବର୍ଷୀୟା ଶା’କାରୀ ଓ ତାଙ୍କ ପୁରୁଷ ବନ୍ଧୁଙ୍କ ମଧ୍ୟରେ କୌଣସି କଥାକୁ ନେଇ ଯୁକ୍ତିତର୍କ ହୋଇଥିଲା । ଏଥିରେ ଶା’କାରୀ ରାଗିଯାଇ ପୁରୁଷ ବନ୍ଧୁଙ୍କୁ ଠେଲି ଦେଇଥିଲେ । ଫଳରେ ସେ ଏକ ଖମ୍ବରେ ମାଡ଼ ହୋଇ ପଡ଼ିଯାଇଥିଲେ । ଏହି ଘଟଣାରେ ପୁଲିସ ଶା’କାରୀଙ୍କୁ ଗିରଫ କରିଥିଲା । କିନ୍ତୁ ଦିନକ ପରେ ଛାଡ଼ିଦେଇଥିବା ଆମେରିକା ଗଣମାଧ୍ୟମରୁ ଜଣାପଡ଼ିଛି । ଗତ ବର୍ଷ ଅନୁଷ୍ଠିତ ପ୍ୟାରିସ ଅଲିମ୍ପିକ୍ସର ୧୦୦ ମିଟର ରେସରେ ଶା’କାରୀ ରୌପ୍ୟ ପଦକ ଜିତିଥିଲେ ।
…..
୧୪.
ବଳାକ୍ରାର ମାମଲାରେ ପ୍ରଜ୍ୱଳ ରେବନ୍ନାଙ୍କୁ ଆଜୀବନ ଜେଲ୍
ଘରୋଇ ସହାୟିକାଙ୍କୁ ବଳାକ୍ରାର ମାମଲାରେ ଜେଡିଏସର ପୂର୍ବତନ ସାଂସଦ ପ୍ରଜ୍ୱଳ ରେବନ୍ନାଙ୍କୁ ଆଜୀବନ ଜେଲ୍ ଦଣ୍ଡାଦେଶ ହୋଇଛି । ରେବନ୍ନା ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବେଗୌଡ଼ାଙ୍କ ନାତି । ସ୍ୱତନ୍ତ୍ର କୋର୍ଟ ଶନିବାର ତାଙ୍କୁ ଦଣ୍ଡ ଶୁଣାଇଛନ୍ତି । ଏଥିସହ ରେବନ୍ନାଙ୍କ ଉପରେ କୋର୍ଟ ୧୦ ଲକ୍ଷ ଟଙ୍କାର ଜରିମାନା ଲଗାଇଛନ୍ତି । ଏହି ଅର୍ଥରୁ ପୀଡ଼ିତାଙ୍କୁ ୭ ଲକ୍ଷ ଟଙ୍କା ପ୍ରଦାନ କରିବାକୁ କୋର୍ଟ ନିଦେ୍ର୍ଦଶ ଦେଇଛନ୍ତି । ଦିନକ ତଳେ କୋର୍ଟ ତାଙ୍କୁ ଏହି ମାମଲାରେ ଦୋଷୀ ସାବ୍ୟସ୍ତ କରିଥିଲେ । ଗତବର୍ଷ ଏପି୍ରଲ ମାସରେ ଏହି ମାମଲା ସାମ୍ନାକୁ ଆସିଥିଲା । ରେବନ୍ନାଙ୍କ ପରିବାରର ଫାର୍ମ ହାଉସରେ କାମ କରୁଥିବା ୪୭ ବର୍ଷୀୟା ଜଣେ ମହିଳା ତାଙ୍କ ବିରୋଧରେ ବଳାକ୍ରାର ଅଭିଯୋଗ ଆଣିଥିଲେ ।
….
୧୫.
ଆମେରିକା ଅଧିକାରୀଙ୍କୁ କରାଚି ହୋଟେଲ ମନା
ଭାରତକୁ ଅଣଦେଖା କରି ପାକିସ୍ତାନ ସହ ଭାବ ବଢ଼ାଉଥିବା ଆମେରିକା ନିଜ ଅଧିକାରୀଙ୍କ ପାଇଁ ଏକ କଟକଣା ଜାରି କରିଛି । ପାକିସ୍ତାନ ସହର କରାଚିର ବିଳାସପୂର୍ଣ୍ଣ ହୋଟେଲଗୁଡ଼ିକୁ ନ ଯିବା ପାଇଁ ନିଜ ଅଧିକାରୀଙ୍କୁ ବାରଣ କରିଛି । ସୁରକ୍ଷା କାରଣରୁ ଆମେରିକା ଏହି ପଦକ୍ଷେପ ନେଇଛି । ଏହି ପ୍ରତିଷ୍ଠାନଗୁଡ଼ିକୁ ଟାର୍ଗେଟ୍ କରି ଆକ୍ରମଣ ହୋଇପାରେ ବୋଲି ଆମେରିକକୁ ଗୁଇନ୍ଦା ସୂଚନା ମିଳିଛି । ଏହାକୁ ଦୃଷ୍ଟିରେ ରଖି କରାଚିସ୍ଥିତ ଆମେରିକା ବାଣିଜି୍ୟକ ଦୂତାବାସ ପକ୍ଷରୁ ନିଜ ଅଧିକାରୀଙ୍କ ପାଇଁ ସୁରକ୍ଷା ଚେତାବନୀ ଜାରି କରଯାଇଛି । ଏହା ସହିତ କରାଚି ସହରର ହୋଟେଲରେ ଥିବା କାର୍ଯ୍ୟକ୍ରମଗୁଡ଼ିକୁ ଆମେରିକା ଦୂତାବାସ ବାତିଲ କରିଦେଇଛି । ଆଗକୁ ପର୍ଯ୍ୟଟନସ୍ଥଳୀ, ସପିଂ ମଲ୍, ରେଷ୍ଟୁରାଣ୍ଟ ଏବଂ ବଜାର ଅଞ୍ଚଳକୁ ନ ଯିବା ପାଇଁ ମଧ୍ୟ କଟକଣା ଲଗାଯାଇପାରେ।
…..
16.
ମୁହଁ ଖୋଲିଲେ ପ୍ରଜ୍ଞା ଠାକୁର; ମୋଦି, ଯୋଗୀଙ୍କୁ ଫସାଇବାକୁ ହୋଇଥିଲା ଷଡ଼ଯନ୍ତ୍ର
ମାଲେଗାଓଁ ବିସ୍ଫୋରଣ ମାମଲାରେ ଦୋଷମୁକ୍ତ ହୋଇଛନ୍ତି ପୂର୍ବତନ ବିଜେପି ସାଂସଦ ପ୍ରଜ୍ଞା ଠାକୁର । ଏବେ ସେ ଗଣମାଧ୍ୟମରେ ବଡ଼ ଅଭିଯୋଗ ଆଣିଛନ୍ତି । ସେ କହିଛନ୍ତି, ମାମଲାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଯୋଗୀ ଆଦିତ୍ୟନାଥ, ଆରଏସଏସ ମୁଖ୍ୟ ମୋହନ ଭାଗବତଙ୍କୁ ଫସାଇବାକୁ ହୋଇଥିଲା ଷଡ଼ଯନ୍ତ୍ର । ସେମାନଙ୍କ ନାମ ନେବାକୁ ତଦନ୍ତକାରୀ ଅଧିକାରୀ ଚାପ ପକାଇବାକୁ ଚେଷ୍ଟା କରିଥିଲେ । ଗତ ଗୁରୁବାର ଏନଆଇଏ କୋର୍ଟ ପ୍ରଜ୍ଞା ଠାକୁର ଓ ଲେଫ୍ଟନାଣ୍ଟ କର୍ଣ୍ଣେଲ ପ୍ରସାଦ ପୁରୋହିତଙ୍କୁ ଦୋଷମୁକ୍ତ କରିଥିଲେ । ଅନ୍ୟ ୫ ଜଣ ମଧ୍ୟ ଖଲାସ ହୋଇଥିଲେ । ଏହି ମାମଲାରେ ମୋଟ ୧୪ ଜଣ ଅଭିଯୁକ୍ତ ଥିଲେ ମଧ୍ୟ ଚାର୍ଜସିଟ ସମୟରେ ୭ ଜଣ ମୁକ୍ତ ହୋଇସାରିଥିଲେ ।
…
17.
ରାହୁଲଙ୍କୁ ରାଜନାଥଙ୍କ ତାଚ୍ଛଲ୍ୟ, ପାରୁଛ ଯଦି ପରମାଣୁ ବୋମା ଫୁଟାଅ
ବିହାରରେ ଭୋଟର ତାଲିକା ସଂଶୋଧନ ପ୍ରସଙ୍ଗରେ ନିର୍ବାଚନ କମିଶନଙ୍କୁ ଦିନେ ତଳେ ସମାଲୋଚନା କରିଥିଲେ ରାହୁଲ ଗାନ୍ଧୀ । କହିଥିଲେ, ଆମ ହାତରେ ପରମାଣୁ ବୋମା ଲାଗିଛି । ନିର୍ବାଚନ କମିଶନଙ୍କ କାରସାଦୀ ଆମେ ଧରିଛୁ । ତାହା ପ୍ରକାଶ କରିବା ମାତ୍ରେ ବୋମା ଫୁଟିବ । ଏହି ମନ୍ତବ୍ୟ ପାଇଁ ରାହୁଲଙ୍କୁ ତଳଚ୍ଛଲ୍ୟ କରିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ବିହାରରେ ଶନିବାର ଏକ ସଭାରେ କହିଛନ୍ତି, ରାହୁଲ ଗାନ୍ଧୀ ତୁରନ୍ତ ତାଙ୍କର ତଥାକଥିତ ପରମାଣୁ ବୋମା ଫୁଟାଇବା ଉଚିତ । କିନ୍ତୁ ସେ ନିଜକୁ ପ୍ରଥମେ ସୁରକ୍ଷିତ ରଖି ଏହାକୁ ଫୁଟାନ୍ତୁ । ପୂର୍ବରୁ ମଧ୍ୟ ରାହୁଲ ଗାନ୍ଧୀ ଏଭଳି ବୋମା ଫୁଟାଇବେ ବୋଲି ଦାବି କରି ବିଫଳ ହୋଇଛନ୍ତି ।
…
18.
ପାକିସ୍ତାନରେ ବିସ୍ଫୋରଣ; ୫ ଶିଶୁ ମୃତ, ୧୨ ଆହତ
ପାକିସ୍ତାନର ଖାଇବର ପ୍ରଦେଶ ଅନ୍ତର୍ଗତ ଲକ୍କି ମରୱତ ଜିଲ୍ଲାରେ ଶନିବାର ଏକ ବିସ୍ଫୋରଣ ହୋଇଛି । ରାସ୍ତା ପାଶ୍ୱର୍ରେ ପଡ଼ିଥିବା ଏକ ମୋର୍ଟାର ସେଲକୁ ନେଇ ପିଲାମାନେ ଖେଳୁଥିଲେ । ତାହା ବିସ୍ଫୋରଣ ହେବାରୁ ୫ ଜଣ ଛୋଟ ପିଲା ପ୍ରାଣ ହରାଇଛନ୍ତି ଏବଂ ଅନ୍ୟ ୧୨ ଜଣ ଗୁରୁତର ଆହତ ହୋଇଛନ୍ତି । ଆହତମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି । ସେମାନଙ୍କ ମଧ୍ୟରୁ ଅନେକଙ୍କ ଅବସ୍ଥା ସଂକଟାପନ୍ନ ରହିଛି । ବିସ୍ଫୋରଣ ପରେ ସଂପୃକ୍ତ ଅଞ୍ଚଳରେ ଆତଙ୍କ ଖେଳିଯାଇଥିଲା ।
..
19.
ଅହମ୍ମଦାବାଦ ପୁଲିସର ବିବାଦୀୟ ପୋଷ୍ଟର, ରାତିରେ ପାର୍ଟି ନ ଯିବାକୁ ମହିଳାଙ୍କୁ କହିଲା
ଅହମ୍ମଦାବାଦ ଟ୍ରାଫିକ ପୁଲିସର ଏକ ପୋଷ୍ଟର ସହରରେ ଚର୍ଚ୍ଚାର ବିଷୟ ହୋଇଛି । କେତେକ ମହଲରେ ଏହା ଅସନ୍ତୋଷ ମଧ୍ୟ ସୃଷ୍ଟି କରିଛି । ପୁଲିସ ଏକ ପୋଷ୍ଟର ମାରିଥିଲା, ଯେଉଁଥିରେ ଲେଖାଥିଲା ‘ବଳାକ୍ରାର ଭଳି ଘଟଣା ଏଡ଼ାଇବାକୁ ବିଳମ୍ବିତ ରାତିରେ ମହିଳାମାନେ ପାର୍ଟି ଯାଆନ୍ତୁ ନାହିଁ । ବନ୍ଧୁମାନଙ୍କ ସହ ଅନ୍ଧାରୁଆ ସ୍ଥାନକୁ ବି ଯାଆନ୍ତୁ ନାହିଁ ।” ପ୍ରବଳ ବିରୋଧ ହେବାରୁ ପୋଷ୍ଟର ଗୁଡ଼ିକୁ ରାସ୍ତାରୁ ହଟାଇ ନିଆଯାଇଛି । ତେବେ ପୁଲିସ କହିଛି, ଟ୍ରାଫିକ ସଚେତନତା ଦାୟିତ୍ୱ ନେଇଥିବା ଏକ ଏନଜିଓ ଏହି ପୋଷ୍ଟର ଲଗାଇଥିଲା । ଏଭଳି କାମ ପାଇଁ ସଂପୃକ୍ତ ସଂସ୍ଥାକୁ ତାଗିଦ କରାଯାଇଛି ।
…
20.
ଅସ୍ଥିର ବଜାର; ୮୦ ଡଲାର ଛୁଇଁବ ଅଶୋଧିତ ତୈଳ ଦର
ଆମେରିକା ଓ ରୁଷ ମଧ୍ୟରେ ଉତ୍ତେଜନା ଯୋଗୁ ବିଶ୍ୱ ବଜାରରେ ଅସ୍ଥିରତା ଦେଖାଦେଇଛି । ଏହି ଅସ୍ଥିରତା ଲାଗି ରହିଲେ ଆନ୍ତର୍ଜାତିକ ବଜାରରେ ଅଶୋଧିତ ତୈଳ ଦର ୮୦ ଡଲାର ଅତିକ୍ରମ କରିଯାଇପାରେ । ଯଦି ବେଶୀ ଦିନ ଏଭଳି ଅବସ୍ଥା ଲାଗି ରହିବ, ତେବେ ଦର ୧୨୦ ଡଲାର ହୋଇଯିବା ଅସମ୍ଭବ ନୁହେଁ । ବଜାର ବିଶେଷଜ୍ଞମାନେ ଏହି ଆଶଙ୍କା ପ୍ରକାଶ କରିଛନ୍ତି । ୟୁକ୍ରେନ ଯୁଦ୍ଧ ବନ୍ଦ କରିବାକୁ ଆମେରିକା ରୁଷ ପାଇଁ ସମୟ ଧାର୍ଯ୍ୟ କରିଛି । ଯଦି ରୁଷ ଏହାକୁ ଅମାନ୍ୟ କରେ ତେବେ ଆମେରିକା କଟକଣା ବଢ଼ାଇବ । ରୁଷରୁ ତେଲ କିଣୁଥିବା ଦେଶ ଗୁଡ଼ିକ ଉପରେ ଏହି କଟକଣା ଲାଗିବ । ଫଳରେ ଏହାର ପ୍ରଭାବ ଆନ୍ତର୍ଜାତିକ ବଜାରରେ ପଡ଼ିବା ନିଶ୍ଚିତ ବୋଲି କୁହାଯାଇଛି ।
…
21.
ଆଇବିପିଏସ ପକ୍ଷରୁ ବ୍ୟାଙ୍କରେ ନିଯୁକ୍ତି: ଓଡ଼ିଶାରେ ୨୪୯ଟି ପଦବୀ ପାଇଁ ଆବେଦନ ଆହ୍ୱାନ
ଇନଷ୍ଟିଚ୍ୟୁଟ୍ ଅଫ୍ ବ୍ୟାଙ୍କିଙ୍ଗ୍ ପର୍ସୋନେଲ ସିଲେକ୍ସନ (ଆଇବିପିଏସ) ପକ୍ଷରୁ ଗ୍ରାହକ ସେବା ସହଯୋଗୀ ପଦବୀ ପାଇଁ ବିଜ୍ଞପ୍ତି ପ୍ରକାଶ ପାଇଛି। ମୋଟ ପଦବୀ ସଂଖ୍ୟା ୧୦,୨୭୭ | ଏହା ଅଧୀନରେ ଓଡ଼ିଶାରେ ମୋଟ ୨୪୯ଟି ପଦବୀରେ ନିଯୁକ୍ତି ଦିଆଯିବ। ଏଥିପାଇଁ ଶିକ୍ଷାଗତ ଯୋଗ୍ୟତା ଯେକୌଣସି ବିଭାଗରେ ସ୍ନାତକ ରଖାଯାଇଛି। ପ୍ରାର୍ଥୀଙ୍କ ବୟସ ୦୧ ଅଗଷ୍ଟ ୨୦୨୫ ସୁଦ୍ଧା ୨୦ରୁ ୨୮ ବର୍ଷ ମଧ୍ୟରେ ହୋଇଥିବା ଆବଶ୍ୟକ। ୨୧ ଅଗଷ୍ଟ ୨୦୨୫ରେ ମଧ୍ୟରେ ଅନଲାଇନ ଆବେଦନ କରିପାରିବେ। ସାଧାରଣ ବର୍ଗଙ୍କ ପାଇଁ ଆବେଦନ ଫି’ ୮୫୦ ଟଙ୍କା ଏବଂ ଏସସି/ଏସଟି/ପିଡବ୍ଲ୍ୟୁବିଡି ପ୍ରାର୍ଥୀଙ୍କ ପାଇଁ ୧୭୫ ଟଙ୍କା ରହିଛି। ଇଚ୍ଛୁକ ପ୍ରାର୍ଥୀମାନେ ଆଇବିପିଏସର ଅଫିସିଆଲ୍ ୱେବସାଇଟ୍ ibps.in ମାଧ୍ୟମରେ ଅନଲାଇନ ଆବେଦନ କରିପାରିବେ।
……
22.
ଓରିଏଣ୍ଟାଲ୍ ଇନସୁରାନ୍ସରେ ନିଯୁକ୍ତି: ୫୦୦ ସହକାରୀ ପଦବୀ ପାଇଁ ଆବେଦନ ଆହ୍ୱାନ
ଦି ଓରିଏଣ୍ଟାଲ୍ ଇନସୁରାନ୍ସ କମ୍ପାନୀ ଲିମିଟେଡ୍ ପକ୍ଷରୁ ସହକାରୀ (ଆସିଷ୍ଟାଣ୍ଟ) ପଦବୀ ପାଇଁ ବିଜ୍ଞପ୍ତି ପ୍ରକାଶ ପାଇଛି। ଏହି ନିଯୁକ୍ତି ପ୍ରକ୍ରିୟାରେ ସମୁଦାୟ ୫୦୦ଟି ପଦବୀ ପୂରଣ କରାଯିବ। ଏହି ପଦବୀ ପାଇଁ ଶିକ୍ଷାଗତ ଯୋଗ୍ୟତା ଯେକୌଣସି ବିଷୟରେ ସ୍ନାତକ (ଗ୍ରାଜୁଏସନ୍) ରଖାଯାଇଛି। ପ୍ରାର୍ଥୀଙ୍କ ବୟସ ୩୧ ଜୁଲାଇ ୨୦୨୫ ସୁଦ୍ଧା ୨୧ରୁ ୩୦ ବର୍ଷ ମଧ୍ୟରେ ହୋଇଥିବା ଆବଶ୍ୟକ। ଅନଲାଇନ୍ ଆବେଦନ ପ୍ରକ୍ରିୟା ୦୨ ଅଗଷ୍ଟ ୨୦୨୫ରୁ ଆରମ୍ଭ ହୋଇ ୧୭ ଅଗଷ୍ଟ ୨୦୨୫ ପର୍ଯ୍ୟନ୍ତ ଚାଲିବ। ସାଧାରଣ ବର୍ଗର ପ୍ରାର୍ଥୀଙ୍କ ପାଇଁ ଆବେଦନ ଶୁଳ୍କ ୮୫୦ ଟଙ୍କା ଏବଂ ଏସସି/ଏସଟି/ପିଡବ୍ଲ୍ୟୁବିଡି ପ୍ରାର୍ଥୀଙ୍କ ପାଇଁ ୧୦୦ ଟଙ୍କା ଧାର୍ଯ୍ୟ କରାଯାଇଛି। ଇଚ୍ଛୁକ ପ୍ରାର୍ଥୀମାନେ କମ୍ପାନୀର ଅଫିସିଆଲ୍ ୱେବସାଇଟ୍ orientalinsurance.org.inରେ ଆବେଦନ କରିପାରିବେ। ଆବେଦନ କରୁଥିବା ରାଜ୍ୟର ଆଞ୍ଚଳିକ ଭାଷାରେ ଦକ୍ଷତା ଜରୁରୀ।
…
23.
goo.gl ଲିଙ୍କ୍କୁ ନେଇ ଗୁଗଲ୍ର ନୂଆ ଘୋଷଣା
ଗୁଗଲ୍ ନିଜର ପୁରୁଣା ୟୁଆର୍ ଏଲ୍ ସର୍ଟନର୍ ସେବା goo.glକୁ ନେଇ ଏକ ବଡ଼ ଘୋଷଣା କରିଛି। ପୂର୍ବରୁ ସମସ୍ତ ଲିଙ୍କ୍କୁ ୨୫ ଅଗଷ୍ଟ ୨୦୨୫ ସୁଦ୍ଧା ବନ୍ଦ କରିବାକୁ କମ୍ପାନୀ ନିଷ୍ପତ୍ତି ନେଇଥିଲା| କିନ୍ତୁ ଏବେ ଏହି ଯୋଜନାରେ ପରିବର୍ତ୍ତନ କରାଯାଇଛି। ନୂଆ ନିଷ୍ପତ୍ତି ଅନୁଯାୟୀ, କେବଳ ସେହି ଲିଙ୍କ୍ଗୁଡ଼ିକୁ ବନ୍ଦ କରାଯିବ, ଯାହା ଆଦୌ ବ୍ୟବହାର ହେଉନାହିଁ। ଯେଉଁ ଲିଙ୍କ୍ଗୁଡ଼ିକ ଏବେବି ସକ୍ରିୟ ଅଛି ଏବଂ ବ୍ୟବହାର ହେଉଛି, ତାହା ପୂର୍ବପରି କାମ କରିବ।
ଯଦି ଆପଣଙ୍କର କୌଣସି goo.gl ଲିଙ୍କ୍ ଅଛି, ତେବେ ତାକୁ ଖୋଲି ଯାଞ୍ଚ କରନ୍ତୁ। ଯଦି କୌଣସି ଚେତାବନୀ ବାର୍ତ୍ତା ଦେଖାଯାଏ, ତେବେ ସେହି ଲିଙ୍କ୍ଟି ବନ୍ଦ ହୋଇଯିବ। ଯଦି କୌଣସି ଚେତାବନୀ ନଆସେ, ତେବେ ଆପଣଙ୍କ ଲିଙ୍କ୍ ସୁରକ୍ଷିତ ଓ ଆଗକୁ ମଧ୍ୟ କାମ କରିବ।
…..
24.
ଦିଲ୍ଲୀ ଏମସ୍ ରେ ବଳଙ୍ଗା ପୀଡ଼ିତାଙ୍କ ମୃତୁ୍ୟ, ୩ ଯୁବକ ନିଆଁ ଲଗାଇ ଦେଇଥିଲେ
ଦୀର୍ଘ ୧୫ ଦିନ ମୃତୁ୍ୟ ସହ ଲଢ଼ି ହାରି ଯାଇଛନ୍ତି ବଳଙ୍ଗାର ନାବାଳିକା ପୀଡ଼ିତା । ଶନିବାର ଦିଲ୍ଲୀର ଏମସ୍ ରେ ଚିକିତ୍ସାଧୀନ ଅବସ୍ଥାରେ ମୃତୁ୍ୟ ହୋଇଯାଇଛି । ଜୁଲାଇ ୧୯ ତାରିଖରେ ପୁରୀ ଜିଲ୍ଲାର ବଳଙ୍ଗା ନିକଟ ବାୟାବର ଗ୍ରାମ ନଦୀ ବନ୍ଧ ତଳେ ହୋଇଥିଲା ଅଘଟଣ । ନାବାଳିକା ଜଣଙ୍କ ସମ୍ପର୍କୀୟଙ୍କ ଘରୁ ଫେରିବା ବେଳେ ତିନି ଜଣ ଯୁବକ ଅପହରଣ କରି ନେଇ ପେଟ୍ରୋଲ ଢାଳି ତାଙ୍କ ଦେହରେ ନିଆଁ ଲଗାଇ ଦେଇଥିଲେ । ଏ ନେଇ ନାବାଳିକା ନିଜେ ବୟାନ ଦେଇଥିଲେ । ତାଙ୍କୁ ସେହିଦିନ ଭୁବନେଶ୍ୱର ଏମସ ରେ ଭର୍ତ୍ତି କରାଯାଇଥିଲା । ୨୦ ତାରିଖରେ ଦିଲ୍ଲୀ ଏମସ କୁ ଏୟାରଲିଫ୍ଟ କରାଯାଇଥିଲା । ରାଜ୍ୟ ସରକାର ସବୁ ଖର୍ଚ୍ଚ ବହନ କରିଥିଲେ । ପୁଲିସ ଟିମ୍ ଦୁଇ ଥର ଦିଲ୍ଲୀ ଗସ୍ତ କରି ପୀଡ଼ିତାଙ୍କ ବୟନ ନେଇଥିଲା । କିନ୍ତୁ ଏ ପର୍ଯ୍ୟନ୍ତ ଏହି ଘଟଣାରେ କାହାରିକୁ ଗିରଫ କରାଯାଇନାହିଁ ।
…
25.
ଅମରନାଥ ଯାତ୍ରାରେ ସାମିଲ ହେଲେ ୪.୧ ଲକ୍ଷ ଭକ୍ତ, ସପ୍ତାହେ ପୂର୍ବରୁ ହେଲା ବନ୍ଦ
ଚଳିତ ବର୍ଷର ଅମରନାଥ ଯାତ୍ରାକୁ ଧାର୍ଯ୍ୟ ସମୟର ସପ୍ତାହେ ପୂର୍ବରୁ ବନ୍ଦ କରାଯାଇଛି । ଖରାପ ପାଗ, ଭୂସ୍ଖଳନ ଯୋଗୁ ଯାତ୍ରାକୁ ବନ୍ଦ ଘୋଷଣା କରିବାକୁ ପ୍ରଶାସନ ବାଧ୍ୟ ହୋଇଛି । ବର୍ଷା ଯୋଗୁ ଉଭୟ ପହଲଗାମ ଏବଂ ବାଲଟାଲ ରାସ୍ତାର ସ୍ଥିତି ଖରାପ ହୋଇଛି । ଏ ପର୍ଯ୍ୟନ୍ତ ୪.୧ ଲକ୍ଷ ଶ୍ରଦ୍ଧାଳୁ ବାବା ଅମରନାଥଙ୍କ ଦର୍ଶନ କରିଛନ୍ତି । ଏ ବର୍ଷ ଅମରନାଥ ଯାତ୍ରା ଗତ ଜୁଲାଇ ୩ ତାରିଖରେ ଆରମ୍ଭ ହୋଇଥିଲା ଏବଂ ଅଗଷ୍ଟ ୯ ତାରିଖରେ ଶେଷ ହେବା କଥା ।
…
26.
ଟ୍ରିବୁ୍ୟନାଲରେ ମହାନଦୀ ଜଳ ବିବାଦ ମାମଲା, ସେପ୍ଟେମ୍ବର ୬ରେ ପରବର୍ତ୍ତୀ ଶୁଣାଣି
ମହାନଦୀକୁ ନେଇ ଚାଲିଥିବା ଛତିଶଗଡ଼ ଓ ଓଡ଼ିଶା ବିବାଦର ସମାଧାନ ବାଟ ବାହାରିବ । ଦୁଇ ଦେଶର ମୁଖ୍ୟମନ୍ତ୍ରୀ ଏ ନେଇ ଆଲୋଚନା କରିଛନ୍ତି । ଉଭୟଙ୍କ ମଧ୍ୟରେ ପତ୍ର ବିନିମୟ ହୋଇଛି । ଏହି ସୂଚନା ଦେଇଛନ୍ତି ଆଡଭୋକେଟ ଜେନେରାଲ ପୀତାମ୍ବର ଆଚାର୍ଯ୍ୟ । ଅପରପକ୍ଷରେ ଟ୍ରିବୁ୍ୟନାଲରେ ଏହି ମାମଲାର ଶନିବାର ଶୁଣାଣି ହୋଇଥିଲା । ଶୁଣାଣି ଅବସରରେ ଏଜି ଟ୍ରିବୁ୍ୟନାଲଙ୍କୁ କହିଥିଲେ, ଓଡ଼ିଶା ମାମଲାର ଶାନ୍ତିପୂର୍ଣ୍ଣ ସମାଧାନ ଚାହୁଁଛି । ଉଭୟ ରାଜନୈତିକ ଓ ମୁଖ୍ୟ ଶାସନ ସଚିବଙ୍କ ସ୍ତରରେ ଉଦ୍ୟମ କରାଯାଉଛି । ମାମଲାର ପରବର୍ତ୍ତୀ ଶୁଣାଣି ସେପ୍ଟେମ୍ବର ୬ ତାରିଖରେ ହେବ । ସେହିଦିନ ନିଜ ପକ୍ଷ ରଖିବାକୁ ଉଭୟ ରାଜ୍ୟର ମୁଖ୍ୟ ଶାସନ ସଚିବଙ୍କୁ ଉପସ୍ଥିତ ରହିବାକୁ କୁହାଯାଇଛି ।
…
27.
ବଳଙ୍ଗା ପୀଡ଼ିତାଙ୍କ ଘଟଣାରେ ଅନ୍ୟ କାହାରି ସଂପୃକ୍ତି ନାହିଁ, କହିଲା ରାଜ୍ୟ ପୁଲିସ
ଶନିବାର ଦିଲ୍ଲୀର ଏମସ ରେ ବଳଙ୍ଗା ପୀଡ଼ିତାଙ୍କର ମୃତୁ୍ୟ ହୋଇଯାଇଛି । ଏହା ପରେ ରାଜ୍ୟ ପୁଲିସ ସୋସିଆଲ ମିଡିଆରେ ବଡ଼ ସୂଚନା ଦେଇଛି । ବଳଙ୍ଗା ପୀଡ଼ିତାଙ୍କ ଦେହରେ ନିଆଁ ଲଗାଇବା ଘଟଣାରେ ଅନ୍ୟ କାହାରି ସଂପୃକ୍ତି ନାହିଁ । ତଦନ୍ତରୁ ଏହା ଜଣାପଡ଼ିଛି । ତଦନ୍ତ ପ୍ରକ୍ରିୟା ଶେଷ ପର୍ଯ୍ୟାୟରେ ପହଞ୍ଚିଛି । ଏଭଳି ଦୁଃଖଦ ମୁହୂର୍ତ୍ତରେ କେହି ସମ୍ବେଦନଶୀଳ ମନ୍ତବ୍ୟ ନ ଦେବାକୁ ପୁଲିସ ଅନୁରୋଧ କରିଛି । ଉଲ୍ଲେଖଯୋଗ୍ୟ, ଏହି ମାମଲାର ତଦନ୍ତରେ ପୁଲିସକୁ କ୍ରାଇମବ୍ରାଞ୍ଚ ସହାୟତା କରୁଥିଲା । ଦିଲ୍ଲୀ ଏମସରେ ଦୁଇ ଥର ପୀଡ଼ିତାଙ୍କ ବୟାନ ମଧ୍ୟ ନିଆଯାଇଥିଲା । ଘଟଣା ପ୍ରଥମରୁ ପୀଡ଼ିତାଙ୍କ ବୟାନ ଥିଲା, ତିନି ଜଣ ଯୁବକ ତାଙ୍କୁ ଅପହରଣ କରି ପେଟ୍ରୋଲ ଢାଳି ନିଆଁ ଲଗାଇଥିଲେ । ଏବେ କିନ୍ତୁ ପୁଲିସର ତଥ୍ୟ ଭିନ୍ନ କିଛି କଥା କହୁଛି ।
…
28.
ସରକାରଙ୍କ ଘୋଷଣା: ସ୍କୁଲ ମଧ୍ୟାହ୍ନ ଭୋଜନରେ ଅଣ୍ଡା ନ ଖାଇଲେ ଫଳ ଦିଆଯିବ
ସ୍କୁଲ ଗୁଡ଼ିକରେ ମଧ୍ୟାହ୍ନ ଭୋଜନରେ ଛାତ୍ରଛାତ୍ରୀଙ୍କୁ ଅଣ୍ଡା ଦିଆଯାଉଛି ଖାଇବାକୁ । ଶିଶୁ ବାଟିକାରୁ ଦଶମ ଶ୍ରେଣୀ ପର୍ଯ୍ୟନ୍ତ ଏହାକୁ ଲାଗୁ କରାଯାଇଛି । ତେବେ ଅନେକ ଛାତ୍ରଛାତ୍ରୀ ଅଣ୍ଡା ବଦଳରେ ଶାକାହାରୀ ଭୋଜନ ପସନ୍ଦ କରୁଥିବା ସୂଚନା ମିଳିଥିଲା । ତେଣୁ ସରକାର ଏବେ ନିଷ୍ପତ୍ତି ନେଇଛନ୍ତି, ଯେଉଁମାନେ ଅଣ୍ଡା ନ ଖାଇବେ, ସେମାନଙ୍କୁ ସେହି ଅର୍ଥରେ ଉପଲବ୍ଧ ହେଉଥିବା ଫଳ ଖାଇବାକୁ ଦିଆଯିବ । ଏ ସମ୍ପର୍କରେ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ସମସ୍ତ ଜିଲ୍ଲା ଶିକ୍ଷାଧିକାରୀଙ୍କୁ ଚିଠି ଲେଖାଯାଇଛି ।
…..
29.
ଆଡଭୋକେଟ ଲାଇସେନ୍ସ ପାଇଁ କରିହେବ ଅନଲାଇନ ଆବେଦନ
ଆଡଭୋକେଟ ଲାଇସେନ୍ସ ପାଇବାକୁ ରାଜ୍ୟ ଆଇନଜୀବୀ ପରିଷଦରେ ଅନଲାଇନ ଆବେଦନ କରାଯାଇପାରିବ । ଏହି ବ୍ୟବସ୍ଥା ଲାଗୁ କରାଯାଇଥିବା କହିଛନ୍ତି ରାଜ୍ୟ ଆଇନଜୀବୀ ପରିଷଦ ସଚିବ ଯଯାତି କେଶରୀ ସାମନ୍ତସିଂହାର । ଏଥିପାଇଁ ପୂର୍ବରୁ ବିଭିନ୍ନ ଆଇନ ମହାବିଦ୍ୟାଳୟରୁ ସ୍ନାତକ ଉତ୍ତୀର୍ଣ୍ଣ ଛାତ୍ରଛାତ୍ରୀମାନେ ରାଜ୍ୟ ଆଇନଜୀବୀ ପରିଷଦକୁ ଆସୁଥିଲେ । ସେଠାରେ ସେମାନେ ଆଇନଜୀବୀ ପଂଜିକରଣ ଫର୍ମ ଦାଖଲ କରୁଥିଲେ । କିନ୍ତୁ ଏବେ ପରିଷଦ କାର୍ଯ୍ୟାଳୟକୁ ନ ଆସି ଅନଲାଇନ ଜରିଆରେ barcouncilofodisha.org ରେ ପଂଜିକରଣ ଫର୍ମ ଦାଖଲ କରିପାରିବେ । ସମ୍ପୂର୍ଣ୍ଣ ପ୍ରକ୍ରିୟାକୁ ଡିଜିଟାଇଜେସନ କରାଯାଇଥିବା ସେ କହିଛନ୍ତି ।
About the Author
