୧.
ସୋସିଆଲ ମିଡିଆରେ କେସ ବିବରଣୀର ପ୍ରଚାର କରୁଥିବା ଆଇନଜୀବୀଙ୍କୁ ବାର୍ ର କଟକଣା
ଦିଲ୍ଲୀ ବାର୍ କାଉନସିଲ ପକ୍ଷରୁ ଆଇନୀଜୀବୀ ମାନଙ୍କ ପାଇଁ ଏକ କଟକଣା ଜାରି କରାଯାଇଛି । ଅନେକ ଆଇନଜୀବୀ ସୋସିଆଲ ମିଡିଆରେ ସକ୍ରିୟ ଅଛନ୍ତି । ସେମାନେ ନିଜ ପେସା ସମ୍ପର୍କରେ ପ୍ରଚାର କରିବାକୁ ଯାଇ ବିଭିନ୍ନ କେସ୍ ର ବିବରଣୀ ଓ ଫଟୋଚିତ୍ର ଆଦି ପୋଷ୍ଟ କରୁଛନ୍ତି । ସୋସିଆଲ ମିଡିଆର ଯୁଗରେ ସେମାନେ ନିଜକୁ ଲିଗାଲ ଇନଫ୍ଲୁଏନ୍ସର ଭାବେ ପରିଚୟ ଦେଉଛନ୍ତି । ଏହା ବାର୍ କାଉନସିଲ ଅଫ ଇଣ୍ଡିଆର ଧାରା ୩୬ର ବିରୁଦ୍ଧାଚରଣ କରୁଛି । ଏହା ଆଇନଜୀବୀ ପେସାର ନୈତିକତା ଉପରେ ପ୍ରଶ୍ନ ସୃଷ୍ଟି କରୁଛି । ତେଣୁ ଏଭଳି କାର୍ଯ୍ୟରୁ ବିରତ ରହିବାକୁ ପାର୍ ପକ୍ଷରୁ ପରାମର୍ଶ ଦିଆଯାଇଛି । ଅନ୍ୟଥା କାର୍ଯ୍ୟାନୁଷ୍ଠାନର ଚେତାବନୀ ଦିଆଯାଇଛି ।
…
୨.
ସପ୍ତାହର ଗୋଟିଏ ଦିନ ହସ୍ତତନ୍ତ ପୋଷାକ ପିନ୍ଧିବାକୁ ରାଜ୍ୟବାସୀଙ୍କୁ ମୁଖ୍ୟମନ୍ତ୍ରୀଙ୍କ ଆହ୍ୱାନ
ଜାତୀୟ ହସ୍ତତନ୍ତ ଦିବସ-୨୦୨୫ ଉପଲକ୍ଷେ ସ୍ୱତନ୍ତ୍ର କାର୍ଯ୍ୟକ୍ରମ ‘ଏକତା’ ଗୁରୁବାର ଅନୁଷ୍ଠିତ ହୋଇଛି । ବଲିଉଡ ଅଭିନେତ୍ରୀ ଓଡ଼ିଶା ହସ୍ତତନ୍ତର ବ୍ରାଣ୍ଡ ଆମ୍ବାସଡର ଭାବେ କାର୍ଯ୍ୟକ୍ରମରେ ସାମିଲ ହୋଇଥିଲେ । ରାଜ୍ୟବାସୀ ପ୍ରତି ସପ୍ତାହରେ ଅନ୍ତତଃ ଗୋଟିଏ ଦିନ ହସ୍ତତନ୍ତ ପୋଷାକ ପିନ୍ଧିବାକୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆହ୍ୱାନ ଦେଇଥିଲେ । ୨୦୧୫ରେ ଜାତୀୟ ହସ୍ତତନ୍ତ ଦିବସ ପାଳନ ଆରମ୍ଭ ହୋଇଥିଲା । ଏହା ପରଠାରୁ ସମଗ୍ର ଦେଶରେ ୧ ଲକ୍ଷ ୫୦ କୋଟିର ହସ୍ତତନ୍ତ ସାମଗ୍ରୀ ବିକ୍ରି ହୋଇଛି । ଖଦି ଓ ହସ୍ତତନ୍ତ କ୍ଷେତ୍ରରେ ନିଯୁକ୍ତିରେ ୮୧ ପ୍ରତିଶତ ବୃଦ୍ଧି ହୋଇଛି । ରାଜ୍ୟର ୩୦ଟି ଜିଲ୍ଲାରେ ୧ ଲକ୍ଷ ୩୦ ହଜାର ବୁଣାକାର ଶ୍ରମିକ ସହାୟକ ନିଯୁକ୍ତ ହୋଇଛନ୍ତି ।
…
୩.
୧୦ଟି ବିଭାଗରେ ଖାଲି ଥିବା ୨୨,୮୯୬ ପୋଷ୍ଟରେ ନିଯୁକ୍ତି ପାଇଁ ମୁଖ୍ୟ ସଚିବଙ୍କ ନିଦେ୍ର୍ଦଶ
ରାଜ୍ୟର କେତେକ ବିଭାଗରେ ଖାଲି ଥିବା ପଦବୀ ଗୁଡ଼ିକରେ ତୁରନ୍ତ ନିଯୁକ୍ତି ପାଇଁ ମୁଖ୍ୟ ଶାସନ ସଚିବ ମନୋଜ ଆହୁଜା ନିଦେ୍ର୍ଦଶ ଦେଇଛନ୍ତି । ଆଗାମୀ ଅଗଷ୍ଟ ୩୧ ପୂର୍ବରୁ ଗ୍ରୁପ୍ ‘ସି’ ପଦବୀ ଗୁଡ଼ିକର ନିଯୁକ୍ତି ପ୍ରକ୍ରିୟା ଶେଷ କରିବାକୁ କୁହାଯାଇଛି । ବିଦ୍ୟାଳୟ ଓ ଗଣଶିକ୍ଷା ବିଭାଗରେ ସର୍ବାଧିକ ୮ ହଜାର ୩୫୮ ପଦବି ଫାଙ୍କା ଅଛି । ପଞ୍ଚାୟତରାଜ ବିଭାଗରେ ୪ ହଜାର ୪୨, ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗରେ ୩ ହଜାର ୬୭୭ ପଦବି ଫାଙ୍କା ପଡ଼ିଛି । ରାଜ୍ୟର ୧୦ଟି ବିଭାଗରେ ଏବେ ମୋଟ ୪୪ ହଜାର ୪୦୯ଟି ପଦବି ଖାଲିଥିବା ସରକାରୀ ଭାବେ ଜଣାପଡ଼ିଛି
…
୪.
ଚଳିତ ବର୍ଷ ଶେଷ ବେଳକୁ ଭାରତ ଆସିବାରନ୍ତି ରୁଷ ରାଷ୍ଟ୍ରପତି ପୁତିନ
ରୁଷ ରାଷ୍ଟ୍ରପତି ଭ୍ଲାଦିମିର ପୁତିନ ଭାରତ ଗସ୍ତରେ ଆସିପାରନ୍ତି । ବର୍ଷ ଶେଷ ବେଳକୁ ଗସ୍ତ ତାରିଖ ଧାର୍ଯ୍ୟ ହୋଇପାରେବ । ରୁଷ ଗସ୍ତରେ ଥିବା ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ଏହି ସୂଚନା ଦେଇଛନ୍ତି । ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପଙ୍କ ଭାରତ ବିରୋଧୀ ଆଭିମୁଖ୍ୟ ସମୟର ପୁତିନଙ୍କ ଗସ୍ତ ହେବ ବେଶ ଗୁରୁତ୍ୱପୂର୍ଣ୍ଣ । ପୁତିନ ଯଦି ଗସ୍ତରେ ଆସନ୍ତି ତେବେ ୟୁକ୍ରେନ ଯୁଦ୍ଧ ଆରମ୍ଭ ହେବା ପରେ ଏହା ହେବ ପ୍ରଥମ ଭାରତ ଗସ୍ତ । ୨୦୨୧ ଡିସେମ୍ବରରେ ପୁତିନ ଭାରତ ଗସ୍ତରେ ଆସିଥିଲେ । ୨୦୨୨ ଫେବ୍ରୁଆରୀ ରେ ଆରମ୍ଭ ହୋଇଥିଲା ୟୁକ୍ରେନ ଯୁଦ୍ଧ । କିଛିଦିନ ତଳେ ରୁଷ ବିଦେଶ ମନ୍ତ୍ରୀ ସର୍ଜେଇ ଲାଭରୋଭ ମଧ୍ୟ ପୁତିନଙ୍କ ସମ୍ଭାବ୍ୟ ଭାରତ ଗସ୍ତ ବାବଦରେ ସୂଚନା ଦେଇଥିଲେ ।
…
୫.
ଖୁବ ଶୀଘ୍ର ପୁତିନ-ଟ୍ରମ୍ପ ଭେଟ ହେବ, ଜେଲନସ୍କିଙ୍କୁ ମଧ୍ୟ ଭେଟିବେ ଟ୍ରମ୍ପ
ଶୀଘ୍ର ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ ଓ ରୁଷ ରାଷ୍ଟ୍ରପତି ଭ୍ଲାଦିମିର ପୁତିନ ପରସ୍ପରକୁ ଭେଟିବେ । ଉଭୟ କ୍ରେମଲିନ ଓ ହ୍ୱାଇଟ ହାଉସରୁ ଏ ନେଇ ସବୁଜ ସଙ୍କେତ ମିଳିଛି । କେଉଁ ସ୍ଥାନରେ ଏହି ଭେଟ ହେବ ତାହା ସ୍ଥିର ହୋଇପାରିଛି । ଏହା ଶୀଘ୍ର ପ୍ରକାଶ କରାଯିବ ବୋଲି କହିଛନ୍ତି ରୁଷର ବିଦେଶ ବ୍ୟାପାର ପରାମର୍ଶଦାତା ୟୁରି ଉଷାକୋଭ । ତେବେ ଏହି ବୈଠକରେ ୟୁକ୍ରେନ ରାଷ୍ଟ୍ରପତି ଭୋଷଲାଦିମିର ଜେଲେନସ୍କିଙ୍କୁ ସାମିଲ କରିବାକୁ ହ୍ୱାଇଟ ହାଉସ ପ୍ରସ୍ତାବ ଦେଇଥିଲା । ଏହାକୁ ରୁଷ ପକ୍ଷରୁ ପ୍ରତ୍ୟାଖ୍ୟାନ କରାଯାଇଛି । ତେଣୁ ଜେଲେନସ୍କିଙ୍କୁ ପରେ ଟ୍ରମ୍ପ ଭେଟିବାର କାର୍ଯ୍ୟକ୍ରମ ସ୍ଥିର ହୋଇପାରେ । ୟୁକ୍ରେନ ଯୁଦ୍ଧ ବନ୍ଦ କରିବାକୁ ଟ୍ରମ୍ପ ବାରମ୍ବାର ଉଭୟ ଦେଶ ଉପରେ ଚାପ ପକାଇ ଚାଲିଛନ୍ତି ।
…
6.
ଟ୍ରମ୍ପଙ୍କ ଶୁଳ୍କ ଘୋଷଣା ପରେ ଆହୁରି ଚମକୁଛି ସୁନା; ଦର ପୁଣି ବଢ଼ିଲା
ଆମେରିକା ରାଷ୍ଟ୍ରପତି ୨ଟି ପର୍ଯ୍ୟାୟରେ ଭାରତ ଉପରେ ୫୦ ପ୍ରତିଶ୍ରତ ଶୁଳ୍କ ଲଗାଇବା ପରେ ସୁନା ଦର ହୁ ହୁ ହୋଇ ବଢ଼ିବାରେ ଲାଗିଛି । ଯାହା ଗ୍ରାହକଙ୍କ ଲାଗି ଚିନ୍ତାର କାରଣ ପାଲଟିଛି । ଗୁରୁବାର ଦର ୨୨୦ ଟଙ୍କା ବଢ଼ିଥିବା ଦେଖିବାକୁ ମିଳିଛି । ଅଗଷ୍ଟ ୬ରେ ୨୪ କ୍ୟାରେଟ ସୁନା ଦର ୧୦ ଗ୍ରାମ ପ୍ରତି ଏକ ଲକ୍ଷ ୨୩୩୦ ଟଙ୍କା ଥିଲା । ଯାହା ଗୋଟିଏ ଦିନ ପରେ ବଢ଼ି ଏକ ଲକ୍ଷ ୨ ହଜାର ୫୫୦ରେ ପହଞ୍ଚôଛି । ସାଧାରଣ ଗ୍ରାହକଙ୍କ ପ୍ରଥମ ପସନ୍ଦ ୨୨ କ୍ୟାରେଟ୍ରେ ମଧ୍ୟ ୨୦୦ ଟଙ୍କା ବୃଦ୍ଧି ହୋଇଛି । ଅଗଷ୍ଟ ୭ରେ ଏହି ସୁନାର ମୂଲ୍ୟ ୧୦ ଗ୍ରାମକୁ ୯୪ ହଜାର ଟଙ୍କା ରହିଛି । ଯାହାକି ଦିନକ ତଳେ ୯୩ ହଜାର ୮୦୦ ଟଙ୍କା ଥିଲା । ୧୮ ଗ୍ରାମ ସୁନାରେ ମଧ୍ୟ ୧୬୦ ଟଙ୍କା ମୂଲ୍ୟ ବୃଦ୍ଧି ଘଟି ୭୬ ହଜାର ୯୧୦ ଟଙ୍କାରେ ପହଞ୍ଚôଛି ।
…
7.
ଜଷ୍ଟିସ ବର୍ମାଙ୍କୁ ଝଟକା; ସୁପ୍ରିମ କୋର୍ଟରେ ଆବେଦନ ଖାରଜ
ଆହ୍ଲାବାଦ ହାଇକୋର୍ଟର ବିଚାରପତି ଜଷ୍ଟିସ ଯଶବନ୍ତ ବର୍ମାଙ୍କୁ ସୁପି୍ରମ କୋର୍ଟରୁ ଝଟକା ଲାଗିଛି । ତାଙ୍କୁ ପଦରୁ ହଟାଇବା ନେଇ ଏକ ତିନି ଜଣିଆ ଆଭ୍ୟନ୍ତରୀଣ ତଦନ୍ତ କମିଟିର ରିପୋର୍ଟ ଓ ପୂର୍ବତନ ମୁଖ୍ୟ ବିଚାରପତି ସଞ୍ଜୀବ ଖାନ୍ନାଙ୍କ ଦ୍ୱାରା ହୋଇଥିବା ସୁପାରିସକୁ ଚ୍ୟାଲେଞ୍ଜ କରି ଜଷ୍ଟିସ ବର୍ମା ସୁପ୍ରିମ କୋର୍ଟରେ ଆବେଦନ କରିଥିଲେ । କିନ୍ତୁ ନ୍ୟାୟମୂର୍ତ୍ତି ଦୀପଙ୍କର ଦତ୍ତା ଓ ଏଜି ମସିହଙ୍କୁ ନେଇ ଗଠିତ ଖଣ୍ଡପୀଠ ବର୍ମାଙ୍କ ଆବେଦନକୁ ଖାରଜ କରିଦେଇଛନ୍ତି । ରାୟ ଶୁଣାଣି ସମୟରେ ସର୍ବୋଚ୍ଚ ଅଦାଲତ ଆବେଦନ ଉପରେ ଅନେକ ଗୁରୁତ୍ୱପୂର୍ଣ୍ଣ ପ୍ରଶ୍ନ ଉଠାଇଥିଲେ । ଜଷ୍ଟିସ ବର୍ମାଙ୍କୁ ସୁପ୍ରିମ କୋର୍ଟଙ୍କ ପକ୍ଷରୁ କୁହାଯାଇଥିଲା, ‘ଯଦି ଆପଣଙ୍କୁ ଏହି ପ୍ରକି୍ରୟା ଅବୈଧ ଲାଗୁଥିଲା ତେବେ ତୁମେ ଯାଞ୍ଚ ପ୍ରକ୍ରିୟାରେ କାହିଁକି ଭାଗନେଲ ନାହିଁ ।’
..
8.
ଟ୍ରମ୍ପଙ୍କୁ ମୋଦିଙ୍କ ଜବାବ; ଭାରତ କେବେ ସାଲିସ୍ କରିବ ନାହିଁ
ରୁଷ ସହ ତେଲ କାରବାର କରୁଥିବାରୁ କ୍ଷୁବ୍ଧ ହୋଇ ଡୋନାଲ୍ଡ ଟ୍ରମ୍ପ ଭାରତ ଉପରେ ଦୁଇଟି ପର୍ଯ୍ୟାୟରେ ୫୦ ପ୍ରତିଶତ ଶୁଳ୍କ ଲଗାଇଛନ୍ତି । ଫଳରେ ଭାରତ-ଆମେରିକା ସମ୍ପର୍କରେ ଘୋର ତିକ୍ତକା ସୃଷ୍ଟି ହୋଇଛି । ଏହାରି ଭିତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆମେରିକା ରାଷ୍ଟ୍ରପତିଙ୍କୁ କଡ଼ା ଜବାବ ଦେଇଛନ୍ତି । ନୂଆଦିଲ୍ଲୀରେ ସବୁଜ ବିପ୍ଲବର ଜନକ ଏମ୍.ଏସ୍. ସ୍ୱାମୀନାଥନ ଅନ୍ତର୍ଜାତୀୟ ସମ୍ମିଳନୀକୁ ସମ୍ବୋଧିତ କରି ମୋଦି କାହାରି ନାମ ନ ନେଇ ଆମେରିକାକୁ ତାଙ୍କର କଡ଼ା ପ୍ରତିକ୍ରିୟା ରଖିଛନ୍ତି । ମୋଦି କହିଛନ୍ତି, ‘ଆମ ପାଇଁ ଆମର କୃଷକମାନଙ୍କ ସ୍ୱାର୍ଥ ସର୍ବୋଚ୍ଚ ପ୍ରାଥମିକତା । ଭାରତ କେବେବି ଏହାର ଚାଷୀ, ପଶୁପାଳକ ଓ ମତ୍ସ୍ୟଜୀବୀ ଭାଇଭଉଣୀଙ୍କ ସ୍ୱାର୍ଥ ସହିତ ସାଲିସ କରିବ ନାହିଁ । ମୁଁ ଜାଣିଛି ବ୍ୟକ୍ତିଗତ ଭାବେ ମୋତେ ଏଥିଲାଗି ବହୁମୂଲ୍ୟ ଦେବାକୁ ପଡ଼ିପାରେ । କିନ୍ତୁ ମୁଁ ଏଥିଲାଗି ପ୍ରସ୍ତୁତ । ’
…
9.
ଖାଇକୁ ଗାଡ଼ି ଖସି ୩ ସିଆର୍ପିଏଫ୍ ଜବାନ ସହିଦ
ଜାମ୍ମୁ କାଶ୍ମୀରର ଉଦ୍ଧମପୁରରେ ସିଆରପିଏଫ୍ ଯବାନଙ୍କୁ ନେଇ ଯାଉଥିବା ଏକ ବସ୍ ନାଳକୁ ଖସିପଡ଼ିଛି । ଫଳରେ ୩ଜଣ ଯବାନଙ୍କ ମୃତୁ୍ୟ ଘଟିଥିବାବେଳେ ୧୫ରୁ ଊଦ୍ଧ୍ୱର୍ ଆହତ ହୋଇଛନ୍ତି । ଗୁରୁବାର ସକାଳ ୧୦ଟା ୩୦ରେ ବସନ୍ତ ଗଡ଼ରୁ ଏକ ଅପରେସନ ସାରି ଯବାନମାନେ ଫେରୁଥିବାବେଳେ ଏହି ଅଘଟଣ ଘଟିଛି । ସିଆର୍ପିଏଫ୍ ‘୧୮୭ ବାଟାଲିୟନ’ର ୨୩ଜଣ ଯବାନ ଗାଡ଼ିରେ ଥିଲେ । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଥିବାବେଳେ ସମସ୍ତ ଆହତଙ୍କୁ ସ୍ଥାନୀୟ ହସ୍ପିଟାରେ ଚିକିତ୍ସିତ କରାଯାଉଛି । ଉଦ୍ଧମପୁରର ଅତିରିକ୍ତ ଏସ୍ପି ସନ୍ଦୀପ ଭଟ୍ଟ ଏହି ସୂଚନା ଦେଇଛନ୍ତି । କେନ୍ଦ୍ରମନ୍ତ୍ରୀ ଜୀତେନ୍ଦ୍ର ସିଂହ ଏହି ଘଟଣାରେ ଦୁଃଖ ପ୍ରକାଶ କରିବା ସହିତ ପରିସ୍ଥିତି ଉପରେ ନଜର ରଖିଥିବା କହିଛନ୍ତି ।
..
10.
ଭାରତ ଉପରେ ପ୍ରଥମ ପର୍ଯ୍ୟାୟ ଶୁଳ୍କ ଲାଗୁ, ଟ୍ରମ୍ପଙ୍କ ଖୁସି ଦୁଇଗୁଣା
ଗତ ସପ୍ତାହରେ ଟ୍ରମ୍ପ ଭାରତ ପାଇଁ ଘୋଷଣା କରିଥିବା ୨୫ ପ୍ରତିଶତ ଶୁଳ୍କ ଗୁରୁବାର ଠାରୁ ଲାଗୁ ହୋଇଯାଇଛି । ବୁଧବାର ମଧ୍ୟରାତ୍ରରେ ଟ୍ରମ୍ପ ସାମାଜିକ ଗଣମାଧ୍ୟମରେ ଏକ ପୋଷ୍ଟ କରିଛନ୍ତି । ଯେଉଁଥିରେ ସେ ଉଲ୍ଲେଖ କରିଛନ୍ତି, ‘ଏହା ମଧ୍ୟରାତି୍ର । କୋଟି କୋଟି ଡଲାର ଏବେ ଆମେରିକାକୁ ପ୍ରବାହିତ ହେଉଛି ।’ ଏଥିପୂର୍ବରୁ ଅନ୍ୟ ଏକ ପୋଷ୍ଟରେ ଟ୍ରମ୍ପ କହିଥିଲେ, ବର୍ଷ ବର୍ଷ ଧରି ଆମେରିକାର ସୁଯୋଗ ନେଇଥିବା ଦେଶଗୁଡ଼ିକରୁ ବିପୁଳ ପରିମାଣର ଅର୍ଥ ଏବେ ପ୍ରବାହିତ ହେବ । ଗତ ସପ୍ତାହରେ ଟ୍ରମ୍ପ ବିଶ୍ୱର ପ୍ରାୟ ୭୦ଟି ରାଷ୍ଟ୍ର ଉପରେ ଶୁଳ୍କ ଲଗାଇଥିଲେ । ଏହିକ୍ରମରେ ରୁଷରୁ ତେଲ ଆମଦାନୀ କରୁଥିବାରୁ ଭାରତ ଉପରେ କ୍ଷୁବ୍ଧ ହୋଇ ଟ୍ରମ୍ପ ପ୍ରଥମେ ୨୫ ପ୍ରତିଶତ ଓ ପରେ ଅତିରିକ୍ତ ଆକାରରେ ଆଉ ୨୫ ପ୍ରତିଶତ ଶୁଳ୍କ ଲଗାଇଥିଲେ । ଭାରତ ଉପରେ ଅତିରିକ୍ତ ଶୁଳ୍କ ଅଗଷ୍ଟ ୨୭ରୁ ଲାଗୁ ହେବାର ରହିଛି ।
..
11.
ଅସଦୁଦ୍ଦିନଙ୍କ କଟାକ୍ଷ, ୫୬ ପ୍ରତିଶତ ଶୁଳ୍କ ଲାଗିଲେ ମୋଦି ଦେଖାଇବେ ୫୬ ଇଞ୍ଚର ଛାତି
ଟ୍ରମ୍ପ ଭାରତ ଉପରେ ୫୦ ପ୍ରତିଶତ ଶୁଳ୍କ ଲଗାଇଛନ୍ତି । ଅଲ୍ ଇଣ୍ଡିଆ ମଜଲିସ-ଏ-ଇତେହାଦ୍ଦୁଲ ମୁସଲିମ୍ ରାଷ୍ଟ୍ରୀୟ ଅଧ୍ୟକ୍ଷ ତଥା ସାଂସଦ ଅସଦୁଦ୍ଦିନ ଓୱେସି ଏହାକୁ ନେଇ ମୋଦିଙ୍କୁ ସମାଲୋଚନା କରିଛନ୍ତି । ସାମାଜିକ ଗଣମାଧ୍ୟମରେ ଓୱେସି ଲେଖିଛନ୍ତି, ‘ଟ୍ରମ୍ପଙ୍କ ଶୁଳ୍କ ବୃଦ୍ଧି ପାଇ ୫୦ ପ୍ରତିଶତରେ ପହଞ୍ଚôଛି । ପ୍ରଧାନମନ୍ତ୍ରୀ ଏହାକୁ ନେଇ କେବେ ଚିନ୍ତିତ ହେବେ । ବିଜେପିର ଶକ୍ତିଶାଳୀ ବ୍ୟକ୍ତିମାନେ ଏବେ କେଉଁଠି ବୋଲି ଓୱେସି ପ୍ରଶ୍ନ କରିଛନ୍ତି । ସେ ଆହୁରି ମଧ୍ୟ କହିଛନ୍ତି, ଗତଥର ମୁଁ ପଚାରିଥିଲି ଟ୍ରମ୍ପ ୫୬ ପ୍ରତିଶତ ଶୁଳ୍କ ଲଗାଇଲେ କ’ଣ ମୋଦି ତାଙ୍କ ୫୬ ଇଞ୍ଚର ଛାତି ଦେଖାଇବେ କି? ଟ୍ରମ୍ପ କିନ୍ତୁ ୫୦ ପ୍ରତିଶତରେ ଅଟକିଗଲେ । ବୋଧହୁଏ ସେ ଆମର ଅଣ-ଜୈବିକ ପ୍ରଧାନମନ୍ତ୍ରୀଙ୍କୁ ଭୟ କରୁଛନ୍ତି ବୋଲି ତାତ୍ସଲ୍ୟ କରି ଓୱ୍ସେି କହିଛନ୍ତି ।
..
12.
ବକ୍ସର ଲଭଲିନା ଆଣିଲେ ଗୁରୁତର ଅଭିଯୋଗ; ଆଇଓଏର ତଦନ୍ତ ଆରମ୍ଭ
ଭାରତର ଜଣାଶୁଣା ମହିଳା ବକ୍ସର ଲଭଲିନା ବୋରଗୋହେଁ ଗୁରୁତର ଅଭିଯୋଗ ଆଣିଛନ୍ତି । ଭାରତୀୟ ବକ୍ସିଂ ମହାସଂଘର କାର୍ଯ୍ୟନିର୍ବାହୀ ନିଦେ୍ର୍ଦଶକ ଅବସରପ୍ରାପ୍ତ କର୍ଣ୍ଣେଲ ଅରୁଣ ମଲିକଙ୍କ ନାମରେ ଅଭିଯୋଗ । ମହିଳାଙ୍କ ପ୍ରତି ଭେଦଭାଦ ଓ ଅସମ୍ମାନଜନକ ବ୍ୟବହାରର ଅଭିଯୋଗ ସେ ଆଣିଛନ୍ତି । ଗତ ଜୁଲାଇ ୮ରେ ଟାର୍ଗେଟ୍ ଅଲିମ୍ପିକ୍ସ ପୋଡିୟମ ତଥା ଟପ୍ସକୁ ନେଇ ବୈଠକ ହୋଇଥିଲା । ବୈଠକରେ ଅରୁଣ ତାଙ୍କ ପ୍ରତି ଅସମ୍ମାନଜନକ ବ୍ୟବହାର ପ୍ରଦର୍ଶନ କରିଥିଲେ । ଯାହା ଯୋଗୁ ଦୁଃଖିତ ଓ ନିରାଶ ହୋଇଥିଲେ । ଦୁଇ ପୃଷ୍ଠାର ଲିଖିତ ଏକ ଅଭିଯୋଗ ପତ୍ରରେ ଲଭଲିନା ଏହା କହିଛନ୍ତି । ଲଭଲିନା ଏହି ଅଭିଯୋଗ ପତ୍ରକୁ କ୍ରୀଡ଼ାମନ୍ତ୍ରୀ, ଟପ୍ସ ବିଭାଗ, ସାଇର ମହାନିଦେ୍ର୍ଦଶକ ଓ ବକ୍ସିଂ ମହାସଂଘକୁ ପଠାଇଛନ୍ତି । ଏହି ଘଟଣାରେ ଭାରତୀୟ ଅଲିମ୍ପିକ ସଂଘ ତଥା ଆଇଓଏ ତଦନ୍ତ ଆରମ୍ଭ କରିଛି ।
….
13.
ଏଚସିଏଲ ରେ ୧୬୭ ଆପ୍ରେଣ୍ଟିସ୍ ପଦବୀ ପାଇଁ ନିଯୁକ୍ତି ସୁଯୋଗ
ହିନ୍ଦୁସ୍ତାନ କପର୍ ଲିମିଟେଡ୍ (ଏଚସିଏଲ) ପକ୍ଷରୁ ବିଭିନ୍ନ ଟ୍ରେଡରେ ୧୬୭ଟି ଆପ୍ରେଣ୍ଟିସ୍ ପଦବୀ ପାଇଁ ଏକ ନିଯୁକ୍ତି ବିଜ୍ଞପ୍ତି ପ୍ରକାଶ ପାଇଛି। ଏହି ପଦବୀଗୁଡ଼ିକ ମଧ୍ୟରେ ଫିଟର୍, ଇଲେକ୍ଟ୍ରିସିଆନ୍, ୱେଲ୍ଡର୍, ଡିଜେଲ୍ ମେକାନିକ୍ ଭଳି ଅନେକ ଟ୍ରେଡ୍ ସାମିଲ ରହିଛି। ଆଇଟିଆଇ ପାସ୍ କରିଥିବା ୧୮ରୁ ୨୫ ବର୍ଷ ବୟସର ଯୋଗ୍ୟ ପ୍ରାର୍ଥୀମାନେ ଏଥିପାଇଁ ଆବେଦନ କରିପାରିବେ। ଏହାର ଅନଲାଇନ୍ ଆବେଦନ ପ୍ରକ୍ରିୟା ୭ ଅଗଷ୍ଟ ୨୦୨୫ରୁ ଆରମ୍ଭ ହୋଇସାରିଛି ଏବଂ ଆବେଦନର ଶେଷ ତାରିଖ ୨୭ ଅଗଷ୍ଟ ୨୦୨୫ ରହିଛି। ଇଚ୍ଛୁକ ପ୍ରାର୍ଥୀମାନେ ଅଧିକ ବିବରଣୀ ଓ ଆବେଦନ ପାଇଁ କମ୍ପାନୀର ଅଫିସିଆଲ୍ ୱେବସାଇଟ୍ hindustancopper.com କୁ ଭିଜିଟ କରନ୍ତୁ।
……
14.
ଆଇଓସିଏଲରେ ୪୭୫ ଆପ୍ରେଣ୍ଟିସ୍ ପଦବୀ ପାଇଁ ନିଯୁକ୍ତି ସୁଯୋଗ
ଇଣ୍ଡିଆନ୍ ଅଏଲ୍ କର୍ପୋରେସନ୍ ଲିମିଟେଡ୍ (ଆଇଓସିଏଲ) ପକ୍ଷରୁ ଏହାର ଦକ୍ଷିଣାଞ୍ଚଳ ପାଇଁ ୪୭୫ଟି ଆପ୍ରେଣ୍ଟିସ୍ ପଦବୀ ନିମନ୍ତେ ଏକ ନିଯୁକ୍ତି ବିଜ୍ଞପ୍ତି ପ୍ରକାଶ ପାଇଛି। ଏହି ପଦବୀଗୁଡ଼ିକ ଟ୍ରେଡ୍, ଟେକ୍ନିସିଆନ୍ ଏବଂ ଗ୍ରାଜୁଏଟ୍ ଆପ୍ରେଣ୍ଟିସ୍ ଭାବେ ରହିଥିବା ବେଳେ, ଆଇଟିଆଇ, ଡିପ୍ଲୋମା କିମ୍ବା ସ୍ନାତକ ଡିଗ୍ରୀ ହାସଲ କରିଥିବା ୧୮ରୁ ୨୪ ବର୍ଷ ବୟସର ଯୋଗ୍ୟ ପ୍ରାର୍ଥୀମାନେ ଆବେଦନ କରିପାରିବେ। ଆବେଦନ ପ୍ରକ୍ରିୟା ସମ୍ପୂର୍ଣ୍ଣ ଅନଲାଇନ୍ ରହିଛି, ଯାହା ୮ ଅଗଷ୍ଟ ୨୦୨୫ରୁ ଆରମ୍ଭ ହୋଇ ୫ ସେପ୍ଟେମ୍ବର ୨୦୨୫ ପର୍ଯ୍ୟନ୍ତ ଚାଲିବ। ଇଚ୍ଛୁକ ପ୍ରାର୍ଥୀମାନେ ଅଧିକ ବିବରଣୀ ଏବଂ ଆବେଦନ ପାଇଁ ଆଇଓସିଏଲର ଅଫିସିଆଲ୍ ୱେବସାଇଟ୍ iocl.com ପରିଦର୍ଶନ କରିପାରିବେ।
…..
15.
ଉଦଳା ମହାବିଦ୍ୟାଳୟରେ ୧୨ଟି ପଦବୀ ପାଇଁ ନିଯୁକ୍ତି ସୁଯୋଗ
ମୟୂରଭଞ୍ଜ ଜିଲ୍ଲାର ଉଦଳା ମହାବିଦ୍ୟାଳୟ ପକ୍ଷରୁ ୧୨ଟି ବିଭିନ୍ନ ପଦବୀ ପାଇଁ ଏକ ନିଯୁକ୍ତି ବିଜ୍ଞପ୍ତି ପ୍ରକାଶ ପାଇଛି। ଏହି ପଦବୀଗୁଡ଼ିକ ମଧ୍ୟରେ ୬ଟି ଅଧ୍ୟାପକ, ୪ଟି ପ୍ରଦର୍ଶକ ଏବଂ ୨ଟି ହଷ୍ଟେଲ କର୍ମଚାରୀ ପଦ ସାମିଲ ରହିଛି। ଅଧ୍ୟାପକ ପଦବୀ ପାଇଁ ସ୍ନାତକୋତ୍ତରରେ ସର୍ବନିମ୍ନ ୫୫% ନମ୍ବର, ପ୍ରଦର୍ଶକ ପାଇଁ ବିଜ୍ଞାନରେ ସ୍ନାତକ (ବି.ଏସସି.) ଏବଂ ହଷ୍ଟେଲ କର୍ମଚାରୀ ପାଇଁ ଓଡ଼ିଆ ପଢ଼ି ଓ ଲେଖି ପାରିବାର ଯୋଗ୍ୟତା ଆବଶ୍ୟକ। ଇଚ୍ଛୁକ ଓ ଯୋଗ୍ୟ ପ୍ରାର୍ଥୀମାନେ କୌଣସି ଆବେଦନ ନକରି ସିଧାସଳଖ ଆସନ୍ତା ୧୪ ଅଗଷ୍ଟ ୨୦୨୫ ତାରିଖରେ ହେବାକୁ ଥିବା ୱାକ୍-ଇନ୍-ଇଣ୍ଟରଭ୍ୟୁରେ ଯୋଗ ଦେଇପାରିବେ। ଏ ସମ୍ବନ୍ଧରେ ଅଧିକ ବିବରଣୀ ପାଇଁ ଅଫିସିଆଲ୍ ୱେବସାଇଟ୍ mayurbhanj.odisha.gov.inକୁ ଭିଜିଟ କରନ୍ତୁ।
…
16.
ଟେନିସ ଇତିହାସରେ ସର୍ବାଧିକ; ୟୁଏସ୍ ଓପନ୍ ବିଜେତାଙ୍କୁ ମିଳିବ ରେକର୍ଡ ୪୩.୭୫ କୋଟି
ଟେନିସ ଇତିହାସରେ ରେକର୍ଡ ପୁରସ୍କାର ରାଶି ପ୍ରଦାନ ନେଇ ୟୁଏସ୍ ଓପନ୍ ଆୟୋଜକ ଘୋଷଣା କରିଛନ୍ତି । ବର୍ଷର ଅନ୍ତିମ ତଥା ୪ର୍ଥ ଗ୍ରାଣ୍ଡସ୍ଲାମ ୟୁଏସ୍ ଓପନ୍ ଅଗଷ୍ଟ ୨୪ରୁ ଆରମ୍ଭ ହେବ । ଏହି ମେଗା ଟୁର୍ଣ୍ଣାମେଣ୍ଟରେ ଏଥର ମୋଟ୍ ୭ଶହ ୮୭ କୋଟି ୭୩ ଲକ୍ଷ ଟଙ୍କା ପୁରସ୍କାର ପ୍ରଦାନ କରାଯିବ । ଗତବର୍ଷ ୬ ଶହ ୫୬ କୋଟି ୩୮ ଲକ୍ଷ ଟଙ୍କା ଥିଲା । ଏଥର ମୋଟ୍ ପୁରସ୍କାର ରାଶିରେ ୨୦ ପ୍ରତିଶତ ବୃଦ୍ଧି କରାଯାଇଛି । ସେହିଭଳି ଏହି ବର୍ଷ ୟୁଏସ୍ ଓପନ୍ର ପୁରୁଷ ଓ ମହିଳା ସିଙ୍ଗଲ୍ସ ଚାମ୍ପିଅନଙ୍କୁ ୪୩ କୋଟି ୭୫ ଲକ୍ଷ ଟଙ୍କା ପୁରସ୍କାର ଦିଆଯିବ । ୨୦୨୪ରେ ଏହି ରାଶି ୩୧ କୋଟି ୫୦ ଲକ୍ଷ ଟଙ୍କା ଥିଲା । ଚଳିତ ବର୍ଷ ୱିମ୍ବଲଡନରେ ମୋଟ୍ ୪ ଶହ ୬୮ କୋଟି ଟଙ୍କା ପୁରସ୍କାର ରାଶି ରହିଥିଲା । ୱିମ୍ବଲଡନରେ ଚାମ୍ପିଅନଙ୍କୁ ୨୬.୨୫ କୋଟି ଟଙ୍କା ପୁରସ୍କାର ମିଳିଥିଲା ।
…
17.
ନିର୍ବାଚନ କମିଶନଙ୍କ ପାଇଁ ରାହୁଲଙ୍କ ପ୍ରଶ୍ନ, କର୍ଣ୍ଣାଟକରେ ଭୋଟ ଚୋରିର ଉଦାହରଣ ଦେଲେ
ପୁଣି ଥରେ ନିର୍ବାଚନ କମିଶନଙ୍କୁ ଟାର୍ଗେଟ କରିଛନ୍ତି ରାହୁଲ ଗାନ୍ଧୀ । କର୍ଣ୍ଣାଟକରେ ଭୋଟ ଚୋରି ହୋଇଥିବା ପ୍ରସଙ୍ଗ ଉଠାଇଛନ୍ତି । ଟିଭି ସ୍କ୍ରିନରେ ୨୨ ପୃଷ୍ଠାର ତଥ୍ର ପ୍ରଦର୍ଶନ କରିଛନ୍ତି । ପ୍ରଦର୍ଶିତ ତାଲିକାରେ ବହୁ ଜାଲ୍ ଭୋଟର ଥିବା ଦାବି କରିଛନ୍ତି । ଦିଲ୍ଲୀର ଇନ୍ଦିରା ଭବନରେ ଘଣ୍ଟାଧିକ କାଳ ସାମ୍ବାଦିକ ସମ୍ମିଳନୀରେ ସେ ଏହି ତଥ୍ୟ ଦେଖାଇଛନ୍ତି । ମହାରାଷ୍ଟ୍ରରେ ମଧ୍ୟ ଅନେକ ରହସ୍ୟମୟ ଭୋଟର ଥିବା କହିଛନ୍ତି । ମହାରାଷ୍ଟ୍ରରେ ୪୦ ଲକ୍ଷ ରହସ୍ୟମୟ ଭୋଟର ସୃଷ୍ଟି ହୋଇଛନ୍ତି । ମାତ୍ର ୫ ମାସରେ ଏ ସବୁ ଭୋଟରଙ୍କ ନାମ ସୃଷ୍ଟି ହୋଇଥିଲା । ଆୟୋଗଙ୍କୁ ମାଗିଲେ ଇଲେକ୍ଟ୍ରୋନିକ୍ସ ଡାଟା ଦେଉନାହାନ୍ତି । ଏ ସମ୍ପର୍କରେ କମିଶନ ଜବାବ ମଧ୍ୟ ଦେଉନାହାନ୍ତି ।
…
18.
ରାହୁଲଙ୍କ ତଥ୍ୟ ମାଗିଲେ କର୍ଣ୍ଣାଟକ ନିର୍ବାଚନ କମିଶନ, ଭୁଲ ତଥ୍ୟ ଥିଲେ କାର୍ଯ୍ୟାନୁଷ୍ଠାନ
ତ୍ରୁଟିପୂର୍ଣ୍ଣ ଭୋଟର ତାଲିକା ପ୍ରସଙ୍ଗରେ ରାହୁଲ ଗାନ୍ଧୀଙ୍କୁ ତଥ୍ୟ ମାଗିଛନ୍ତି କର୍ଣ୍ଣାଟକ ନିର୍ବାଚନ କମିଶନ । ଭୋଟର ତାଲିକାରେ ଦୃଷ୍ଟିକୁ ଆସିଥିବା ସମସ୍ତ ତ୍ରୁଟିକୁ ତଥ୍ୟ ସହ ଦାଖଲ କରିବାକୁ କୁହାଯାଇଛି । କିଛି ତ୍ରୁଟି ଥିଲେ ସେଥିପାଇଁ କାର୍ଯ୍ୟାନୁଷ୍ଠାନ କରାଯିବ । ଏ ନେଇ ରାହୁଲଙ୍କୁ ସତ୍ୟପାଠ ଦାଖଲ କରିବାକୁ ପଡ଼ିବ । ସତ୍ୟପାଠରେ ରାହୁଲଙ୍କୁ ଏହା ଉଲ୍ଳେଖ କରିବାକୁ ପଡ଼ିବ ଯେ, ସେ ଦାଖଲ କରିଥିବା ତଥ୍ୟରେ ତ୍ରୁଟିଥିଲେ ଆଇନଗତ କାର୍ଯ୍ୟାନୁଷ୍ଠାନ ହୋଇପାରିବ । ଶୁକ୍ରବାର ଏଥିପାଇଁ କମିଶନ ରାହୁଲଙ୍କୁ ସମୟ ଦେଇଛନ୍ତି ।
…
19.
ଏସିଆ କପ୍ ଓ ୱେଷ୍ଟଇଣ୍ଡିଜ ସିରିଜରୁ ବାଦ୍ ପଡ଼ିପାରନ୍ତି ରିଷଭ ପନ୍ତ
ଆହତ ଅଛନ୍ତି ଟିମ୍ ଇଣ୍ଡିଆର ୱିକେଟକିପର ବ୍ୟାଟ୍ସମ୍ୟାନ ରିଷଭ ପନ୍ତ । ଆସନ୍ତା ସେପ୍ଟେମ୍ବର ମାସରେ ହେବାକୁ ଥିବା ଏସିଆ କପ୍ ଏବଂ ଅକ୍ଟୋବରରେ ହେବାକୁ ଥିବା ୱେଷ୍ଟଇଣ୍ଡିଜ ସିରିଜରୁ ସେ ବାଦ ପଡ଼ିପାରନ୍ତି । ମାଞ୍ଚେଷ୍ଟରରେ ଇଂଲଣ୍ଡ ବିପକ୍ଷରେ ଚତୁର୍ଥ ଟେଷ୍ଟ ଖେଳୁଥିବା ସମୟରେ ସେ ଆହତ ହୋଇଥିଲେ । ଦ୍ରୁତ ବୋଲର କ୍ରିସ ଓକ୍ସଙ୍କୁ ଏକ ବଲ ତାଙ୍କ ଜୋତାରେ ବାଜିଥିଲା । ଏହା ତାଙ୍କ ପାଦର ଆଙ୍ଗୁଠିକୁ ଭାଙ୍ଗି ଦେଇଛି । ପ୍ରାୟ ୬ ସପ୍ତାହ ପାଇଁ ତାଙ୍କୁ ପଡ଼ିଆ ମନା ହୋଇଛି । ଇଂଲଣ୍ଡରେ ପନ୍ତଙ୍କ ପ୍ରଦର୍ଶନ ବହୁତ ଭଲ ଥିଲା । ସେ ଦୁଇଟି ଶତକ ଓ ଦୁଇଟି ଅର୍ଦ୍ଧଶତକ କରିଥିଲେ । ଭାରତ ଅକ୍ଟୋବରରେ ଘରୋଇ ୱେଷ୍ଟ ଇଣ୍ଡିଜ ବିପକ୍ଷରେ ୨ଟି ଟେଷ୍ଟ ମ୍ୟାଚ ଖେଳିବ ।
…
20.
କାନାଡ଼ାରେ ପୁଣି କପିଲ ଶର୍ମାଙ୍କ ରେଷ୍ଟୁରାଣ୍ଟ ଉପରେ ଆଖିବୁଜା ଗୁଳିମାଡ଼
କମେଡି କିଙ୍ଗ କପିଲ ଶର୍ମାଙ୍କ ରେଷ୍ଟୁରାଣ୍ଟ ଉପରେ ପୁଣି ଥରେ ଗୁଳିମାଡ଼ ହୋଇଛି । କାନାଡ଼ାର ସରେ ସହରର ସ୍କଟ ରୋଡରେ ଅଛି ଏହି ରେଷ୍ଟୁରାଣ୍ଟ । ଗୁରୁବାର ସକାଳେ କେହି ଦୁର୍ବୃତ୍ତ ଆଖିବୁଜା ଗୁଳିମାଡ଼ କରିଥିଲା । ଗୁଳି ଶବ୍ଦରେ ସ୍ଥାନୀୟ ଲୋକଙ୍କ ନିଦ ଭାଙ୍ଗି ଯାଇଥିଲା । ରେଷ୍ଟୁରାଣ୍ଟ କାଚ ଭାଙ୍ଗିଯାଇଥିଲା । ଅତି କମରେ ୬ଟି ଗୁଳିମାଡ଼ ଦେଖିବାକୁ ମିଳିଥିଲା । ପୁଲିସ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ ମଧ୍ୟ କାହାକୁ ଗିରଫ କରାଯାଇନାହିଁ । ଜୁଲାଇ ମାସ ପ୍ରଥମ ସପ୍ତାହରେ ଏହି ରେଷ୍ଟୁରାଣ୍ଟ ଉପରେ ଉଦଘାଟନ ପରେ ପରେ ମଧ୍ୟ ଗୁଳିମାଡ଼ ହୋଇଥିଲା । ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ ଗୋଷ୍ଠୀ ଏଥିପାଇଁ ନିଜକୁ ଦାୟୀ କରିଥିଲା ।
…
21.
ଇଡିକୁ ପୁଣି ଭର୍ତ୍ସନା କଲେ ସୁପ୍ରିମକୋର୍ଟ, କହିଲେ ଦଣ୍ଡହାର ମାତ୍ର ୧୦ ପ୍ରତିଶତ
ଏକ ମାମଲାରେ ଗୁରୁବାର ସୁପ୍ରିମକୋର୍ଟ ପ୍ରବର୍ତ୍ତନ ନିଦେ୍ର୍ଦଶାଳୟ ବା ଇଡିକୁ ତୀବ୍ର ଭର୍ତ୍ସନା କରିଛନ୍ତି । ଜଷ୍ଟିସ ସୂର୍ଯ୍ୟାକନ୍ତ , ଜଷ୍ଟିସ ଉଜ୍ଜଳ ଭୂୟାଁ ଏବଂ ଜଷ୍ଟିସ ଏନ. କୋଟିଶ୍ୱର ସିଂଙ୍କ ଖଣ୍ଡପୀଠ କହିଛନ୍ତି, ଇଡି ଏକ ସରକାରୀ ସଂସ୍ଥା, ଏହା ଠକଙ୍କ ଭଳି କାମ କରିପାରିବ ନାହିଁ । ବିଗତ ପାଞ୍ଚ ବର୍ଷରେ ଇଡି ପ୍ରାୟ ୫ ହଜାର ମାମଲା କରିଛି । କିନ୍ତୁ ଏସବୁ ମାମଲାରେ ଦଣ୍ଡ ହାର ୧୦ ପ୍ରତିଶତରୁ କମ୍ । ପାଞ୍ଚରୁ ଛଅ ବର୍ଷ ହାଜତରେ ରହିବା ପରେ ମଧ୍ୟ ଜଣେ ବ୍ୟକ୍ତି ଖଲାସ ହୋଇଯାଉଛି । ଏହାର ଉତ୍ତର କିଏ ଦେବ ବୋଲି କୋର୍ଟ ପ୍ରଶ୍ନ କରିଛନ୍ତି । ଯେତେବେଳେ ପ୍ରଭାବୀ ଲୋକମାନେ ଆଇନକୁ ଫାଙ୍କି ବିଦେଶକୁ ପଳାଇ ଯାଉଛନ୍ତି, ଇଡି ନାଚାର ହୋଇଯାଉଛି ବୋଲି କୋର୍ଟ କହିଛନ୍ତି ।
…
22.
ବୈଭବ ସୂର୍ଯ୍ୟବଂଶୀଙ୍କ ବଲରୁ ଅଳ୍ପକେ ବର୍ତ୍ତିଲେ କ୍ୟାମେରା ମ୍ୟାନ୍
ବିସ୍ଫୋରକ ବ୍ୟାଟିଂ ପାଇଁ ପରିଚିତ ବୈଭବ ସୂର୍ଯ୍ୟବଂଶୀ । ଆଇପିଏଲ ଏବଂ ୧୯ ବର୍ଷରୁ କମ୍ ଇଂଲଣ୍ଡ ବିପକ୍ଷ ସିରିଜରେ ସେ ଧୂଆଁଧାର ବ୍ୟାଟିଂର ଉଦାହରଣ ଦେଖାଇଛନ୍ତି । ଗୁରୁବାର ଆଇପିଏଲ ଟିମ୍ ରାଜସ୍ଥାନ ରୟାଲ୍ସ ପକ୍ଷରୁ ହେଉଥିଲା ଏକ ପ୍ରମୋ ସୁଟିଂ । ଏଥିରେ ବ୍ୟାଟିଂ ଦୃଶ୍ୟରେ ଭାଗ ନେଇଥିଲେ ବୈଭବ । ତାଙ୍କ ହେଲମେଟରେ ଲାଗିଥିଲା ଗୋ-ପ୍ରୋ କ୍ୟାମେରା । ନନ୍ ଷ୍ଟ୍ରାଇକର ଏଣ୍ଡରେ ୨/୩ ଜଣ କ୍ୟାମେରା ମ୍ୟାନ କ୍ୟାମେରା ସହ ସୁଟିଂ କରୁଥିଲେ । ବୋଲର ବୋଲିଂ କରିଥିଲେ । ବୈଭବ ବଲକୁ ଏତେ ଜୋରରେ ହିଟ୍ କରିଥିଲେ ଯେ ତାହା ମିସାଇଲ ବେଗରେ ସିଧା କ୍ୟାମେରାମ୍ୟାନ କ୍ରିଉଙ୍କ ଉପରକୁ ଯାଇଥିଲା । ସମସ୍ତେ ତଳେ ପଡ଼ିଯାଇ ଅଳ୍ପକେ ବର୍ତ୍ତିଥିଲେ । ଅନ୍ୟଥା ଡାକ୍ତରଖାନା ଦେଖିବାକୁ ପଡ଼ିଥାନ୍ତା ।
…
23.
ଉପରାଷ୍ଟ୍ରପତି ନିର୍ବାଚନ ପାଇଁ ଜାରି ହେଲା ବିଜ୍ଞପ୍ତି, ସେପ୍ଟେମ୍ବର ୯ରେ ଭୋଟ
ଆସନ୍ତା ସେପ୍ଟେମ୍ବର ୯ ତାରିଖରେ ହେବ ଉପରାଷ୍ଟ୍ରପତି ନିର୍ବାଚନ । ଗୁରୁବାର ନିର୍ବାଚନ କମିଶନ ଏ ସମ୍ପର୍କରେ ବିଧିବଦ୍ଧ ବିଜ୍ଞପ୍ତି ଜାରି କରିଛନ୍ତି । ଏହାପରେ ଆରମ୍ଭ ହୋଇଛି ନାମାଙ୍କନ ଦାଖଲ ପ୍ରକ୍ରିୟା । ଅଗଷ୍ଟ ୨୧ ନାମାଙ୍କନ ଦାଖଲର ଶେଷ ଦିନ ଏବଂ ୨୨ ତାରିଖରେ ଯାଞ୍ଚ କରାଯିବ । ନାମାଙ୍କନ ପ୍ରତ୍ୟାହାରର ପାଇଁ ଶେଷ ଦିବସ ଅଗଷ୍ଟ ୨୫ । ଆବଶ୍ୟକ ପଡ଼ିଲେ ସେପ୍ଟେମ୍ବର ୯ରେ ଭୋଟ ହେବ । ଗତ ଜୁଲାଇ ୨୫ ତାରିଖରେ ଉପରାଷ୍ଟ୍ରପତି ପଦରୁ ଜଗଦୀପ ଧନଖଡ଼ ସ୍ୱାସ୍ଥ୍ୟଗତ କାରଣରୁ ଇସ୍ତଫା ଦେଇଥିଲେ ।
…
24..
ଏବେ ବି ଉତ୍ତରକାଶୀରେ ଫସିଛନ୍ତି ୪୦୦ ଲୋକ, ୮ ଯବାନଙ୍କ ପତ୍ତା ନାହିଁ
ଉତ୍ତରାଖଣ୍ଡର ଉତ୍ତରକାଶୀ ଜିଲ୍ଲା ଅନ୍ତର୍ଗତ ହର୍ଷିଲ-ଧରାଲି ଉପତ୍ୟକାରେ ନିଖୋଜଙ୍କୁ ଠାବ କରିବାକୁ ଉଦ୍ୟମ ଜାରି ରହିଛି । ପ୍ରକୃତିର ପ୍ରଳୟ ପରେ ଅଞ୍ଚଳର ଶହ ଶହ ଘର କାଦୁଅ ପଙ୍କ ମଧ୍ୟରେ ପୋତି ହୋଇ ରହିଛି । ସରକାରୀ ଭାବେ ମୃତୁ୍ୟ ସଂଖ୍ୟା ୫ କୁହାଯାଉଥିଲେ ମଧ୍ୟ ବାସ୍ତବ ମୃତୁ୍ୟ ଯଥେଷ୍ଟ ଅଧିକ ବୋଲି ସ୍ଥାନୀୟ ଲୋକେ କହୁଛନ୍ତି । ଏବେ ବି ୫୦ରୁ ଅଧିକ ଲୋକ ନିଖୋଜ ଅଛନ୍ତି । ସେମାନଙ୍କ ମଧ୍ୟରେ ଜଣେ ଜେସିଓ ଏବଂ ୮ ଜଣ ଯବାନ ମଧ୍ୟ ଅଛନ୍ତି । ୪ ଶହରୁ ଅଧିକ ଲୋକଙ୍କୁ ଉଦ୍ଧାର କରାଗଲାଣି । ତଥାପି ଆହୁରି ପ୍ରାୟ ୪ ଶହ ଲୋକ ଫସି ରହିଛନ୍ତି । ସେନା ଓ ଏନଡିଆରଏଫ ହେଲିକପ୍ଟର ସହାୟତାରେ ସେମାନଙ୍କୁ ଉଦ୍ଧାର କରିବାକୁ ଚେଷ୍ଟା କରାଯାଉଛି ।
…
25..
ମାଥେରନ ହିଲ ଷ୍ଟେସନରେ ହାତଟଣା ରିକ୍ସା ବନ୍ଦ କଲେ ସୁପ୍ରିମକୋର୍ଟ, ଇ-ରିକ୍ସା ପାଇଁ ନିଦେ୍ର୍ଦଶ
ହାତଟଣା ରିକ୍ସା ଏକ ଅମାନବୀୟ କାର୍ଯ୍ୟ । ଜଣେ ଲୋକକୁ ରିକ୍ସାରେ ଆଉ ଜଣେ ଟାଣି ଟାଣି ନେବା ସମ୍ପୂର୍ଣ୍ଣ ଅମାନବୀୟ । ପ୍ରତ୍ୟେକ ଭାରତୀୟଙ୍କର ସମ୍ମାନ ଓ ସମାନତାର ସହ ବଂଚିବାର ଅଧିକାର ରହିଛି । ଜଣେ ନିଜ ଇଚ୍ଛାରେ ରିକ୍ସା ଟାଣେ ନାହିଁ । ପରିସ୍ଥିତି ତାଙ୍କୁ ଏଭଳି କରିବାକୁ ବାଧ୍ୟ କରିଥାଏ । ମହାରାଷ୍ଟ୍ରର ପଶ୍ଚିମଘାଟରେ ଥିବା ପ୍ରସିଦ୍ଧ ହିଲ୍ ଷ୍ଟେସନ ମାଥେରନରେ ହାତଟଣା ରିକ୍ସାକୁ ବନ୍ଦ କରିବାକୁ ସର୍ବୋଚ୍ଚ ନ୍ୟାୟାଳୟ ନିଦେ୍ର୍ଦଶ ଦେଇଛନ୍ତି । ଏହି ଅବସରରେ ଉପରୋକ୍ତ ମନ୍ତବ୍ୟ ଦେଇଛନ୍ତି ପ୍ରଧାନ ବିଚାରପତି ବି.ଆର. ଗଭଇଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ । ଆଗାମୀ ୬ ମାସ ମଧ୍ୟରେ ନୂଆ ଯୋଜନା ଆଣି ଲୋକଙ୍କୁ ଇ-ରିକ୍ସା ଯୋଗାଇ ଦେବାକୁ କୋର୍ଟ ରାଜ୍ୟ ସରକାରଙ୍କୁ ନିଦେ୍ର୍ଦଶ ଦେଇଛନ୍ତି ।
…
26.
ପୁଲିସ ଡ୍ରାଇଭର ନିଯୁକ୍ତି ମାମଲା, ସର୍ବୋଚ୍ଚ ବୟସ ସୀମା ୪ ବର୍ଷ ବଢ଼ିଲା
ପୁଲିସ ବିଭାଗରେ ଡ୍ରାଇଭର ନିଯୁକ୍ତି ପାଇଁ ରାଜ୍ୟ ସରକାର ସର୍ବୋଚ୍ଚ ବୟସସୀମା କୋହଳ କରିଛନ୍ତି । ଏହି ସୀମା ୨୩ ରୁ ୨୭ ବର୍ଷକୁ ବୃଦ୍ଧି କରାଯାଇଛି । ରାଜ୍ୟ ସରକାରଙ୍କ ପକ୍ଷରୁ ଗୁରୁବାର ହାଇକୋର୍ଟରେ ଏହି ସୂଚନା ଦିଆଯାଇଛି । ୨୦୨୪ରେ ୪୦୫ଟି ପୁଲିସ ଡ୍ରାଇଭର ନିଯୁକ୍ତି ପାଇଁ ବିଜ୍ଞପ୍ତି ପ୍ରକାଶ ପାଇଥିଲା । ଏଥିପାଇଁ ସର୍ବନିମ୍ନ ବୟସ ସୀମା ୧୮ ଓ ସର୍ବୋଚ୍ଚ ସୀମା ୨୩ ବର୍ଷ ରଖାଯାଇଥିଲା । କିନ୍ତୁ କରୋନା ସମୟରେ କୌଣସି ନିଯୁକ୍ତି ପ୍ରକ୍ରିୟା ହୋଇ ନଥିବାରୁ ୧୨୪୫ ଜଣ ପ୍ରାର୍ଥୀ ହାଇକୋର୍ଟରେ ଆବେଦନ କରିଥିଲେ । ହାଇକୋର୍ଟଙ୍କ ସିଙ୍ଗଲ୍ ଜଜ୍ ମାମଲାର ଶୁଣାଣି କରି ୪ ବର୍ଷ ବୟସ ବୃଦ୍ଧି ଲାଗି ନିଦେ୍ର୍ଦଶ ଦେଇଥିଲେ । ଏହା ବିରୋଧରେ ସରକାର ପୁଣି ଆବେଦନ କରିଥିଲେ ମଧ୍ୟ ଏବେ ପିଟିସନ ପ୍ରତ୍ୟାହାର କରିନେଇଛନ୍ତି ।
…
27.
ହାଇକୋର୍ଟ ସ୍ପଷ୍ଟ କଲେ, ରାଜ୍ୟରେ ଗୋ-ହତ୍ୟା ଉପରେ ରହିଛି କଟକଣା
ଓଡ଼ିଶାରେ ଗୋ-ହତ୍ୟା ଉପରେ କଟକଣା ରହିଛି । ଏଥିପାଇଁ ଆଇନ ବଳବତ୍ତର ରହିଛି । ତେଣୁ ରାଜ୍ୟରେ ଗୋ-ହତ୍ୟା ହୋଇପାରିବ ନାହିଁ ବୋଲି ଗୁରୁବାର ଏକ ମାମଲାର ଶୁଣାଣି କରି ହାଇକୋର୍ଟ କହିଛନ୍ତି । ୧୯୬୦ ମସିହାରୁ ରାଜ୍ୟରେ ଗୋ-ହତ୍ୟା ବନ୍ଦ ପାଇଁ ଆଇନ ଥିଲେ ମଧ୍ୟ ତାହା କାର୍ଯ୍ୟକାରୀ ହେଉନି । ଏହା ଦର୍ଶାଇ ଗୋ-ଫାଉଣ୍ଡେସନ ପକ୍ଷରୁ ହାଇକୋର୍ଟରେ ଏକ ମାମଲା କରାଯାଇଥିଲା । କୋର୍ଟ ରାଜ୍ୟ ସରକାରଙ୍କ ଠାରୁ ରିପୋର୍ଟ ତଲବ କରିଥିଲେ । ରାଜ୍ୟ ସରକାର ତାଙ୍କ ଜବାବରେ ବଳବତ୍ତର ଥିବା ଆଇନ ବାବଦରେ କୋର୍ଟଙ୍କୁ ଅବଗତ କରୀାଇଥିଲେ । ଏହାପରେ ହାଇକୋର୍ଟ ସ୍ପଷ୍ଟ କରିଛନ୍ତି ରାଜ୍ୟାରେ ଗୋ-ହତ୍ୟା ହୋଇପାରିବ ନାହିଁ ।
…
28.
ଜୁନିଅର ଜାତୀୟ ଆକ୍ୱାଟିକ୍ ଚାମ୍ପିଅନସିପରେ ଓଡ଼ିଶାର ସାଇ ସ୍ୱରୂପଙ୍କୁ ୨ ସ୍ୱର୍ଣ୍ଣ
ଅହମ୍ମଦାବାଦରେ ଚାଲିଛି ୫୧ତମ ଜୁନିଅର ଜାତୀୟ ଆକ୍ୱାଟିକ୍ ଚାମ୍ପିଅନସିପ୍ । ଏଥିରେ ଓଡ଼ିଶା ପାଇଁ ସଫଳତା ଆଣିଛନ୍ତି ସାଇ ସ୍ୱରୂପ ସ୍ୱାଇଁ । ଅନ୍ତିମ ଦିବସରେ ସେ ବ୍ରେଷ୍ଟଷ୍ଟ୍ରୋକରେ ସ୍ୱର୍ଣ୍ଣ ଜିତିଛନ୍ତି । ଏହି ପ୍ରତିଯୋଗିତାରେ ସାଇ ମୋଟ ୨ଟି ସ୍ୱର୍ଣ୍ଣ ଓ ଗୋଟିଏ ବ୍ରୋଞ୍ଜ ଜିତିବାରେ ସଫଳ ହୋଇଛନ୍ତି । ପୂର୍ବରୁ କୌଣସି ଓଡ଼ିଆ ପ୍ରତିଯୋଗୀ ଜାତୀୟ ଜୁନିଅର ପ୍ରତିଯୋଗିତାରେ ସ୍ୱର୍ଣ୍ଣ ଜିତିପାରିନଥିଲେ । ସାଇ ଦ୍ୱିତୀୟ ଓଡ଼ିଆ ଭାବେ ଜାତୀୟ ଜୁନିଅର ପ୍ରତିଯୋଗିତାରେ ୩୫ ବର୍ଷ ପରେ ପଦକ ହାସଲ କରିବାରେ ସଫଳ ହୋଇଛନ୍ତି । ପୂର୍ବରୁ ୧୯୯୦ ମସିହାରେ ରଙ୍କନିଧି ସେଠ୍ ୧୦୦ ମିଟର ବ୍ୟାକ୍ ଷ୍ଟ୍ରୋକରେ ବ୍ରୋଞ୍ଜ ପଦକ ଜିତିଥିଲେ ।
…
29.
ଆସନ୍ତା ୧୩ ତାରିଖ ବେଳକୁ ହୋଇପାରେ ଲଘୁଚାପ
ରାଜ୍ୟରେ ଏବେ କାଁ ଭାଁ ବର୍ଷା ହେଉଛି । ତେବେ ଅନେକ ସ୍ଥାନରେ ବର୍ଷା ସହିତ ବଜ୍ରପାତ ହେଉଛି । ତେବେ ଆଗାମୀ ୧୩ ତାରିଖ ବେଳକୁ ଓଡ଼ିଶା ଉପକୂଳରେ ଏକ ଲଘୁଚାପ ହେବାର ସମ୍ଭାବନା ଥିବା ପାଣିପାଗ ବିଶେଷଜ୍ଞ କହିଛନ୍ତି । ଏହା ପ୍ରଭାବରେ ଭଲ ବର୍ଷା ହେବ ଏବଂ ଚାଷୀଙ୍କୁ ସୁବିଧା ହେବ । ଜୁନ ପହିଲାରୁ ଏ ପର୍ଯ୍ୟନ୍ତ ରାଜ୍ୟରେ ୬୩୪ମିଲିମିଟର ବର୍ଷା ହୋଇଛି । ୧୬ଟି ଜିଲ୍ଲାରେ ସ୍ୱାଭାବିକ ବର୍ଷା ଥିବା ବେଳେ ୯ଟି ଜିଲ୍ଲାରେ ନିଅଣ୍ଟିଆ ରହିଛି ।
…
30
ସାମୟିକ ଭାବେ ରୁଷ ତେଲ କ୍ରୟ କରିବା ସ୍ଥଗିତ ରଖିଲେ ରାଷ୍ଟ୍ରାୟତ୍ତ କମ୍ପାନି
ରୁଷ ତେଲ କ୍ରୟକୁ ବିରୋଧ କରି ଆମେରିକା ଭାରତ ଉପରେ ୫୦ ପ୍ରତିଶତ ଶୁଳ୍କ ଲଗାଇଛି । ଏଭଳି ସ୍ଥିତିରେ ସରକାରଙ୍କ ପରବର୍ତ୍ତୀ ଆଭିମୁଖ୍ୟ ପର୍ଯ୍ୟନ୍ତ ରାଷ୍ଟ୍ରାୟତ୍ତ କମ୍ପାନି ଗୁଡ଼ିକ ରୁଷରୁ ତେଲ କ୍ରୟ ସ୍ଥଗିତ ରଖିଛନ୍ତି । ଭାରତୀୟ ତୈଳ ନିଗମ, ଭାରତ ପେଟ୍ରୋଲିୟମ କର୍ପୋରେସନ, ହିନ୍ଦୁସ୍ତାନ ପେଟ୍ରୋଲିୟମ କର୍ପୋରେସନ ଭଳି କମ୍ପାନି ଗୁଡ଼ିକ ଆସନ୍ତା ଅକ୍ଟୋବର ମାସର ଲୋଡିଂ ଉପରେ ରୋକ କରିଛନ୍ତି । କେନ୍ଦ୍ର ସରକାର ତାଙ୍କର ସ୍ପଷ୍ଟ ମାର୍ଗଦର୍ଶିକା ଜାରି କରିବା ପରେ ତେଲ କମ୍ପାନି ପରବର୍ତ୍ତୀ ନିଷ୍ପତ୍ତି ନେବେ ।
About the Author
