ପାରସ୍ୟ ଉପସାଗରରେ ମାଇନ୍ସ ବିଛାଇବାକୁ ଇରାନର ଧମକ

ଇରାନର କୌଣସି ଉପକୂଳ ଅଞ୍ଚଳ କିମ୍ବା ଦ୍ୱୀପରେ ଆକ୍ରମଣ କରାଗଲେ ପରିଣତି ଭୟବହ ହେବ ବୋଲି ଏହା ଧମକ ଦେଇଛି । ଜବାବରେ ସମଗ୍ର ପାରସ୍ୟ ଉପସାଗରରେ ମାଇନ୍ସ ବିଛାଇ ଦିଆଯିବ ବୋଲି ଇରାନ କହିଛି । ଇରାନର ନ୍ୟାସନାଲ ଡିଫେନ୍ସ କାଉନସିଲ କହିଛି, ଆକ୍ରମଣ ହେଲେ ଉପସାଗର ଅଞ୍ଚଳରେ ଥିବା ସବୁ ସାମୁଦ୍ରିକ ଜଳମାର୍ଗକୁ ଅଚଳ କରିଦିଆଯିବ । ଯାହାଫଳରେ ଏହି ଜଳମାର୍ଗରେ ଯାତାୟତ କରିବାକୁ ଥିବା ଦେଶମାନେ ଇରାନ ସହ କଥାବାର୍ତ୍ତା କରିବାକୁ ବାଧ୍ୟ । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନକୁ ଧମକ ଦେବାର କିଛି ଘଣ୍ଟା ପରେ କାଉନସିଲ ଏଭଳି ଚେତାବନୀ ଦେଇଛି । ୪୮ ଘଣ୍ଟା ଭିତରେ ହୋର୍ମୁଜ ପ୍ରଣାଳୀକୁ ନ ଖୋଲିଲେ ଇରାନର ସମସ୍ତ ଶକ୍ତିକେନ୍ଦ୍ର ଓ ତୈଳ ଭଣ୍ଡାର ଉପରେ ପ୍ରଚଣ୍ଡ ଆକ୍ରମଣ ପାଇଁ ଟ୍ରମ୍ପ ଧମକ ଦେଇଥିଲେ । ତୈଳ ଉତ୍ତୋଳନ ସବୁ ଦ୍ୱୀପକୁ ଟାର୍ଗେଟ କରାଯିବ ବୋଲି କହିଥିଲେ । ଖର୍ଗ ଦ୍ୱୀପକୁ କବଜା କରିବା ଲାଗି ରଣନୀତି ପ୍ରସ୍ତୁତ କରିଥିଲେ ।